Aịzaya 25:1-12
25 Jehova, ị bụ Chineke m.
Ana m eto gị, na-etokwa aha gị,N’ihi na i meela ihe ndị dị ebube,+Ihe ndị i bu n’obi ime kemgbe oge ochie.+
I meela ihe i kwuru,+ gosikwa na e kwesịrị ịtụkwasị gị obi.
2 I meela ka otu obodo bụrụ ikpo nkume,Mee ka obodo a rụsiri ike bụrụ ebe e bibiri ebibi,Meekwa ka ụlọ elu ndị mba ọzọ bi gharazie ịdị adị.
O nweghị ihe ga-eme ka a rụghachi obodo ahụ.
3 N’ihi ya, ndị siri ike ga-eto gị.
Obodo ndị obi tara mmiri ga-atụ egwu gị.+
4 N’ihi na ị bụụrụ onye ọ na-enweghị ka ọ hà ya ebe a rụsiri ike,Bụụrụ ogbenye ebe a rụsiri ike n’oge ọ na-ata ahụhụ.+
Ị bụ ebe ha na-agbaba zere nnukwu mmiri ozuzoNa ndò ha na-agbaba zere anwụ.+
Mgbe ndị aka ike wesara ha iwe, ya adị ka mgbe nnukwu mmiri na-ezo n’elu mgbidi, ị na-echebe ha.
5 Otú ahụ ndò ígwé ojii na-eme kaOkpomọkụ nke dị n’ala kpọrọ nkụ kwụsị,Ka ị na-akwụsị mkpọtụ ndị ala ọzọ na-eme,Na-akwụsịkwa egwú ndị aka ike na-agụ.
6 N’ugwu a+ ka Jehova nke ụsụụ ndị agha ga-emere mmadụ niileNnukwu oriri nke ha ga-eri nri na-edozi ahụ́+Na nnukwu oriri ha ga-aṅụ mmanya dị mma.*
Ọ ga-enyekwa ha nri ụmị anụ juru na ya,Nyekwa ha ezigbo mmanya a zara aza.
7 N’ugwu a ka ọ ga-ebibi* ihe kpuchiri mmadụ niileNa ákwà a kpara akpa nke kpuchiri mba niile.
8 Ọ ga-eme ka ọnwụ ghara ịdị* ruo mgbe ebighị ebi.+
Ọkaakaa Onyenwe anyị Jehova ga-ehichapụkwa anya mmiri dị n’ihu mmadụ niile.+
Ọ ga-emekwa ka a kwụsị imenye ndị ya ihere n’ụwa niile.
Ihe a ga-eme maka na Jehova ekwuola ya.
9 N’oge ahụ, ha ga na-ekwu, sị:
“Onye a bụ Chineke anyị.+
Anyị tụkwasịrị ya obi.+
Ọ ga-azọpụtakwa anyị.+
Onye a bụ Jehova.
Anyị tụkwasịrị ya obi.
Ka anyị ṅụrịa ọṅụ, ka obi tọọkwa anyị ụtọ n’ihi na ọ zọpụtala anyị.”+
10 Jehova ga-echebe ugwu a.+
A ga-azọdakwa Moab ebe ọ dị+Otú e si azọda okporo ọka n’ebe a na-awụfu nsị anụ.
11 Ọ ga-agbatị aka ya tie Moab iheOtú onye na-egwu mmiri si eti aka ya na mmiri.
Ọ ga-edozi aka ya tie ya iheOtú ga-eme ka ọ kwụsị ịdị mpako.+
12 Ọ ga-akwatukwa obodo a rụsiri ike,Ya na mgbidi ndị dị elu e ji gbaa ya ogige.
Ọ ga-eme ka ọ daruo ala, nọrọ n’ájá.
Ihe E Dere n'Ala Ala Peeji
^ Ma ọ bụ “mmanya doro edo.”
^ Na Hibru, “ọ ga-elo.”
^ Ma ọ bụ “Ọ ga-elo ọnwụ.”
