Jeremaya 47:1-7
-
E buru amụma ihe ga-eme ndị Filistia (1-7)
47 Jehova gwara Jeremaya onye amụma okwu gbasara ndị Filistia+ tupu Fero emerie Gaza.
2 Jehova kwuru, sị:
“Mmiri si n’ebe ugwu sọrọ na-abịa.
Ọ ga-aghọ iyi tofere ókè.
Ọ ga-erikpukwa ala a na ihe niile dị na ya,Rikpuokwa obodo a na ndị bi na ya.
Ndị nwoke ga-ebe ákwá.
Ndị niile bi n’ala a ga-ebekwa ákwá arịrị.
3 Mgbe ha ga-anụ ụda ụkwụ oké ịnyịnya onye iro,Nụkwa mkpọtụ ụgbọ ịnyịnya agha ya,Nakwa oké ụzụ nke ụkwụ ụgbọ ịnyịnya ya na-eme,Ndị nna ga-agba ọsọ n’eleghị anya n’azụMaka na obi agaghị aka ha ịnapụta ụmụ ha.
4 Ụbọchị a ga-ebibi ndị Filistia niile eruwela.+
N’ụbọchị ahụ, a ga-ebibi onye ọ bụla fọdụrụ nke na-enyere Taya+ na Saịdọn+ aka.
Jehova ga-ebibi ndị Filistia,Ya bụ, ndị fọdụrụ n’ime ndị si n’agwaetiti Kaftọ.*+
5 Isi ga-akwọcha* Gaza.
E bibiela Ashkelọn.+
Ndị fọdụrụ na ndagwurugwu ha,Olee mgbe unu ga-akwụsị ịna-ebekasị onwe unu ahụ́?+
6 Ehee, mma agha Jehova,+Olee mgbe ị ga-anọ jii?
Banye n’ọbọ gị.
Zuru ike, nọrọkwa jii.
7 Olee otú ọ ga-esi nọrọ jiiEbe ọ bụ na Jehova agwala ya ihe ọ ga-eme?
Ọ gwara ya ka ọ lụso Ashkelọn na ụsọ oké osimiri agha.+
Ebe ndị a ka ọ gwara ya gaa.”
Ihe E Dere n'Ala Ala Peeji
^ Ya bụ, Krit.
^ Ya bụ, ha ga-akpụchasị isi ha n’ihi uju ha na-eru na ihere na-eme ha.
