Joshụa 19:1-51
19 Mgbe e fere nza nke abụọ,+ ọ dabaara Simiọn, ya bụ, ebo Simiọn,+ n’ezinụlọ n’ezinụlọ. Ala ha ketara dị n’ala Juda ketara.+
2 Ha ketara Bia-shiba,+ Shiba, Moleda,+
3 Heza-shual,+ Bela, Izem,+
4 Eltolad,+ Bitọl, Họma,
5 Ziklag,+ Bet-makabọt, Heza-susa,
6 Bet-lebeọt,+ na Sharuhen. Ha dị obodo iri na atọ, ha na ógbè ha niile.
7 Obodo ndị ọzọ bụ Eyin, Rimọn, Ịta, na Eshan.+ Ha dị obodo anọ, ha na ógbè ha niile.
8 Ọ bụkwa ha nwe ógbè niile dị gburugburu obodo ndị a niile ruokwa Belat-bia, ya bụ, Rema nke dị n’ebe ndịda. Ebe ndị a niile ka ebo Simiọn ketara, n’ezinụlọ n’ezinụlọ.
9 E si n’ala e kenyere Juda kenye ụmụ Simiọn ala, n’ihi na ala Juda ketara karịrị akarị. N’ihi ya, ụmụ Simiọn ketara ala n’ala Juda ketara.+
10 Mgbe e fere nza nke atọ,+ ọ dabaara ụmụ Zebulọn,+ n’ezinụlọ n’ezinụlọ. Ala ha rukwara Serid.
11 Ala ha si n’ebe ọdịda anyanwụ gara ruo Mariel, ruokwa Dabeshet, garakwa ruo na ndagwurugwu nke dị ebe e si aga Jọkniam.
12 O sikwa na Serid dị n’ebe ọwụwa anyanwụ gara ruo n’ókè ala Kislọt-tebọ, ruo Daberat,+ ruokwa Jefaya.
13 O sikwa ebe ahụ gara ruo Gat-hifa+ dị n’ebe ọwụwa anyanwụ, ruo Et-kezin, ruokwa Rimọn. Ọ gakwaara ruo Nia.
14 N’ebe ugwu, ala ha ruru Hanatọn, ruokwa na Ndagwurugwu Ịfta-el.
15 O rukwara Katat, Nahalal, Shimrọn,+ Aịdala, na Betlehem.+ Ha dị obodo iri na abụọ, ha na ógbè ha niile.
16 Ebe ndị a niile ka ebo Zebulọn ketara, n’ezinụlọ n’ezinụlọ.+ Obodo ndị a na ógbè ha niile bụ nke ha.
17 Mgbe e fere nza nke anọ,+ ọ dabaara ebo Ịsaka,+ n’ezinụlọ n’ezinụlọ.
18 Ala ha ruru Jezril,+ Kesọlọt, Shunem,+
19 Hafarem, Shayọn, Anaherat,
20 Rabit, Kishiọn, Ibez,
21 Rimet, En-ganim,+ En-hada, na Bet-pazez.
22 Ala ha ruru Tebọ+ na Shahazuma na Bet-shimesh, ma kwụsị n’Osimiri Jọdan. Ha dị obodo iri na isii, ha na ógbè ha niile.
23 Ebe ndị a ka ebo Ịsaka ketara, n’ezinụlọ n’ezinụlọ.+ Obodo ndị a na ógbè ha niile bụ nke ha.
24 Mgbe e fere nza nke ise,+ ọ dabaara ebo Asha,+ n’ezinụlọ n’ezinụlọ.
25 Ala ha ruru Helkat,+ Helaị, Biten, Akshaf,
26 Alamelek, Emad, na Maịshal. O rukwara Kamel dị n’ebe ọdịda anyanwụ,+ ruokwa Shaịhọ-libnat.
27 O sikwa Bet-degọn dị n’ebe ọwụwa anyanwụ ruo Zebulọn, ruokwa Ndagwurugwu Ịfta-el dị n’ebe ugwu. O rukwara Bet-imek na Neyel, ruokwa n’aka ekpe Kebul.
