Abụ Ọma 147:1-20
147 Toonụ Jaa!*
Ọ dị mma ịbụku Chineke anyị abụ otuto.
Ọ dị nnọọ mma ito ya, ọ bụkwa ihe kwesịrị ekwesị.+
2 Jehova na-arụ Jeruselem.+
Ọ na-akpọlata ndị Izrel a dọọrọ n’agha.+
3 Ọ na-akasi ndị obi gbawara obi.
Ọ na-ekechi ọnyá ha.
4 Ọ na-agụ kpakpando ọnụ.
Ọ na-akpọ ha niile aha.+
5 Onyenwe anyị bụ onye ukwu, ike ya dịkwa ukwuu.+
E nweghị ike ịtụ otú ọ na-aghọtaru ihe atụ̀.+
6 Jehova na-ekulite ndị dị umeala n’obi,+Ma ọ na-akwatu ndị ajọ omume n’ala.
7 Bụkuonụ Jehova abụ iji kelee ya.
Jirinụ ụbọ akwara bụkuo Chineke anyị abụ otuto,
8 Onye ji ígwé ojii kpuchie eluigwe,Onye na-eme ka mmiri zooro ụwa,+Onye na-eme ka ahịhịa ndụ puo+ n’ugwu dị iche iche.
9 Ọ na-enye anụmanụ ihe ha ga-eri,+Na-enye ụmụ ugoloọma na-ebe ubé ihe ha ga-eri.+
10 Ihe na-amasị ya abụghị otú ịnyịnya si akpa ike+Ma ọ bụ otú ụkwụ mmadụ si sie ike.+
11 Kama, Jehova na-enwe mmasị n’ebe ndị na-atụ egwu ya nọ,+N’ebe ndị na-atụ anya ịhụnanya ya nọ.+
12 Jeruselem, jaa Jehova mma.
Zayọn, too Chineke gị.
13 Ọ na-eme ka ihe e ji atụchi ọnụ ụzọ ámá obodo gị sie ike.
Ọ na-agọzi ụmụ gị.
14 Ọ na-eme ka udo dị n’ala gị.+
Ọ na-eji ọka wit kacha mma enyeju gị afọ.+
15 Ọ na-enye ụwa iwu.
Okwu ya na-eru ebe o dunyere ya ngwa ngwa.
16 Ọ na-eme ka snoo kpuchie ụwa ka à ga-asị na ọ bụ ákwà e ji ajị anụ kpaa.+
Ọ na-aghasasị mkpụrụ mmiri ka à ga-asị na ọ bụ ntụ.+
17 Ọ na-atụdasị akụ́ mmiri ígwé ka à ga-asị na ọ bụ iberibe achịcha.+
Ònye ga-edili oyi ya?+
18 Ọ na-enye iwu, ha agbazee.
Ọ na-eme ka ifufe fee,+ mmiri asọwa.
19 Ọ na-eme ka Jekọb mara okwu ya,Ọ na-agwa Izrel ntụziaka ya na ihe ndị o kpebiri.+
20 E nweghị mba ọ bụla ọzọ o meere otú a.+
E nweghị ihe ha ma gbasara ihe ndị o kpebiri.
Toonụ Jaa!*+
Ihe E Dere n'Ala Ala Peeji
^ Ma ọ bụ “Haleluja!” “Jaa” bụ mkpọbiri aha Jehova.
^ Ma ọ bụ “Haleluja!” “Jaa” bụ mkpọbiri aha Jehova.
