Okwu Mmalite
Chineke yiri nna nke hụrụ ụmụ ya n’anya. 1 Pita 5:6, 7
Ọ bụ Chineke kere anyị. Ọ na-echekwa banyere anyị. Nna nke maara ihe ma hụ ụmụ ya n’anya na-akụziri ụmụ ya ihe, ọ bụ otú ahụ ka Chineke si akụziri ndị mmadụ n’ebe niile ụzọ kacha mma ha ga-esi ebi ndụ.
Chineke na-eme ka anyị mara eziokwu ndị dị oké ọnụ ahịa, bụ́ ndị na-eme ka anyị nwee ọṅụ na olileanya.
Ọ bụrụ na i gee Chineke ntị, ọ ga-eduzi gị. Ọ ga elekọta gị ma nyere gị aka imeri nsogbu ndị ị na-enwe.
Ma e nwere ihe ọzọ ọ ga-emere gị. Ọ ga-enye gị ndụ ebighị ebi!
Chineke na-agwa onye ọ bụla, sị, ‘Bịakwute m. Gee ntị, dịkwa ndụ.’ Aịzaya 55:3
Isiokwu A Nwekwara Ike Ịmasị Gị
ESSENTIAL BIBLE TEACHINGS
Chineke Ò Nwere Aha?
A na-etu Chineke ọtụtụ aha ndị dị ka, Nna, Onye Okike, na Onyenwe anyị. Vidio a gosiri na aha Chineke gbara ihe karịrị ugboro puku asaa na Baịbụl.
ll p. 2-3
