Abụ Ọma 145:1-21
Abụ otuto Devid bụrụ.
א [Alef]
145 Chineke m bụ́ Eze, m ga-eto gị.+
M ga-eto aha gị ruo mgbe niile ebighị ebi.+
ב [Bet]
2 M ga-eto gị malite n’ụtụtụ ruo n’abalị.+
M ga-eto aha gị ruo mgbe niile ebighị ebi.+
ג [Gimel]
3 Jehova bụ onye ukwu, onye ọ bụla kwesịkwara ịna-eto ya.+
E nweghị ike ịghọta* otú ọ dịruru ukwuu.+
ד [Dalet]
4 Ọgbọ niile ga-aja ọrụ gị niile mma.
Ha ga-akọ banyere nnukwu ọrụ ndị ị na-arụ.+
ה [Hee]
5 Ha ga-ekwu banyere otú i si dị ukwuu ma dị ebube,+M ga-echebakwara ọrụ ndị dị ebube ị na-arụ echiche.
ו [Wọọ]
6 Ha ga-ekwu banyere ihe ndị dị egwu ị na-eme,*M ga-akọsakwa na ị bụ onye ukwu.
ז [Zayin]
7 Ha ga-eto gị mgbe ha na-echeta ọtụtụ ihe ọma ndị ị na-eme,+Ha ga-etikwa mkpu ọṅụ maka na ị bụ onye ezi omume.+
ח [Het]
8 Jehova nwere ọmịiko* ma na-eme ebere.+
Ọ naghị ewe iwe ọsọ ọsọ, ịhụnanya ya dịkwa ukwuu.+
ט [Tet]
9 Jehova na-emere ihe niile o kere eke ihe ọma,+Ọrụ ya niile na-egosikwa na ọ na-eme ebere.
י [Yod]
10 Jehova, ọrụ gị niile ga-eto gị,+Ndị na-erubere gị isi ga-etokwa gị.+
כ [Kaf]
11 Ha ga-akọsa otú ọchịchị gị si dị ebube,+Ha ga-akọsakwa otú i si dị ike,+
ל [Lamed]
12 Ka ha wee mee ka ndị mmadụ mara nnukwu ọrụ ndị ị na-arụ+Nakwa otú ọchịchị gị si dị ukwuu ma dị ebube.+
מ [Mem]
13 Ọchịchị gị bụ ọchịchị na-adịru mgbe ebighị ebi,Alaeze gị na-adịrukwa ọgbọ niile.+
ס [Samek]
14 Jehova na-enyere ndị niile na-ada ada aka,+Ọ na-ekulitekwa ndị niile ike gwụrụ.+
ע [Ayin]
15 Ihe niile i kere eke na-ele gị anya ka i nyere ha aka,Ị na-enyekwa ha nri ha n’oge kwesịrị ekwesị.+
פ [Pee]
16 Ị na-asaghe aka gị,Were ihe na-agụ ihe ọ bụla dị ndụ nyejuo ya afọ.+
צ [Sadee]
17 Ihe niile Jehova na-eme na-egosi na ọ bụ onye ezi omume,+Ihe niile ọ na-eme na-egosikwa na ọ bụ onye e kwesịrị ịtụkwasị obi.+
ק [Kof]
18 Jehova nọ ndị niile na-akpọku ya nso,+Bụ́ ndị niile ji obi ha niile na-akpọku ya.*+
ר [Resh]
19 Ọ na-emere ndị na-atụ egwu ya ihe na-agụ ha.+
Ọ na-anụ ákwá ha na-ebe ka o nyere ha aka, ọ na-anapụtakwa ha.+
ש [Shin]
20 Jehova na-eche ndị niile hụrụ ya n’anya nche,+Ma ọ ga-ala ndị ajọ omume niile n’iyi.+
ת [Tọọ]
21 M ga-eji ọnụ m na-eto Jehova.+
Ka ihe niile dị ndụ* too aha nsọ ya ruo mgbe niile ebighị ebi.+
Ihe E Dere n'Ala Ala Peeji
^ Ma ọ bụ “ịchọpụta.”
^ Ma ọ bụ “ike gị dị egwu.”
^ Ma ọ bụ “na-eme amara.”
^ Ma ọ bụ “na-akpọku ya n’eziokwu.”
^ Na Hibru, “anụ ahụ́ niile.”
