Abụ Ọma 102:1-28
Ekpere onye a na-emegbu emegbu kpere mgbe ọ na-ata ahụhụ.* N’ekpere a, ọ kọọrọ Jehova ihe niile na-echegbu ya.+
102 Jehova, biko, nụrụ ekpere m.+
Nụrụ ákwá m na-ebe ka i nyere m aka.+
2 Ezorola m ihu gị n’oge m nọ ná nsogbu.+
Gee m ntị.*
Biko, za m ozugbo m kpọrọ gị.+
3 N’ihi na ndụ m na-agwụ n’ike n’ike ka ebe anwụrụ ọkụ na-ekusasị.
Ọkpụkpụ m na-ere m ọkụ ka à ga-asị na a kwanyere ya ọkụ.+
4 Obi m dịzi ka ahịhịa chanwụrụ achanwụ, nke kpọkwara nkụ,+N’ihi na anaghị m echeta iri nri.
5 Ude m na-asụsi ike emeela+Ka m taa ezigbo ahụ́.+
6 M yiri okwolo nke nọ n’ala ịkpa.
Adị m ka obere ikwiikwii nke nọ n’ebe dakpọsịrị adakpọsị.
7 Edina m ala, ma ụra ekweghị atụ m.*
Adị m ka nnụnụ nke nọ naanị ya n’elu ụlọ.+
8 Ndị iro m na-akparị m mgbe niile.+
Ndị na-akwa m emo na-eji aha m abụ ndị mmadụ ọnụ.
9 M na-aracha ntụ ka à ga-asị na ọ bụ nri.+
Anya mmiri m na-ataba n’ihe m na-aṅụ,+
10 N’ihi iwe gị na ọnụma gị,N’ihi na i buliri m elu ka ị tụfuo m.
11 Ndụ m dị ka onyinyo ji nwayọọ nwayọọ apụ mgbe anwụ na-ada,+M na-akpọnwụkwa ka ahịhịa.+
12 Ma Jehova, ị na-anọ ruo mgbe ebighị ebi,+Ị ga na-edekwa ude* n’ọgbọ niile.+
13 N’eziokwu, ị ga-ebili meere Zayọn ebere,+N’ihi na oge ị ga-emere ya amara eruola.+
Oge a kara aka eruola.+
14 N’ihi na ndị ohu gị ejighị nkume ndị e ji rụọ ya egwu egwu,+Ha nwekwara mmasị n’ájá ya.+
15 Mba dị iche iche ga-atụ egwu aha Jehova,Ndị niile bụ́ eze n’ụwa ga-atụkwa egwu gị maka na ị dị ebube.+
16 N’ihi na Jehova ga-arụghachi Zayọn.+
Ọ ga-egosi na ya dị ebube.+
17 Ọ ga-ege ntị n’ekpere ndị ogbenye.+
Ọ gaghị eleghara ekpere ha anya.+
18 E dere ihe a maka ọgbọ na-abịa abịa,+Ka ndị a ka ga-amụ amụ* wee too Jaa.
19 N’ihi na ọ na-esi n’ebe dị elu ọ nọ, bụ́ ebe dị nsọ, eledata anya.+
Jehova na-esi n’eluigwe ele anya n’ụwa,
20 Ka o wee nụrụ ude ndị a tụrụ mkpọrọ na-asụ,+Ka ọ napụta ndị a mara ikpe ọnwụ,+
21 Ka e wee kọsaa aha Jehova n’ime Zayọn,+Ka e tookwa ya na Jeruselem
22 Mgbe ndị dị iche iche na alaeze dị iche icheZukọtara ka ha fee Jehova.*+
23 O mere ka ike gwụ m mgbe m na-akabeghị nká.
O mere ka ndụ m na-agbada n’ike n’ike.
24 M sịrị: “Chineke m,Onye na-adị ndụ n’ọgbọ niile,+Biko, anapụla m ndụ m mgbe m na-akabeghị nká.
25 Ị tọrọ ntọala ụwa ogologo oge gara aga,Ọ bụkwa gị kere eluigwe.+
26 Ha ga-ala n’iyi, ma ị ga na-adị ndụ.
Ha niile ga-aka nká ka uwe.
Ị ga-agbanwe ha otú e si agbanwe ákwà, nke ha agaa.
27 Ma ị ka bụ onye ị bụ, e nweghịkwa mgbe ị ga-akwụsị ịdị ndụ.+
28 Ahụ́ ga-eru ụmụ ndị ohu gị ala n’ebe ha bi,Ụmụ ha ga-anọkwa mgbe niile n’ihu gị.”+
Ihe E Dere n'Ala Ala Peeji
^ Ma ọ bụ “mgbe ike gwụrụ ya.”
^ Ma ọ bụ “Hulata gee ntị.”
^ O nwere ike ịbụ, “M tara ahụ́.”
^ Ma ọ bụ “Aha gị ga-adịkwa.” Na Hibru, “A ga na-echeta gị.”
^ Na Hibru, “ka ga-eke eke.”
^ Ma ọ bụ “jeere Jehova ozi.”
