Abụ Ọma 21:1-13
Maka onye na-eduzi abụ. Abụ Devid.
21 Jehova, eze na-aṅụrị ọṅụ n’ihi na ị na-egosi na ị dị ike.+
Ọ na-aṅụrị nnukwu ọṅụ maka na ị na-azọpụta ya.+
2 I meerela ya ihe obi ya chọrọ.+
Ị jụghị inye ya ihe ọ* rịọrọ. (Sila)
3 N’ihi na i ji ọtụtụ ihe ọma gọzie ya.
I kpuwere ya okpueze e ji ezigbo ọlaedo* rụọ.+
4 Ọ rịọrọ gị ka i mee ka ọ dị ogologo ndụ, i wee meere ya ihe ọ rịọrọ.+
I mere ka ọ dị ogologo ndụ, ka ọ dịrị ndụ ruo mgbe niile ebighị ebi.
5 Nzọpụta ị na-azọpụta ya na-eme ka ọ dị ebube.+
Ị na-achọ ya mma ma mee ka ọ bụrụ onye a na-akwanyere ùgwù.
6 Ị na-eme ka ọ bụrụ onye a gọziri agọzi ruo mgbe ebighị ebi.+
Ị na-eme ka ọ na-aṅụrị ọṅụ maka na ị nọnyeere ya.+
7 N’ihi na eze tụkwasịrị Jehova obi.+
E nweghị ihe ga-eme ka ọ daa* n’ihi ịhụnanya nke Onye Kacha Elu.+
8 Aka gị ga-akpara ndị iro gị niile.
Aka gị siri ike* ga-ejide ndị kpọrọ gị asị.
9 Mgbe ị ga-elebara ha anya, ị ga-ala ha n’iyi otú nnukwu ọkụ si ala ihe a tụbara na ya n’iyi.
Jehova ga-eji iwe bibie ha,* ọkụ ga-erepịakwa ha.+
10 Ị ga-ebibi ụmụ* ha.
Ị ga-ewepụ ha n’ụwa. Ị ga-ala ụmụ ha n’iyi.
11 Ha bu n’obi ime gị ihe ọjọọ.+
Ha echepụtala ihe ha ga-eme gị, ma ọ ga-akụ afọ n’ala.+
12 Ị ga-eche ụta gị ihu n’ebe ha nọ*+Mee ka ha gbaghachi azụ.
13 Jehova, biko, bilie kpaa ike.
Anyị ga-abụku gị abụ otuto maka na ị dị ike.
Ihe E Dere n'Ala Ala Peeji
^ Na Hibru, “egbugbere ọnụ ya.”
^ Ma ọ bụ “ọlaedo a nụchara anụcha.”
^ Ma ọ bụ “ka ọ zọhie ụkwụ.”
^ Na Hibru, “Aka nri gị.”
^ Na Hibru, “loo ha.”
^ Ma ọ bụ “mkpụrụ.”
^ Na Hibru, “n’ihu ha.”