28 O rukwara Ibrọn, Rihọb, Hamọn, na Kena, ruokwa Saịdọn bụ́ obodo ọtụtụ mmadụ bi.+
29 Ala ha ruru Rema, ruokwa Taya bụ́ obodo a rụsiri ike.+ O rukwara Hosa, ma kwụsị n’oké osimiri dị nso n’Akzib,
30 Ọma, Efek,+ na Rihọb.+ Ha dị obodo iri abụọ na abụọ, ha na ógbè ha niile.
31 Ebe ndị a ka ebo Asha ketara, n’ezinụlọ n’ezinụlọ.+ Obodo ndị a na ógbè ha niile bụ nke ha.
32 Mgbe e fere nza nke isii,+ ọ dabaara ụmụ Naftalaị, n’ezinụlọ n’ezinụlọ.
33 Ala ha bidoro na Hilef nakwa ná nnukwu osisi dị na Zeananim,+ gara ruo Adami-nikeb na Jabniel, ruokwa Lakọm, ma kwụsị n’Osimiri Jọdan.
34 Ala ha sikwa n’ebe ọdịda anyanwụ ruo Aznọt-tebọ. O sikwa ebe ahụ ruo Họkọk, ruokwa Zebulọn n’ebe ndịda. O ruru Asha n’ebe ọdịda anyanwụ, ruokwa Juda n’Osimiri Jọdan n’ebe ọwụwa anyanwụ.
35 Obodo ya ndị a rụsiri ike bụ Zidim, Zee, Hamat,+ Rakat, Kineret,
36 Adama, Rema, Hezọ,+
37 Kidesh,+ Edraị, En-hezọ,
38 Yaịrọn, Migdal-el, Horem, Bet-enat, na Bet-shimesh.+ Ha dị obodo iri na itoolu, ha na ógbè ha niile.
39 Ebe ndị a ka ebo Naftalaị ketara, n’ezinụlọ n’ezinụlọ.+ Obodo ndị a na ógbè ha niile bụ nke ha.
40 Mgbe e fere nza nke asaa,+ ọ dabaara ebo Dan,+ n’ezinụlọ n’ezinụlọ.
41 Ala ha ruru Zora,+ Eshtaọl, Iye-shimesh,
42 Shealabin,+ Aịjalọn,+ Ịtla,
43 Ịlọn, Timna,+ Ekrọn,+
44 Elteke, Gibetọn,+ Belat,
45 Jihọd, Bene-birak, Gat-rimọn,+
46 Me-jakọn, na Rakọn. Ebe ala ha ruru dịkwa nso na Jọpa.+
47 Ala Dan ketara abaghị ha.+ N’ihi ya, ha gara lụso Lishem agha,+ merie ya ma jiri mma agha bibie ya. Ha weghaara ya ma biri na ya. Ha gụgharịkwara Lishem aha, kpọwa ya Dan, aha nna nna ha.+
48 Ebe ndị a ka ebo Dan ketara, n’ezinụlọ n’ezinụlọ. Obodo ndị a na ógbè ha niile bụ nke ha.
49 Otú a ka ha si kee ala ahụ, ndị ọ bụla ewere nke ha. Ndị Izrel sizi n’ala ha ketara nye Joshụa nwa Nọn ala.
50 Ha nyere ya obodo ọ rịọrọ ha otú Jehova gwara ha mee. Ha nyere ya Timnat-sira+ dị n’ala Ifrem bụ́ ugwu ugwu. Ọ rụghachiri obodo ahụ, birikwa na ya.
51 Ala ndị a ka Elieza onye nchụàjà, Joshụa nwa Nọn na ndị isi ọnụmara ọ bụla n’ebo dị iche iche n’Izrel, keere ha.+ A nọ n’ihu Jehova, n’ọnụ ụzọ ụlọikwuu nzute+ nke dị na Shaịlo,+ fee nza, keere ha ala ndị ahụ. Otú a ka ha si kechaa ala ahụ niile.
