Abụ Solomọn 1:1-17
-
Abụ kacha abụ niile (1)
-
Nwa agbọghọ Shulem (2-7)
-
Ụmụ nwaanyị Jeruselem (8)
-
Eze (9-11)
-
“Anyị ga-eji ọlaedo rụọrọ gị ọla e ji achọ mma” (11)
-
-
Nwa agbọghọ Shulem (12-14)
-
‘Onye m hụrụ n’anya dị ka akpa mea na-esi ísì ọma’ (13)
-
-
Onye na-azụ atụrụ (15)
-
“Onye m hụrụ n’anya, ị mara mma”
-
-
Nwa agbọghọ Shulem (16, 17)
-
“Onye m hụrụ n’anya, ị mara mma” (16)
-
1 Abụ kacha abụ niile. Ọ bụ Solomọn dere abụ a:+
2 “Susuo m ọnụ,N’ihi na otú i si egosi na ị hụrụ m n’anya na-atọ m ụtọ karịa mmanya.+
3 Mmanụ gị na-esi ísì ọma.+
Aha gị dị ka mmanụ na-esi ísì ọma a na-awụpụta awụpụta.+
Ọ bụ ya mere ụmụ agbọghọ ji hụ gị n’anya.
4 Kpọrọ m;* ka anyị gbapụ.
Eze akpọbatala m n’ime ime ụlọ ya.
Ka anyị ṅụrịa ọṅụ ma mee onwe anyị obi ụtọ.
Ka anyị kwuo banyere otú i si egosi m na ị hụrụ m n’anya karịa ikwu banyere mmanya.
Ka a sịkwa ihe mere ha* ji hụ gị n’anya.
5 Ụmụ nwaanyị Jeruselem, adị m oji, ma m mara mma.
M dị ka ụlọikwuu ndị Kida,+ m dịkwa ka ákwà ụlọikwuu+ Solomọn.
6 Unu elela m anya maka na m dị oji,N’ihi na anyanwụ agbajiela m.
Ụmụnne m ndị nwoke wesara m iwe.
Ha nyere m ọrụ ilekọta ubi vaịn,Ma elekọtaghị m ubi vaịn nke m.
7 Onye m hụrụ n’anya nke ukwuu,Gwa m ebe ị nọ na-azụ ìgwè atụrụ gị,+Ebe ị na-edu ha aga ka ha makpuru ala n’etiti ehihie.
Gwa m, ka m ghara ị na-agagharị n’ebe ìgwè atụrụ ndị enyi gị nọKa nwaanyị ji ákwà kpuchie ihu ya.”
8 “Gị nwaanyị kacha ụmụ nwaanyị niile mma, ọ bụrụ na ị maghị ebe ọ nọ,Soro ụzọ ebe ìgwè atụrụ si agaDuru ìgwè ewu gị gaa n’ebe ndị na-azụ atụrụ mara ụlọikwuu, ka ha taa ahịhịa.”
9 “Onye m hụrụ n’anya, ị mara mma ka nne ịnyịnya* nke so n’ịnyịnya ndị na-adọkpụ ụgbọ ịnyịnya Fero.+
10 Ọla ndị e ji achọ mma i yi* mere ka ntì gị maa mma,Ákà* ndị ị nya n’olu mekwara ka olu gị maa mma.
11 Anyị ga-eji ọlaedo rụọrọ gị ọla e ji achọ mma,Jirikwa ọlaọcha chọọ ha mma.”
12 “Mgbe eze nọ na tebụl ya dị gburugburu,Mmanụ m nke na-esi ísì ọma+ na-esipụta ísì.
13 Onye m hụrụ n’anya dị m ka akpa mea na-esi ísì ọma,+Nke na-adị n’agbata ara m abụọ chi abọọ.
14 Onye m hụrụ n’anya dị m ka ụyọkọ okooko osisi hena+Nke dị n’ubi vaịn ndị dị n’En-gedi.”+
15 “Onye m hụrụ n’anya, ị mara mma.
Ị mara ezigbo mma. Anya gị dị ka anya nduru.”+
16 “Onye m hụrụ n’anya, ị mara mma.* Ị mara ezigbo mma.+
Anyị na-edina ala n’akwụkwọ ndụ.
17 E ji osisi sida rụọ ụlọ* anyị,E jikwa osisi junipa kụọ elu ya.
Ihe E Dere n'Ala Ala Peeji
^ Na Hibru, “Sekpụrụ m.”
^ Ya bụ, ụmụ agbọghọ.
^ Ma ọ bụ “nne ịnyịnya m.”
^ O nwere ike ịbụ, “Isi ị kpara.”
^ Ma ọ bụ “Ihe olu.”
^ Ma ọ bụ “ị mara mma nwoke.”
^ Ma ọ bụ “ọmarịcha ụlọ.”
