NKEBI NKE 4
Gịnị Ka Ntị Adam na Iv Gere Setan Kpatara?
Adam na Iv nupụụrụ Chineke isi ma nwụọ. Jenesis 3:6, 23
Iv gere agwọ ahụ ntị wee rie mkpụrụ osisi ahụ. O mechara nyetụ Adam, Adam eriekwa.
Ihe ahụ ha mere adịghị mma. Ọ bụ mmehie. Chineke chụpụrụ ha na Paradaịs ahụ ha bi.
Ihe siiri ha na ụmụ ha ike. Ha kara nká, mechaakwa nwụọ. Ha agaghị biri n’ala ndị mmụọ; ha kwụsịrị ịdị ndụ.
Ndị nwụrụ anwụ adịghị ndụ, otú ahụ ájá na-adịghị ndụ. Jenesis 3:19
Ihe mere anyị ji anwụ bụ na anyị niile bụ ụmụ Adam na Iv. Ndị nwụrụ anwụ anaghị ahụ ụzọ, ha anaghị anụ ihe, ha anaghịkwa eme ihe ọ bụla.—Ekliziastis 9:5, 10.
Jehova ebughị n’obi ka ndị mmadụ na-anwụ anwụ. N’oge na-adịghị anya, ọ ga-akpọlite ndị nwụrụ anwụ. Ọ bụrụ na ha egee ya ntị, ha ga-adị ndụ ebighị ebi.
Isiokwu A Nwekwara Ike Ịmasị Gị
ESSENTIAL BIBLE TEACHINGS
Gịnị Na-eme Ndị Mmadụ ma Ha Nwụọ?
Baịbụl kwuru na oge na-abịa mgbe a ga-akpọlite ọtụtụ ndị n’ọnwụ otú ahụ a kpọlitere Lazarọs.
ESSENTIAL BIBLE TEACHINGS
Gịnị Mere Chineke Ji Kwe Ka Ahụhụ Dịrị?
Ọtụtụ ndị na-ajụ ihe mere ọtụtụ ndị ji kpọọ ibe ha asị, ọtụtụ ndị ana-atakwa ahụhụ. Otú Baịbụl si zaa ajụjụ a doro anya, na-akasikwa mmadụ obi.
