Abụ Ọma 24:1-10
-
Eze nke dị ebube banyere n’ọnụ ụzọ ámá
-
“Ọ bụ Jehova nwe ụwa” (1)
-
Abụ Devid.
24 Ọ bụ Jehova nwe ụwa na ihe niile dị n’ime ya.+
Ọ bụ ya nwe ala na ndị bi na ya.
2 Ọ tọrọ ntọala ya ka o sie ike n’elu oké osimiri,+O mekwara ka o sie ezigbo ike n’elu osimiri.
3 Ònye nwere ike ịrịgo n’ugwu Jehova?+
Ònyekwa nwere ike iguzo n’ebe nsọ ya?
4 Ọ bụ onye ọ bụla aka ya dị ọcha, onye obi ya dịkwa ọcha,+Onye na-anaghị eji m* aṅụ iyi ụgha,Onye na-anaghịkwa aṅụ iyi ka ọ ghọgbuo ndị ọzọ.+
5 Jehova ga-agọzi ya.+
Chineke, onye na-azọpụta ya, ga-ewere ya ka onye ezi omume.*+
6 Ọ bụ ndị a bụ ìgwè* ndị na-achọ ya,Ndị na-achọ ka gịnwa, bụ́ Chineke Jekọb, meere ha amara. (Sila)
7 Unu ọnụ ụzọ ámá, welienụ isi unu.+
Unu ọnụ ụzọ oge ochie, megheenụ*Ka Eze dị ebube wee bata!+
8 Ònye bụ Eze a dị ebube?
Ọ bụ Jehova, onye dị ike ma nwee ume,+Jehova, onye bụ́ dike n’agha.+
9 Unu ọnụ ụzọ ámá, welienụ isi unu.+
Unu ọnụ ụzọ oge ochie, megheenụKa Eze dị ebube wee bata!
10 Ònye ka Eze a dị ebube bụ?
Ọ bụ Jehova nke ụsụụ ndị agha. Ọ bụ ya bụ Eze ahụ dị ebube.+ (Sila)
Ihe E Dere n'Ala Ala Peeji
^ Ma ọ bụ “ndụ m,” ya bụ, ndụ Jehova.
^ Ma ọ bụ “ga-ekpe ya ikpe ziri ezi.”
^ Ma ọ bụ “ọgbọ.”
^ Ma ọ bụ “bilienụ.”
