Abụ Ọma 40:1-17
Maka onye na-eduzi abụ. Abụ Devid.
40 M tụsiri anya ike ka Jehova nyere m aka.
O wee gee m ntị* ma nụ ákwá m na-ebe ka o nyere m aka.+
2 Ọ dọpụtara m n’olulu nke mmiri dị na ya na-ekwo ekwo,N’apịtị na-amị amị.
O mekwara ka m guzoro ná nnukwu nkume.
O mere ka ụkwụ sie m ike n’ala.
3 O wee kụziere m abụ ọhụrụ,+Abụ m ga-eji too Chineke anyị.
Ọtụtụ ndị ga-ahụ ihe Chineke mere, ya erie ha ọnụ,Ha atụkwasịzie Jehova obi.
4 Onye tụkwasịrị Jehova obi na-enwe obi ụtọ,Ya bụ, onye na-anaghị eso ndị isi ike ma ọ bụ ndị ụgha.
5 Jehova bụ́ Chineke m,Ihe ndị i merela karịrị akarị,Ya bụ, ọrụ ndị dị ebube ị na-arụ na ihe ndị ị na-echere anyị.+
E nweghị onye a ga-eji tụnyere gị.+
Ọ bụrụ na mụ asị ka m gbalịa kwuwe banyere ha,Ha dị nnọọ ọtụtụ nke na enweghị m ike ikwucha ha.+
6 Ihe ị chọrọ abụghị àjà na onyinye,+Kama, i meghere ntị m ka m nụ ihe.+
I kwughị ka a chụọrọ gị àjà a na-esu ọkụ na àjà mmehie.+
7 M wee sị: “Lee, abịala m.
E dere banyere m n’akwụkwọ mpịakọta.+
8 Chineke m, ime uche gị na-atọ m ụtọ,+Iwu gị dịkwa n’ime ime obi m.+
9 M na-anọ n’ọgbakọ buru ibu ezisa ozi ọma banyere ezi omume gị.+
Jehova, ị ma nke ọmaNa anaghị m emechi ọnụ m.+
10 Anaghị m ezochi ezi omume gị n’ime obi m.
M na-akọsa na ị bụ onye e kwesịrị ịtụkwasị obi nakwa na ị na-azọpụta ndị gị.
Anaghị m ezo ịhụnanya gị* na eziokwu gị ezo n’ọgbakọ buru ibu.”+
11 Jehova, ahapụla imere m ebere.
Biko, na-echebe m mgbe niile n’ihi ịhụnanya gị* nakwa n’ihi na ị bụ onye e kwesịrị ịtụkwasị obi.+
12 Ọdachi ndị na-abịara m karịrị akarị nke na enweghị m ike ịgụta ha ọnụ.+
Mmehie m dị nnọọ ọtụtụ nke na anaghị m ahụ ụzọ.+
Ha dị ọtụtụ karịa ntutu isi m,Obi adaakwala m mbà.
13 Jehova, biko, zọpụtanụ m.+
Jehova, biko, bịa ngwa ngwa nyere m aka.+
14 Ka ihere mee ndị niile na-achọ igbu m,*Ka e mechuokwa ha ihu.
Ka ndị obi na-atọ ụtọ na ọdachi dakwasịrị mGbaghachi azụ n’ihere.
15 Ka ihere megbuoNdị na-asị m: “Ntọọ! Ntọọ!”
16 Ma, ka ndị niile na-achọ gị+Nwee obi ụtọ ma ṅụrịa ọṅụ n’ihi gị.+
Ka ndị obi na-atọ ụtọ na ị na-azọpụta ndị gị na-ekwu mgbe niile, sị:
“Ka e too Jehova.”+
17 Ma, m bụ ogbenye, e nweghịkwa onye na-enyere m aka.
Ka Jehova gee m ntị.
Ọ bụ gị na-enyere m aka, ọ bụkwa gị na-anapụta m.+
Chineke m, biko, egbula oge.+
Ihe E Dere n'Ala Ala Peeji
^ Ma ọ bụ “hulata gee ntị.”
^ Ma ọ bụ “ịhụnanya gị pụrụ iche.”
^ Ma ọ bụ “ịhụnanya gị pụrụ iche.”
^ Ma ọ bụ “na-achọ mkpụrụ obi m.”
