NKEBI NKE 9
Olee Mgbe Ụwa Ga-aghọ Paradaịs?
Ihe ọjọọ ndị na-eme n’ụwa na-egosi na Alaeze Chineke adịla nso. Luk 21:10, 11; 2 Timoti 3:1-5
Baịbụl buru ọtụtụ ihe na-eme taa n’amụma. O kwuru na ndị mmadụ ga-abụ ndị hụrụ ego n’anya, ndị na-enupụrụ ndị mụrụ ha isi, ndị na-eme ihe ike, na ndị hụrụ ihe ụtọ n’anya.
A ga-enwe oké ala ọma jijiji, agha, ụkọ nri, na ọrịa nke zuru ebe niile. Ihe ndị a na-eme taa.
Jizọs kwukwara na a ga-ekwusa ozi ọma banyere Alaeze Chineke n’ụwa dum.—Matiu 24:14.
Alaeze Chineke ga-ewepụ ihe ọjọọ niile. 2 Pita 3:13
N’oge na-adịghị anya, Jehova ga-ebibi ndị niile na-eme ihe ọjọọ.
Chineke ga-emesi Setan na ndị mmụọ ọjọọ ya ike.
Ndị ga-afọdụ bụ ndị gere Chineke ntị. Ha ga-ebi n’ụwa ọhụrụ ezi omume, bụ́ ebe egwu na-agaghị adị. Ndị ga-ebi na ya ga-atụkwasị ibe ha obi, hụkwa ibe ha n’anya.
Isiokwu A Nwekwara Ike Ịmasị Gị
AKWỤKWỌ NA BROSHỌ
Gịnị Bụ Alaeze Chineke?
Ihe Jizọs meere ndị mmadụ gosiri ihe Alaeze Chineke ga-emere ụmụ amaala ya.
AKWỤKWỌ NA BROSHỌ
Ò Nwere Mgbe Nsogbu Ụwa A Ga-akwụsị?
Baịbụl kwuru na Chineke kpọrọ ikpe na-ezighị ezi asị nakwa na ihe gbasara ụmụ mmadụ na-emetụ ya n’obi. Olee uru ihe a ga-abara gị?
