Hosia 8:1-14
8 “Tinye opi n’ọnụ gị.+
Onye iro na-abịa ka ugo ka o megide ndị* nke mụnwa bụ́ Jehova,+
N’ihi na ha emebiela ọgbụgba ndụ mụ na ha gbara,+ mebiekwa iwu m.+
2 Ha na-etiku m, sị, ‘Chineke anyị, anyị bụ́ Izrel ma gị.’+
3 Izrel ajụla ihe dị mma.+
Ka onye iro chụwa ya ọsọ.
4 Ha emeela ndị mmadụ eze, ma ọ bụghị m gwara ha.
Ha emeela ndị mmadụ ndị isi,* ma amaghị m gbasara ya.
Ha ejirila ọlaọcha ha na ọlaedo ha meere onwe ha arụsị,+Nke ga-eme ka e bibie ha.+
5 Sameria, ajụla m nwa ehi gị.+
M na-ewesa gị iwe.+
Olee mgbe ha ga-amalite ịsacha onwe ha ka ha dị ọcha?
6 N’ihi na ọ bụ Izrel mere ihe a.
Ọ bụ omenkà mere ya, ọ bụghị Chineke.
A ga-akụri nwa ehi Sameria.
7 N’ihi na ọ bụ ifufe ka ha na-agha dị ka mkpụrụ.
Ọ bụkwa oké ifufe mmiri ka ha ga-aghọrọ.+
E nweghị okporo ọka ga-amị ọka kara aka.*+
E nweghị ihe puru ome nke ga-emepụta ihe a ga-esi na ya nweta ntụ ọka.
E nwee nke mepụtara, ndị ala ọzọ ga-elo ya.+
8 A ga-elo Izrel.+
Ugbu a, ha ga-adị ka arịa na-abaghị uruN’anya mba dị iche iche.+
9 N’ihi na ha agakwurula Asiria,+ dị ka jakị ọhịa nke nọ naanị ya.
Ifrem agakwurula ndị akwụna.+
10 Ọ bụ eziokwu na ha na-agakwuru ha ná mba dị iche iche,M ga-achịkọta ha ọnụ ugbu a.
Ha ga-amalite ịta ahụhụ+ n’ihi ibu arọ eze na ndị isi* boro ha.
11 N’ihi na Ifrem arụọla ọtụtụ ebe ịchụàjà, si otú ahụ mehie.+
Ebe ịchụàjà ndị ahụ ghọrọ ebe ọ na-anọ eme mmehie.+
12 M deere ya ọtụtụ iwu m,*Ma o weere ya ka ihe na-agbasaghị ya.+
13 Ha na-achụ anụ n’àjà ka ọ bụrụ onyinye ha nyere m, ha na-atakwa anụ ndị ahụ.
Ma, ọ naghị amasị Jehova.+
Ugbu a, ọ ga-echeta mmehie ha, taakwa ha ahụhụ maka mmehie ha.+
Ha gara ka Ijipt nyere ha aka.*+
14 Izrel echefuola Onye kere ya,+ rụọkwa ụlọ arụsị dị iche iche.+
Juda arụọkwala ọtụtụ obodo siri ike.+
Ma m ga-etinye ọkụ n’obodo ya niile.
Ọ ga-erepịakwa ụlọ elu niile dị na nke ọ bụla n’ime ha.”+
Ihe E Dere n'Ala Ala Peeji
^ Ma ọ bụ “ụlọ nsọ.”
^ Ma ọ bụ “ụmụ eze.”
^ Ma ọ bụ “ọka kwụ ọtọ.”
^ Ma ọ bụ “ụmụ eze.”
^ Ma ọ bụ “ntụziaka m.”
^ O nwere ike ịbụ, “Ha ga-alaghachi Ijipt.”
