Ilu 5:1-23
5 Nwa m, ṅaa ntị n’okwu m ji amamihe na-agwa gị.
Gee ntị nke ọma n’ihe m na-akụziri gị banyere ịghọta ihe,+
2 Ka i wee kpachapụrụ otú i si eche echiche anyaMa na-ekwu ihe bụ́ eziokwu mgbe niile.+
3 N’ihi na okwu* nwaanyị na-ebi ndụ rụrụ arụ* na-atọ ka mmanụ aṅụ.+
Ọ na-eji okwu ọnụ ya arafu mmadụ.*+
4 Ma n’ikpeazụ, nwaanyị a na-elu ilu ka ahịhịa ilu,+Ọ dịkwa nkọ ka mma agha nwere ihu abụọ.+
5 Ụkwụ ya na-eduga n’ọnwụ.
Nzọụkwụ ya na-eduga mmadụ n’ili.*
6 Ọ naghị eche echiche banyere ụzọ na-eduga ná ndụ.
Ọ na-agagharị, ma ọ maghị ebe ọ na-aga.
7 Ụmụ m, geenụ m ntị,Unu ahapụkwala ihe m na-ekwu.
8 Agala nwaanyị a nso.
Agala nso n’ọnụ ụzọ ụlọ ya,+
9 Ka i wee ghara ire ùgwù gị,+Ka ị gharakwa ịta ahụhụ n’afọ niile fọrọ ná ndụ gị.+
10 Ka ndị bịara abịa ghara irichapụ akụ̀ gị,+Ka ihe ị rụgburu onwe gị n’ọrụ nweta gharakwa ịlara ezinụlọ onye mba ọzọ.
11 Ọ bụrụ na i geghị m ntị, ị ga na-asụ ude n’ikpeazụMgbe ike na-adịghịzi gị, mgbe ahụ́ niile ga-agwụkwa gị.+
12 I wee sị: “Ejighị m aka ná ntị a dọrọ m kpọrọ ihe.
Obi m anabataghị mba a baara m.
13 Egeghị m ntị n’ihe ndị na-akụziri m ihe kwuru,Aṅaghịkwa m ndị nkụzi m ntị.
14 Ọ fọla obere ka nke m gwụN’ime ọgbakọ niile.”+
15 Ṅụọ mmiri si n’olulu mmiri* gị,Ṅụọkwa mmiri dị mma nke si n’isi mmiri gị.+
16 Isi iyi gị ò kwesịrị ịna-asọga n’èzí?
Iyi gị ò kwesịrị ịna-asọga n’ámá obodo?+
17 Ka ọ bụrụ naanị nke gịMa ghara ịbụ nke gị na ndị bịara abịa.+
18 Ka a gọzie isi mmiri gị.
Ka gị na nwunye ị lụrụ n’okorobịa na-aṅụrị ọṅụ.+
19 Ọ dị ka ọmarịcha nne ele, dịrịkwa ka ewu ọhịa mara mma.+
Ka ara ya na-eme gị obi ụtọ* mgbe niile.
Ka obi na-atọ gị ụtọ mgbe niile maka na ọ hụrụ gị n’anya.+
20 Nwa m, gịnịzi mere ị ga-eji nwee mmasị n’ebe nwaanyị na-ebi ndụ rụrụ arụ* nọ?
Gịnị mere ị ga-eji na-amakụ nwaanyị na-akwa iko?*+
21 Jehova na-ahụ ihe niile mmadụ na-eme.
Ọ na-eleru ihe niile mmadụ na-eme anya.+
22 Ihe ọjọọ onye ajọ omume na-eme ga-eme ka ọ ma n’ọnyà.
Mmehie ọ na-eme ga-eke ya agbụ.+
23 Ọ ga-anwụ maka na ọ nabataghị aka ná ntị a dọrọ ya,Ọ ga-akpafukwa maka na ọ dị ezigbote iberiibe.
Ihe E Dere n'Ala Ala Peeji
^ Na Hibru, “egbugbere ọnụ.”
^ Na Hibru, “Ọnụ ya na-akwọ mụrụmụrụ karịa mmanụ.”
^ Ma ọ bụ “na Shiol.” Gụọ Nkọwa Okwu.
^ Okwu Hibru a sụgharịrị ebe a pụtara mmiri dị n’ihe a rụrụ n’ime ala nke mmiri na-asọba.
^ Ma ọ bụ “na-egbu gị ka mmanya.”
