Abụ Ọma 144:1-15
Abụ Devid.
144 Ka e too Jehova bụ́ Oké Nkume m,+Onye na-akụziri m otú e si alụ ọgụ,Na-akwadebekwa m maka ịlụ agha.+
2 Ọ hụrụ m n’anya, ọ bụkwa ebe m a rụsiri ike.
Ọ bụ ebe m na-agbaba aka aghara ịkpa m nakwa onye na-anapụta m.
Ọ bụ ọta m nakwa Onye m gbabara n’ime ya,+Onye na-emeriri m ndị mmadụ.+
3 Jehova, gịnị ka mmadụ bụ nke mere i ji na-eche banyere ya?
Gịnịkwa ka nwa nke mmadụ efu bụ nke mere i ji na-elebara ya anya?+
4 Mmadụ yiri ume e kupụrụ ekupụ.+
Ndụ ya dị ka onyinyo na-apụ apụ.+
5 Jehova, biko, bịada eluigwe gị ka ị gbadata.+
Metụ ugwu aka ka ha kwụọ anwụrụ ọkụ.+
6 Mee ka àmụ̀mà gbuo ka ndị iro gbasasịa.+
Gbapụ akụ́ gị ka i tinye ha n’ọgba aghara.+
7 Si n’eluigwe matịa aka gị.
Zọpụta m ma dọpụta m ná mmiri na-ekwo ekwo,Napụtakwa m n’aka ndị mba ọzọ,+
8 Bụ́ ndị ụgha juru ọnụ,Ndị na-eweli aka nri ha ṅụọ iyi ụgha.
9 Chineke, m ga-abụku gị abụ ọhụrụ.+
M ga-eji ụbọ nwere akwara iri bụkuo gị abụ otuto,
10 Gị Onye na-eme ka ndị eze merie,*+Onye na-anapụta Devid ohu ya ka ndị mmadụ ghara iji mma agha gbuo ya.+
11 Zọpụta m ma napụta m n’aka ndị mba ọzọ,Bụ́ ndị ụgha juru ọnụ,Ndị na-eweli aka nri ha ṅụọ iyi ụgha.
12 Mgbe ahụ, ụmụ anyị ndị nwoke ga-adị ka obere osisi ndị na-eto ngwa ngwa,Ụmụ anyị ndị nwaanyị adịkwa ka ogidi ndị e ji chọọ obí eze mma.
13 Ihe dị iche iche ala anyị na-emepụta ga-eju n’ebe anyị na-akwasa ihe.
Ìgwè ewu na atụrụ anyị ga na-amụba okpukpu puku kwuru puku nakwa iri puku kwuru iri puku.
14 Ehi anyị ndị dị ime agaghị enwe nsogbu ọ bụla, ime agaghịkwa apụ ha.
E nweghị onye ga na-ebe ákwá n’ámá anyị n’ihi ahụhụ.
15 Ndị ihe dịịrị otú a na-enwe obi ụtọ.
Ndị Jehova bụ Chi ha na-enwe obi ụtọ.+
Ihe E Dere n'Ala Ala Peeji
^ Ma ọ bụ “Onye na-azọpụta ndị eze.”
