Abụ Ọma 62:1-12
Ntụziaka e nyere onye na-eduzi abụ. Nke Jedutọn.* Abụ Devid.
62 N’eziokwu, m* nwere ndidi, na-echere Chineke.
Ọ bụ ya na-azọpụta m.+
2 N’eziokwu, ọ bụ ya bụ oké nkume m na onye na-azọpụta m, ebe m na-agbaba, aka aghara ịkpa m.+
E nweghị ihe ga-eme ka m daa.*+
3 Olee mgbe unu ga-akwụsị iti mmadụ ihe ka unu tigbuo ya?+
E kwesịrị ize unu niile eze maka na unu dị ka mgbidi e ji nkume rụọ nke chọrọ ịda ada.
4 N’ihi na ha na-agba izu ka ha si ná nnukwu ọkwá mmadụ nọ kwatuo ya.
Ịgha ụgha na-atọ ha ụtọ.
Ha na-eji ọnụ ha agọzi mmadụ, ma na-abụ ya ọnụ n’obi ha.+ (Sila)
5 N’eziokwu, m nwere ndidi, na-echere Chineke,*+N’ihi na ọ bụ ya na-eme ka m nwee olileanya.+
6 N’eziokwu, ọ bụ ya bụ oké nkume m na onye na-azọpụta m, ebe m na-agbaba, aka aghara ịkpa m.
E nweghị ihe ga-eme ka m daa.*+
7 Ọ bụ Chineke na-azọpụta m, na-emekwa ka a na-akwanyere m ùgwù.
Chineke bụ oké nkume m siri ike na ebe mgbaba m.+
8 Tụkwasịnụ ya obi mgbe niile.
Gwanụ ya ihe niile dị unu n’obi.+
Chineke bụụrụ anyị ebe mgbaba.+ (Sila)
9 Ụmụ mmadụ bụ naanị ume e kupụrụ ekupụ.
E nweghị ihe ụmụ mmadụ bụ.+
A tụọ ha n’ihe e ji atụ̀ ihe, ha aharughị ka ume e kupụrụ ekupụ.+
10 Unu echela na irigbu mmadụ ga-eme ka ihe gaziere unuMa ọ bụ na izu ohi ga-eme ka ihe dịrị unu ná mma.
Ọ bụrụ na unu akpatakwuo akụ̀, unu atụkwasịla ya obi.+
11 Anụla m ka Chineke kwuru ugboro abụọ, sị:
Ọ bụ Chineke nwe ike.+
12 Jehova, ị na-egosi na ị hụrụ ndị mmadụ n’anya,*+N’ihi na ị na-akwụ onye ọ bụla ụgwọ ihe o mere.+
Ihe E Dere n'Ala Ala Peeji
^ Gụọ Nkọwa Okwu.
^ Ma ọ bụ “mkpụrụ obi m.”
^ Ma ọ bụ “zọhie ụkwụ.”
^ Ma ọ bụ “mkpụrụ obi m, nwee ndidi, chere Chineke.”
^ Ma ọ bụ “ka m zọhie ụkwụ.”
^ Ma ọ bụ “na-egosi ịhụnanya pụrụ iche.”
