Abụ Ọma 96:1-13
96 Bụkuonụ Jehova abụ ọhụrụ.+
Ndị niile bi n’ụwa, bụkuonụ Jehova abụ.+
2 Bụkuonụ Jehova abụ. Toonụ aha ya.
Kwa ụbọchị, na-ekwusanụ ozi ọma banyere otú o si azọpụta ndị mmadụ.+
3 Kọọrọnụ mba dị iche iche na ọ dị ebube,Kọọkwaranụ mmadụ niile ọrụ ndị dị ebube ọ na-arụ.+
4 Jehova bụ onye ukwu, onye ọ bụla kwesịkwara ịna-eto ya.
E kwesịrị ịna-atụ egwu ya karịa chi ọ bụla ọzọ.
5 Chi ọzọ niile ndị mmadụ na-efe abaghị uru.+
Ma, ọ bụ Jehova kere eluigwe.+
6 Ebube na ịma mma gbara ya gburugburu.+
Ike na ịma mma dị n’ebe nsọ ya.+
7 Ezinụlọ dị iche iche, toonụ Jehova.
Toonụ Jehova n’ihi na ọ dị ebube, dịkwa ike.+
8 Toonụ aha Jehova dị ebube.+
Jirinụ onyinye bata n’ogige ụlọ ya.
9 Yirinụ ọmarịcha uwe dị nsọ kpọọrọ Jehova isiala.*
Ndị niile bi n’ụwa, maanụ jijiji n’ihu ya.
10 Kọsaanụ ná mba dị iche iche, sị: “Jehova abụrụla Eze.+
E kesiri ụwa* ike. A gaghị ebupụli ya ebupụ.*
Ọ ga-ekpe mba dị iche iche ikpe ziri ezi.”*+
11 Ka eluigwe ṅụrịa ọṅụ, ka ụwa nweekwa aṅụrị.
Ka oké osimiri na ihe niile dị n’ime ya mee mkpọtụ.+
12 Ka ọhịa na ihe niile dị n’ime ya ṅụrịa ọṅụ.+
Ka osisi niile dị n’oké ọhịa tiekwa mkpu ọṅụ+
13 N’ihi Jehova, n’ihi na ọ na-abịa.*
Ọ na-abịa ikpe ụwa ikpe.
Ọ ga-ekpe ụwa* ikpe ziri ezi,+Ọ ga-ekpekwa mba dị iche iche ikpe otú gosiri na ọ bụ onye e kwesịrị ịtụkwasị obi.+
Ihe E Dere n'Ala Ala Peeji
^ O nwere ike ịbụ, “Feenụ Jehova n’ihi na ọ dị ebube, dịkwa nsọ.”
^ Ma ọ bụ “Ọ ga-ekpechite ọnụ mba dị iche iche.”
^ Ma ọ bụ “eme ka ọ maa jijiji.”
^ Ma ọ bụ “ala.”
^ Ma ọ bụ “ọ bịala.”
^ Ma ọ bụ “ala.”
