Job 16:1-22
16 Job kwuru, sị:
2 “Anụbuola m ọtụtụ ihe yiri ihe ndị a.
Kama unu ga-akasi m obi, unu na-akpatakwuru m nsogbu.+
3 Okwu na-enweghị isi ọ̀ na-agwụkwa agwụ?
Gịnị mere i ji ekwu okwu otú a?
4 A sị na ọ bụ unu ka ihe a mere m mere,M nwere ike ikwu okwu otú unu si ekwu,M nwekwara ike ịkatọ unu,Fufeekwara unu isi.+
5 Ma kama ime otú ahụ, m ga-eji okwu ọnụ m gbaa unu ume.
M ga-agwa unu okwu ga-akasi unu obi ka unu nwetatụ ume.+
6 Ọ bụrụ na m kwuo okwu, ọ naghị eme ka ahụ́ kwụsịtụ igbu m mgbu,+Ọ bụrụkwa na mụ akwụsị ikwu okwu, ọ̀ na-eme ka ahụ́ kwụsịtụ igbu m mgbu?
7 Ma ugbu a, Chineke emeela ka ike gwụ m.+
O bibiela ezinụlọ m niile.*
8 I jichikwara m, o wee bụrụ ihe akaebe,Nke mere na ahụ́ m tara na-agbagide m akaebe.
9 O ji iwe ya dọrisie m, ọ na-ebukwara m iwe n’obi.+
Ọ na-ata ikikere ezé n’ihi iwe ọ na-ewesa m.
Onye iro m na-ele m anya ọjọọ.+
10 Ha emegheela ọnụ ha ka ha loo m.+
Ha amaala m ụra na ntì ma jiri m mee ihe ọchị.
Ha agbakọtala n’ìgwè ka ha mesie m ike.+
11 Chineke enyefeela m n’aka ụmụ okorobịa,Ọ tụbakwala m n’aka ndị ajọ omume.+
12 M tụsaara ahụ́, ma ọ kụriri m.+
O jidere m n’azụ olu m gwerie m.
O lekwasịrị m anya ka ọ taa m ahụhụ.
13 Ndị na-agbara ya ụta gbara m gburugburu.+
Ọ gbapuola akụrụ m,+ o meteghịkwara m ebere.
Ọ wụpụla elo* m n’ala.
14 Ọ na-etipusị m ahụ́ otú e si etipu mgbidi.
Ọ na-eji ọsọ abịa alụso m ọgụ ka onye agha.
15 Adụkọtala m ákwà iru uju ka m jiri ya kpuchie ahụ́ m.+
Ùgwù* m alaala nke na m na-anọzi n’ájá.*+
16 Ihu m na-achazi ọbara ọbara n’ihi ákwá m na-ebe,+Oké ọchịchịrị agbachiekwala mbubere anya m,
17 N’agbanyeghị na e nweghị ihe ọjọọ m mere,M jikwa obi ọcha ekpe ekpere.
18 Ala, biko, ekpuchila ọbara m.+
Ka a gharakwa inwe ihe ga-eme ka ákwá m na-ebe kwụsị.
19 Ma ugbu a, onye na-agbara m akaebe nọ n’eluigwe.
Onye nwere ike ịgbara m akaebe nọ n’ebe dị n’elu.
20 Ndị enyi m na-achị m ọchị+Mgbe m na-ebesara Chineke ákwá.*+
21 Ka mmadụ kpeere mụ na Chineke ikpe,Otú mmadụ si ekpere mmadụ na ibe ya ikpe.+
22 N’ihi na ọ bụ afọ ole na ole fọrọ,M ga-agakwa ebe ọ ga-abụ m gaa, agaghịzi m alọghachi.+
Ihe E Dere n'Ala Ala Peeji
^ Ma ọ bụ “ndị mụ na ha na-ezukọta.”
^ Ma ọ bụ “ihe dị n’akpa ilu.”
^ Ma ọ bụ “Ike.”
^ Na Hibru, “Eliela m mpi m n’ájá.”
^ O nwere ike ịbụ, “Mgbe m na-ele Chineke anya n’ehighị ụra.”