Hosia 10:1-15
10 “Izrel dị ka osisi vaịn mebiri emebi,* nke na-amịrị onwe ya mkpụrụ.+
Ka ọ na-amịkwu mkpụrụ, ka ọ na-arụkwu ebe ịchụàjà.+
Ka ala ya na-emepụtakwu ihe, ka ogidi arụsị ya na-amakwu mma.+
2 Obi ha dị aghụghọ.*
Ugbu a, a ga-ama ha ikpe.
E nwere onye ga-akwatu ebe ịchụàjà ha dị iche iche, bibiekwa ogidi ha.
3 Ugbu a, ha ga-asị, ‘Anyị enweghị eze,+ n’ihi na anyị atụghị egwu Jehova.
Gịnịkwa ka eze ga-emere anyị?’
4 Ha na-ekwu ihe na-enweghị isi, na-agha ụgha, na-aṅụ iyi ụgha,+ na-agbakwa ndụ.
Ikpe na-ezighị ezi ha na-ekpe dị ka ahịhịa na-egbu mmadụ nke puru ebe a kọrọ ihe.+
5 Ndị bi na Sameria ga-atụ ụjọ n’ihi arụsị nwa ehi nke Bet-even.+
Ndị ya ga-eruru ya uju,Ha na ndị nchụàjà chi ala ọzọ ya, bụ́ ndị na-enwebu aṅụrị maka ya, nakwa maka ebube ya.
N’ihi na a ga-esi n’ebe ha nọ dọrọ ya n’agha.
6 A ga-eburukwa ya gaa Asiria ka ọ bụrụ onyinye a ga-enye eze ukwu.+
A ga-emenye Ifrem ihere.
Ihere ga-emekwa Izrel n’ihi ndụmọdụ ọ nabatara.+
7 Sameria na eze ya ga-ala n’iyi+Dị ka ome a gbajipụrụ agbajipụ nke tọgbọ n’elu mmiri.
8 A ga-ebibi+ ebe ndị dị elu dị na Bet-even,+ nke mere ka Izrel mehie.+
Ogwu na uke ga-etochi ebe ịchụàjà ha.+
Ndị mmadụ ga-asịkwa ugwu ukwu, ‘Kpuchie anyị!’
Sịkwa ugwu nta, ‘Dakwasị anyị!’+
9 Izrel, i mehiela malite n’oge a kpara arụ na Gibia.+
Ha agbanweghị àgwà ha.
E bibighị ndị ajọ omume kpamkpam mgbe a lụsoro ha agha na Gibia.
10 M ga-ata ha ahụhụ mgbe m chọrọ.
M ga-akpọkọta ndị dị iche iche ka ha megide ha,Mgbe a ga-ekokwasị ha mmehie abụọ ha mere.*
11 Ifrem bụ nwa ehi a zụrụ nke ọma nke ịzọcha mkpụrụ na-atọ ụtọ.
Ọ bụ ya mere na emerụghị m ya ahụ́ n’olu ya mara mma.
Ma ugbu a, m ga-eme ka mmadụ nọrọ n’elu Ifrem.+
Juda ga-akọ ihe. Jekọb ga-egburiri ya ala.
12 Ghaanụ ezi omume ka mkpụrụ, ghọrọkwanụ ịhụnanya.
Kọọrọnụ onwe unu ala ubi+
Mgbe oge ka dị ịchọ Jehova,+Ruo mgbe ọ ga-abịa kụziere unu ihe bụ́ ezi omume.+
13 Ma unu akọọla ihe ọjọọ otú e si akọ ubi.
Unu aghọrọla ajọ omume.+
Unu eriela mkpụrụ aghụghọ,N’ihi na unu tụkwasịrị ụzọ unu obi,Tụkwasịkwa ọtụtụ ndị agha unu obi.
14 Ndị gị ga-anọ n’ọgba aghara.
A ga-ebibi obodo gị ndị a rụsiri ike+Otú ahụ Shalman bibiri Bet-AbelN’ụbọchị agha, mgbe a kụgburu ụmụ nwaanyị na ụmụ ha.
15 Betel, ihe a ka a ga-eme unu,+ n’ihi ihe ọjọọ unu n’enweghị atụ.
A ga-alarịrị eze Izrel n’iyi mgbe chi bọrọ.”+
Ihe E Dere n'Ala Ala Peeji
^ O nwere ike ịbụ, “na-agbasa agbasa.”
^ Ma ọ bụ “na-amị amị.”
^ Ya bụ, mgbe ha ga-ata ahụhụ ihe ha metara dị ka hà nya yok.