NKEBI NKE 4
Gịnị Ka Ntị Adam na Iv Gere Setan Kpatara?
Adam na Iv nupụụrụ Chineke isi ma nwụọ. Jenesis 3:6, 23
Iv gere agwọ ahụ ntị wee rie mkpụrụ osisi ahụ. O mechara nyetụ Adam, Adam eriekwa.
Ihe ahụ ha mere adịghị mma. Ọ bụ mmehie. Chineke chụpụrụ ha na Paradaịs ahụ ha bi.
Ihe siiri ha na ụmụ ha ike. Ha kara nká, mechaakwa nwụọ. Ha agaghị biri n’ala ndị mmụọ; ha kwụsịrị ịdị ndụ.
Jenesis 3:19
Ndị nwụrụ anwụ adịghị ndụ, otú ahụ ájá na-adịghị ndụ.Ihe mere anyị ji anwụ bụ na anyị niile bụ ụmụ Adam na Iv. Ndị nwụrụ anwụ anaghị ahụ ụzọ, ha anaghị anụ ihe, ha anaghịkwa eme ihe ọ bụla.—Ekliziastis 9:5, 10.
Jehova ebughị n’obi ka ndị mmadụ na-anwụ anwụ. N’oge na-adịghị anya, ọ ga-akpọlite ndị nwụrụ anwụ. Ọ bụrụ na ha egee ya ntị, ha ga-adị ndụ ebighị ebi.