Hosia 6:1-11
6 “Bịanụ ka anyị laghachikwuru Jehova,N’ihi na ọ dọrisiela anyị,+ ma ọ ga-agwọ anyị.
O tiri anyị ihe, ma ọ ga-ekechi ọnyá anyị.
2 Ọ ga-eme ka anyị dị ndụ ma ụbọchị abụọ gachaa.
N’ụbọchị nke atọ, ọ ga-eme ka anyị bilie.
Anyị ga-adịkwa ndụ n’ihu ya.
3 Anyị ga-amara Jehova, chọsiekwa ike ịmara ya.
Otú ahụ o doro anya na anyanwụ ga-awa n’ụtụtụ ka o doro anya na Chineke ga-abịakwute anyị.
Ọ ga-abịakwute anyị dị ka mmiri ozuzo,Dị ka ụla mmiri nke na-ede ala.”
4 “Ifrem, gịnị ka m ga-eme gị?
Juda, gịnị ka m ga-eme gị?
Ebe ọ bụ na ịhụnanya unu* dị ka ígwé ojii ụtụtụ,Dịrịkwa ka igirigi nke na-ekusa ngwa ngwa.
5 Ọ bụ ya mere m ga-eji jiri ndị amụma bibie unu.+
M ga-eji okwu ọnụ m gbuo unu.+
Ikpe m ga-ekpe unu ga-enwu ka ìhè,+
6 N’ihi na ihe na-atọ m ụtọ bụ ịhụnanya,* ọ bụghị àjà.
Ịmara Chineke na-atọkwa m ụtọ, ọ bụghị àjà a na-esucha ọkụ.+
7 Ma, dị ka ndị mmadụ nkịtị, ndị m emebiela ọgbụgba ndụ m.+
Ha emechuola m ihu n’ebe ahụ.
8 Gilied bụ obodo ndị na-eme ihe ọjọọ.+
Ha na-egbu ndị mmadụ* aghara aghara.+
9 Ndị nchụàjà na-echechi mmadụ dị ka ìgwè ọ lụọ ọ gbalaga.
Ha na-egbu mmadụ n’ụzọ gara Shikem,+N’ihi na omume ha na-eme ihere.
10 Ahụla m ihe jọgburu onwe ya n’Izrel.
N’ebe ahụ ka Ifrem na-agba akwụna.+
Izrel emerụọla onwe ya.+
11 Ma, e kwuola oge a ga-achịkọta Juda otú e si achịkọta ihe ubi n’oge a na-ewe ihe ubi.
M ga-achịkọtaghachi ndị m a dọọrọ n’agha.”+
Ihe E Dere n'Ala Ala Peeji
^ Ma ọ bụ “ịhụnanya unu pụrụ iche.”
^ Ma ọ bụ “ebere; ịhụnanya pụrụ iche.”
^ Na Hibru, “Ha na-awụfu ọbara.”
