Abụ Ọma 86:1-17
Ekpere Devid.
86 Jehova, biko, gee ntị* ma za m,N’ihi na m na-ata ahụhụ, m dakwara ogbenye.+
2 Chebe ndụ* m, n’ihi na m na-erubere gị isi.+
Zọpụta ohu gị, onye tụkwasịrị gị obi,N’ihi na ị bụ Chineke m.+
3 Jehova, biko, meere m amara,+N’ihi na m na-akpọku gị malite n’ụtụtụ ruo n’abalị.+
4 Jehova, biko, mee ka ohu* gị ṅụrịa ọṅụ,N’ihi na ọ bụ gị ka m lekwasịrị anya.
5 N’ihi na gịnwa bụ́ Jehova dị mma,+ dịkwa njikere ịgbaghara mmehie.+
Ịhụnanya ị na-egosi ndị niile na-akpọku gị dị ukwuu.+
6 Jehova, biko, gee ntị n’ekpere m.
Ṅaakwa ntị n’arịrịọ m na-arịọ ka i nyere m aka.+
7 M na-akpọku gị n’oge m na-ata ahụhụ,+N’ihi na ị ga-aza m.+
8 Jehova, e nweghị chi dị ka gị n’ime chi niile.+
E nweghị onye rụtụrụla ọrụ ndị ị rụrụ.+
9 Jehova, mba niile i kereGa-abịa kpọọrọ gị isiala,+Ha ga-etokwa aha gị.+
10 N’ihi na ị bụ onye ukwu, ị na-emekwa ihe ndị dị ebube.+
Ọ bụ naanị gị bụ Chineke.+
11 Jehova, biko, kụziere m ụzọ gị.+
M ga-eje ije n’ezigbo ụzọ gị.+
Mee ka m jiri obi m niile* na-atụ egwu aha gị.+
12 Jehova Chineke m, m ji obi m niile na-eto gị,+M ga-etokwa aha gị ruo mgbe ebighị ebi,
13 N’ihi na ịhụnanya i nwere n’ebe m nọ dị ukwuu,I sikwa n’ime ime ili* zọpụta m.*+
14 Chineke, ndị dị mpako na-alụso m ọgụ.+
Ìgwè ndị obi fere azụ na-achọ igbu m,*E nweghịkwa ihe ha ji gị kpọrọ.+
15 Ma Jehova, ị bụ Chineke nwere ọmịiko* ma na-eme ebere.
Ị naghị ewe iwe ọsọ ọsọ, ịhụnanya gị dị ukwuu, ị bụkwa onye e kwesịrị ịtụkwasị obi.*+
16 Chee ihu n’ebe m nọ ma meere m amara.+
Nye ohu gị ike gị,+Zọpụtakwa nwa ohu gị nwaanyị.
17 Mee ka ndị kpọrọ m asị hụ ihe ọma ndị ị na-emere m,Ka ihere wee mee ha.
N’ihi na Jehova, ọ bụ gị na-enyere m aka, na-akasikwa m obi.
Ihe E Dere n'Ala Ala Peeji
^ Ma ọ bụ “hulata gee ntị.”
^ Ma ọ bụ “mkpụrụ obi.”
^ Ma ọ bụ “mkpụrụ obi ohu.”
^ Ma ọ bụ “obi a na-ekewaghị ekewa.”
^ Ma ọ bụ “Shiol.” Gụọ Nkọwa Okwu.
^ Ma ọ bụ “mkpụrụ obi m; ndụ m.”
^ Ma ọ bụ “na-achọ mkpụrụ obi m.”
^ Ma ọ bụ “ị na-emekwa amara.”
^ Ma ọ bụ “ị na-ekwukwa eziokwu.”
