Aịzaya 24:1-23
24 Jehova ga-eme ka ala* a tọgbọrọ nkịtị, meekwa ka ọ bụrụ ebe e bibiri ebibi.+
Ọ ga-atụgharị ya,+ chụsasịakwa ndị bi na ya.+
2 Otú ihe ga-adịrị otu onye ka ọ ga-adịrị ibe ya:
Ma ndị nkịtị ma onye nchụàjà,Ma onye na-eje ozi ma nna ya ukwu,Ma nwaanyị na-eje ozi ma nne ya ukwu,Ma onye na-azụ ihe ma onye na-ere ere,Ma onye na-agbazinye ihe ma onye na-agbaziri agbaziri,Ma onye e ji ụgwọ ma onye ji ụgwọ.+
3 A ga-eme ka ala a tọgbọrọ nkịtị.
A ga-ebukọrọ ihe dị na ya,+N’ihi na Jehova ekwuola ya.
4 Ala a na-eru uju.*+ O nweghịzi uru ọ bara.
Elu ala akpọọla nkụ. Ike agwụla ya.
Ndị ukwu nọ n’ala a ataala ahụ́.
5 Ndị bi n’ala a emerụọla ya,+N’ihi na ha emebiela iwu,+Gbanwee otú e kwesịrị isi na-eme ihe,+Mebiekwa ọgbụgba ndụ gaara adịte aka.*+
6 Ọ bụ ya mere e ji bụọ ala a ọnụ, ya alaa n’iyi.+
Ikpe makwara ndị bi na ya.
Ọ bụ ya mere ndị bi na ya ji belata,Mmadụ ole na ole afọdụzie na ya.+
7 Mmanya ọhụrụ na-eru uju.* Osisi vaịn akpọnwụọla.+
Ndị niile obi na-atọbu ụtọ na-asụzi ude.+
8 Aṅụrị a na-enwe ma a kụwa obere ịgbà akwụsịla.
Mkpọtụ nke ndị na-eme oriri akwụsịla.
Aṅụrị a na-enwe ma a kpọwa ụbọ akwara akwụsịla.+
9 Ha anaghịzi agụ egwú mgbe ha na-aṅụ mmanya.
Mmanya na-eluzi ndị na-aṅụ ya ilu.
10 E meela ka obodo na-enweghịzi ndị bi na ya ghasaa.+
E mechiela ụlọ niile ka mmadụ ghara ịbanye na ha.
11 Ha na-eti mkpu ákwá n’okporo ámá n’ihi ụkọ mmanya.
Aṅụrị niile a na-enwe akwụsịla.
Aṅụrị a na-enwe n’ala a akwụsịla.+
12 E meela ka obodo a ghọọ ikpo nkume.
A kụọla ọnụ ụzọ ámá ya righirighi, ya aghọọ ikpo nkume.+
13 N’ihi na otú a ka ọ ga-adị ná mba ndị ọzọ n’ụwa a:
Ọ ga-adị ka mgbe a kụtuchara mkpụrụ dị n’osisi oliv,+Ọ ga-adịkwa ka mkpụrụ ole na ole fọrọ n’osisi vaịn mgbe a ghọchara mkpụrụ ya.+
14 Ndị mmadụ ga-eti mkpu ọṅụN’olu dara ụda.
Ha ga-esi n’oké osimiri* kọsaa na Jehova dị ebube.+
15 Ha ga-esi n’ebe ọwụwa anyanwụ+ too Jehova.
Ha ga-esikwa n’agwaetiti oké osimiri too aha Jehova, bụ́ Chineke Izrel.+
16 Anyị na-anụ egwú a nọ ebe ụwa sọtụrụ na-agụ:
“Ka E Too Onye Ezi Omume!”+
Ma m sịrị: “Nke m na-eme agwụla. Nke m na-eme agwụla!
Efuola m! Ndị aghụghọ aghọọla aghụghọ.
Ndị aghụghọ aghọọla aghụghọ.”+
17 Ndị bi n’ala a, unu ga-atụ ụjọ, daba n’olulu, maakwa n’ọnyà.+
18 Onye ọ bụla nke na-agba ọsọ n’ihi mkpu na-emenye ụjọ a na-eti ga-adaba n’olulu.
Ọnyà ga-amakwa onye ọ bụla nke si n’olulu ahụ na-apụta,+N’ihi na a ga-emeghe ọnụ ụzọ mmiri nke dị n’elu.
Ntọala niile nke ala a ga-amakwa jijiji.
19 Ala a agbabiela.
A yọgharịala ya.
Ọ na-amazi jijiji.+
20 Ala na-adagharị ka onye mmanya na-egbu.
Ọ na-ete kweke kweke ka obere ụlọ ifufe na-ebugharị.
Mmehie ya na-anyịgbukwa ya.+
Ọ ga-ada. Ọ gaghịkwa ebilite ọzọ.
21 N’oge ahụ, Jehova ga-elebara ndị agha nọ n’elu anya,Lebakwara ndị eze nọ n’ụwa anya.
22 A ga-achịkọta haOtú e si achịkọta ndị mkpọrọ n’olulu.
A ga-akpọchikwa ha n’ụlọ mkpọrọ.
A ga-elebara ha anya ma ọtụtụ ụbọchị gachaa.
23 Jehova nke ụsụụ ndị agha abụrụla Eze+ n’Ugwu Zayọn+ nakwa na Jeruselem.
Ọchịchị ya ga-adị ebube n’anya ndị okenye ndị ya.*+
N’ihi otú ọchịchị ya si dị ebube, ọnwa gbazuru agbazu ga-agba ọchịchịrị.
Anyanwụ na-achasi ike ga-agbakwa itiri.+
Ihe E Dere n'Ala Ala Peeji
^ Ma ọ bụ “ụwa.”
^ O nwere ike ịbụ, “akpọọla nkụ.”
^ Ma ọ bụ “ọgbụgba ndụ oge ochie.”
^ O nwere ike ịbụ, “ataala.”
^ Ma ọ bụ “n’ebe ọdịda anyanwụ.”
^ Na Hibru, “n’anya ndị okenye ya.”
