Abụ Ọma 63:1-11
Abụ Devid bụrụ mgbe ọ nọ n’ala ịkpa Juda.+
63 Chineke, ị bụ Chineke m. M na-achọsi gị ike.+
Agụụ ife gị na-agụsi m ike.*+
Ike agwụla m ebe m na-atụ anya gịN’ala kpọrọ ezigbo nkụ nke mmiri na-adịghị.+
2 N’ihi ya, ahụla m gị n’ebe nsọ gị.
Ahụla m ike gị na ebube gị.+
3 M ga-eji ọnụ m jaa* gị mma+Maka na ịhụnanya gị dị mma karịa ndụ.+
4 N’ihi ya, m ga-eto gị ná ndụ m niile.
M ga-agbasa aka m kpọkuo aha gị.
5 M ga-eji ọnụ m bụkuo gị abụ otuto, jirikwa ọṅụ too gị,N’ihi na ihe kacha mma i nyere m juru m* afọ.+
6 M na-echeta gị n’elu àkwà* m.
Ọ bụ ihe banyere gị ka m na-atụgharị n’uche n’oge nche abalị.+
7 N’ihi na ọ bụ gị na-enyere m aka,+M nọkwa n’okpuru nku gị na-eti mkpu ọṅụ.+
8 M* rapaara gị n’ahụ́.
Aka nri gị jidesiri m ike.+
9 Ma ndị chọrọ igbu m*Ga-aba n’ime ime ala.
10 A ga-eji mma agha bibie ha.
Ha ga-aghọrọ nkịta ọhịa nri.
11 Ma, eze ga-aṅụrị ọṅụ n’ihi ihe Chineke meere ya.
Onye ọ bụla nke na-eji aha Chineke aṅụ iyi ga-enwe obi ụtọ,*N’ihi na a ga-emechi ọnụ ndị na-ekwu okwu ụgha.
Ihe E Dere n'Ala Ala Peeji
^ Na Hibru, “Agụụ gị na-agụsi mkpụrụ obi m ike.”
^ Na Hibru, “Egbugbere ọnụ m ga-aja.”
^ Ma ọ bụ “mkpụrụ obi m.”
^ Ma ọ bụ “ihe ndina.”
^ Ma ọ bụ “Mkpụrụ obi m.”
^ Ma ọ bụ “ibibi mkpụrụ obi m.”
^ Ma ọ bụ “ga-anya isi.”
