NKEBI NKE ATỌ
‘M Ga-akpọkọta Unu’—E Kwere Nkwa na A Ga-eme Ka A Maliteghachi Ife Chineke Ezigbo Ofufe
IHE NKEBI A NA-EKWU: Amụma ndị Ezikiel buru gosiri na a ga-amaliteghachi ife Chineke ezigbo ofufe
Ndị Izrel nọ ná nsogbu. Ha adịghịzi n’otu maka na ha hapụrụ ife Chineke fewe arụsị. Ha na-ata ahụhụ maka ihe ọjọọ ndị ha mere. Ha tere aha Chineke unyi, metọọkwa ezigbo ofufe ha na-efe ya. N’oge ahụ nsogbu zuru ha ahụ́, Jehova mere ka Ezikiel buo amụma ndị gosiri ihe ọma Jehova ka ga-emere ha. Jehova ji ihe atụ dị iche iche na ọhụụ ndị na-emetụ n’ahụ́ o gosiri Ezikiel gbaa ndị Izrel a dọọrọ n’agha ume nakwa onye ọ bụla ọ na-agụ agụụ ka a maliteghachi ife Chineke ezigbo ofufe.
NÁ NKEBI A
ISI NKE 8
“M Ga-ahọpụta . . . Ohu M Ka Ọ Na-azụ Ha”
Chineke ji mmụọ nsọ ya mee ka Ezikiel buo amụma gbasara Mezaya, onye ga-emecha bụrụ Onye Ọchịchị na Onye na-azụ atụrụ Jehova, onye ga-eme ka a maliteghachi ife Jehova ezigbo ofufe ruo ebighị ebi.
ISI NKE 9
“M Ga-eme Ka Unu Nwee Otu Obi”
Amụma ndị e buuru ndị Juu ji obi ha niile na-efe Jehova, bụ́ ndị a dọọrọ n’agha laa Babịlọn, hà gbasara anyị n’oge a?
ISI NKE 10
‘Unu Ga-adị Ndụ Ọzọ’
N’ọhụụ, Ezikiel hụrụ ọkpụkpụ kpọrọ nkụ ndị juru na ndagwurugwu ndị mechara dịrị ndụ ọzọ. Gịnị ka ọhụụ a pụtara?
ISI NKE 11
“M Họpụtara Gị Ka Ị Bụrụ Onye Nche”
Gịnị bụ ọrụ onye nche a? Olee aka ná ntị a gwara ya ka ọ dọọ ndị mmadụ?
ISI NKE 14
“Iwu Gbasara Ụlọ Nsọ A”
Gịnị ka ndị Juu nọ n’oge Ezikiel mụtara n’ọhụụ ụlọ nsọ Ezikiel hụrụ? Gịnịkwa ka anyị na-amụta n’ọhụụ ahụ?
