Ilu 19:1-29
19 Ọ ka mma mmadụ ịda ogbenye ma na-eme ihe dị mma+Kama mmadụ ga-abụ onye nzuzu na onye ụgha.+
2 Ọ dịghị mma mmadụ ịnọ n’amaghị ihe,+Onye na-emekwa ihe n’echeghị echiche na-eme mmehie.
3 Ọ bụ nzuzu mmadụ na-ezuzu na-eme ka ọ na-eme ihe na-adịghị mma,Ya ewesawazie Jehova oké iwe.
4 Akụnụba na-eme ka mmadụ nwee ọtụtụ ndị enyi,Ma ndị mmadụ ga-agbara ogbenye ọsọ, enyi ya ga-agbadịrị ya ọsọ.+
5 A ga-atarịrị onye akaebe nke na-anaghị ekwu eziokwu ahụhụ,+A ga-atakwa onye ụgha juru ọnụ ahụhụ.+
6 Ọtụtụ ndị na-achọ ka ha na onye a ma ama* dịrị ná mma,Mmadụ niile na-emetakwa onye na-enye onyinye enyi.
7 Ndị niile bụ́ ụmụnne onye dara ogbenye kpọrọ ya asị.+
Ndị enyi ya na-agbadịrị ya ọsọ.+
Ọ na-arịọ ha arịrịọ, ma e nweghị onye na-atụpụrụ ya ọnụ.
8 Onye na-agbalị ka ọ mara ihe* ji ndụ ya kpọrọ ihe.+
Ihe ga-agaziri onye ọ bụla na-agbalị ka ọ ghọta ihe.+
9 A ga-atarịrị onye akaebe nke na-anaghị ekwu eziokwu ahụhụ,Onye ụgha juru ọnụ ga-alakwa n’iyi.+
10 Ọ dịghị mma ka onye nzuzu baa ọgaranya,Ọ dịghịkwa mma ka ohu chịwa ndị isi.+
11 Ọ bụrụ na mmadụ aghọta ihe, ọ gaghị ewe iwe ọsọ ọsọ,+A ga-ajakwa ya mma ma o leghara ihe ọjọọ e mere ya anya.+
12 Eze wee iwe, iwe ya na-adị ka ebe ọdụm na-agbọ ụja,+Ma amara ya na-adị ka igirigi nke dara n’elu ahịhịa.
13 Nwa nzuzu na-akpatara nna ya nsogbu.+
Nwaanyị nke na-esekarị okwu yiri elu ụlọ nke na-ehi mmiri mgbe niile.+
14 Ihe ụmụ na-eketa n’aka nna ha bụ ụlọ na akụ̀,Ma ọ bụ Jehova na-enye mmadụ nwunye nwere uche.+
15 Umengwụ na-eme ka mmadụ na-ehi oké ụra,Onye umengwụ ga-anọkwa agụụ.+
16 Onye na-edebe iwu ga-adị ndụ.+
Onye na-anaghị echebara otú o si ebi ndụ echiche ga-anwụ.+
17 Onye na-emere onye ọ na-enweghị ka ọ hà ya ihe ọma na-agbazinye Jehova ihe,+Ọ ga-akwụkwa onye ahụ ụgwọ ihe ọ na-eme.+
18 Dọọ nwa gị aka ná ntị mgbe olileanya ka dị,+Ekwekwala ka ọ bụrụ gị ga-akpatara ya ọnwụ.+
19 Onye na-ewe iwe ọkụ ga-ata ahụhụ iwe ọkụ ya.
Ọ bụrụ na ị gbalịa napụta ya, ị ka ga-eme ya ugboro ugboro.+
20 Nụrụ ndụmọdụ, nabatakwa aka ná ntị a na-adọ gị,+Ka i wee mara ihe n’ọdịnihu.+
21 Mmadụ na-eme ọtụtụ atụmatụ,Ma ọ bụ uche* Jehova ga-eme.+
22 Ọ bụ ịhụ ndị ọzọ n’anya na-eme ka mmadụ bụrụ ezigbo mmadụ.+
Ọ ka mma na mmadụ bụ ogbenye karịa na mmadụ bụ onye ụgha.
23 Ịtụ egwu Jehova na-eme ka mmadụ dị ndụ.+
Obi ga-eru onye na-atụ egwu ya ala, e nweghịkwa ihe ọ bụla ga-eme ya.+
24 Onye umengwụ na-amanye aka n’efere nri,Ma ike iwere nri tinye n’ọnụ ya adịghịdị ya.+
25 Tie onye na-akwa emo ihe+ ka onye na-amaghị ihe mara ihe,+Baakwara onye na-aghọta ihe mba ka ọ mụtakwuo ihe.+
26 Nwa nke na-emesi nna ya ike, nke na-achụpụkwa nne ya,Na-emenye mmadụ ihere, na-emechukwa mmadụ ihu.+
27 Nwa m, ọ bụrụ na ị kwụsị ịnabata aka ná ntị a na-adọ gị,Ọ ga-eme ka ị kwụsị ime ihe ndị dị mma ị mụtara.
28 Onye akaebe na-anaghị ekwu eziokwu ejighị ikpe ziri ezi kpọrọ ihe,+Ime ihe ọjọọ na-atọkwa ndị ajọ omume ụtọ ka nri.+
29 A ga-ekpe ndị na-akwa emo ikpe,+A ga na-etikwa ndị nzuzu ihe n’azụ.+
Ihe E Dere n'Ala Ala Peeji
^ Ma ọ bụ “onye na-emesapụ aka.”
^ Ma ọ bụ “ka o nwee uche.”
^ Ma ọ bụ “nzube.”
