Job 19:1-29
19 Job wee sị:
2 “Olee mgbe unu ga-akwụsị ịkpasu m* iwe,+Kwụsịkwa ikwu ihe na-agbawa m obi?+
3 Unu abaarala m mba* ugboro iri ugbu a.
Ihere anaghị eme unu na unu na-emesi m ike.+
4 Ọ bụrụgodị na m mere mmehie,Ọ bụ n’isi m ka mmehie m dị.
5 Ọ bụrụ na unu ana-ebuli onwe unu elu,Na-ekwu na ihere nsogbu m nọ na ya na-ebutere m kwesịrị m,
6 Marazienụ na ọ bụ Chineke duhiere m,O jirikwala ụgbụ o ji achụ nta jide m.
7 M na-eti mkpu n’ihi ahụhụ m na-ata, ma e nweghị onye na-aza m.+
M na-arịọ ka e nyere m aka, ma e nweghị onye na-ekpe ikpe ziri ezi.+
8 O ji nkume rụchie mgbidi n’ebe m si agafe, enweghịkwa m ike ịgafe.
O meekwala ka ọchịchịrị gbachie okporo ụzọ m.+
9 O meela ka m gharazie inwe ùgwù,Kpupụkwa m okpueze n’isi.
10 O si n’akụkụ niile na-akụrisị m ruo mgbe ọ lara m n’iyi.
Ọ na-eme ka m ghara inwe olileanya otú osisi e fopụrụ efopụ na-enweghị olileanya.
11 Ọ na-ewesa m iwe dị ọkụ,Ọ na-ewerekwa m ka onye iro ya.+
12 Ndị agha ya abịakọtala ka ha lụso m agha,Ha gbakwara ụlọikwuu m gburugburu.
13 Ọ chụpụla ụmụnne m ka ha nọrọ m n’ebe dị anya,Ndị ma m esila n’ebe m nọ pụọ.+
14 Ezigbo ndị enyi* m ahapụla m,Ndị m ma nke ọma echefuokwala m,+
15 Ndị bịara n’ụlọ m+ na ndị ohu m nwaanyị weere m ka onye mbịarambịa.
Abụ m onye mba ọzọ n’anya ha.
16 M na-akpọ onye na-ejere m ozi òkù, ma ọ naghị aza m.
Eji m ọnụ m na-arịọ ya ka o metere m ebere.*
17 Ume m na-ekupụta na-asọzi nwunye m oyi,+M na-esikwa ụmụnne m* ísì ọjọọ.
18 Ụmụaka kpọdịrị m asị.
M bilie ọtọ, ha na-amalite iji m eme ihe ọchị.
19 Ezigbo ndị enyi m niile kpọrọ m asị,+Ndị m hụrụ n’anya bụzi ndị iro m.+
20 Abụzi m ọkpụkpụ ọkpụkpụ.+
Ejisiri m ike gbanahụ ọnwụ.*
21 Ndị enyi m, meerenụ m ebere, meerenụ m ebere,N’ihi na Chineke ebiela m aka.+
22 Gịnị mere unu ji na-akpagbu m otú Chineke si akpagbu m,+Na-emesi m ike n’akwụsịghị akwụsị?+
23 Ọ gaara amasị m ma a sị na e dere okwu m ede,Ma a sị na e dere ya n’akwụkwọ.
24 Ọ gaara amasị m ma a sị na e ji mkpịsị ígwè na nkume led*Denye ya n’oké nkume ruo mgbe ebighị ebi.
25 N’ihi na o doro m anya na onye mgbapụta m+ dị ndụ.
Ọ ga-emecha bịa guzoro n’elu ụwa.*
26 Mgbe e si otú a mebichaa akpụkpọ ahụ́ mN’oge m ka nọ ndụ, m ga-ahụ Chineke,
27 Bụ́ onye m ga-ahụ,Onye anya m ga-ahụ, ọ bụghị anya onye ọzọ.+
Ma, adaala m mbà n’obi.*
28 N’ihi na unu na-asị, ‘Olee otú anyị si na-akpagbu ya?’+
Ebe ọ bụ na nsogbu m si m n’aka.
29 Tụọnụ egwu mma agha,+N’ihi na mma agha na-ata onye mere mmehie ahụhụ.
Unu kwesịrị ịma na e nwere onyeikpe.”+
Ihe E Dere n'Ala Ala Peeji
^ Na Hibru, “mkpụrụ obi m.” Gụọ Nkọwa Okwu.
^ Ma ọ bụ “akparịala m.”
^ Ma ọ bụ “Ndị ikwu.”
^ Ma ọ bụ “ka o nweere m ọmịiko.”
^ Na Hibru, “ụmụ afọ m,” ya bụ, ụmụ si n’afọ nne m.
^ Na Hibru, “Eji m akpụkpọ ezé m gbalaga.”
^ Ma ọ bụ “opu.”
^ Na Hibru, “guzoro n’elu ájá.”
^ Ma ọ bụ “Akụrụ m akwụsịla ịrụ ọrụ n’ime ahụ́ m.”
