Job 28:1-28
28 “E nwere ebe a na-egwute ọlaọchaNakwa ebe a na-egwute ọlaedo a ga-anụcha anụcha.+
2 A na-egwute ígwè n’ala,A na-esikwa na nkume agbazeta ọla kọpa.+
3 Mmadụ na-abanye n’ebe gbara ọchịchịrị.
Ọ na-abanye n’ime ime itiri na ọchịchịrị,
Na-achọ nkume ndị a dị oké ọnụ.
4 Ọ na-egwunye ígwè n’ebe dị anya n’ebe ndị mmadụ bi,N’ebe e chefuru echefu, n’ebe dị anya n’ebe ndị mmadụ na-agaru.
Ụfọdụ ndị na-eke onwe ha ụdọ rịba n’ime ala, ụdọ ejide ha ha ana-arụ ọrụ.
5 Elu ala na-emepụta nri;Ma n’okpuru ala, a na-emebisị ihe niile ka ebe e ji ọkụ na-emebisị ihe.*
6 N’ebe ahụ ka nkume safaya dị,Ọlaedo dịkwa n’ájá dị n’ebe ahụ.
7 E nweghị nnụnụ na-eri anụ ma ụzọ e si aga na ya.
Anya égbé ojii ahụbeghị ebe ahụ.
8 E nweghị anụ ọhịa na-akpa ike zọtụrụla ụkwụ na ya.
Ọdụm agatụbeghị na ya.
9 Mmadụ na-akụrisị nkume siri ike.
Ọ na-esi na ntọala ugwu akwatu ugwu.
10 Ọ na-awara mmiri ụzọ+ n’oké nkume.
Anya ya na-ahụ ihe ọ bụla dị oké ọnụ.
11 Ọ na-eji ihe arụbichi ebe mmiri si asọpụta,Ọ na-agbakwa ihe e zoro ezo n’anwụ.
12 Ma olee ebe a ga-achọta amamihe?+
Oleekwa ebe e si enweta nghọta?+
13 E nweghị mmadụ ma uru ọ bara,+A naghịkwa ahụ ya n’ụwa.*
14 Mmiri miri emi na-asị, ‘Ọ dịghị n’ime m.’
Oké osimiri na-asịkwa, ‘Ọ bụghị m ji ya.’+
15 E nweghị ike iji ezigbo ọlaedo zụta ya,E nweghịkwa otú a ga-atụru ọlaọcha jiri gbanweta ya.+
16 E nweghị ike iji ọlaedo kacha mma* zụta ya,+Ma ọ bụkwanụ jiri nkume ọnịks na nkume safaya dị oké ọnụ zụta ya.
17 A gaghị ejili ọlaedo na enyo tụnyere ya.
E nweghịkwa ike iji arịa e ji ezigbo ọlaedo* mee gbanweta ya.+
18 A gaghịdị eji nkume kọral na nkume kristal tụnyere ya,+N’ihi na akpa nke amamihe juru bara uru karịa nke nkume pel juru.
19 E nweghị ike iji nkume topaz+ si Kush tụnyere ya.
E nweghịdị ike iji ezigbo ọlaedo zụta ya.
20 Ma olee ebe amamihe si abịa?
Oleekwa ebe e si enweta nghọta?+
21 E zoro ya ezo ka anya ihe ọ bụla dị ndụ ghara ịhụ ya,+Zookwa ya ka nnụnụ ghara ịhụ ya.
22 Mbibi na ọnwụ na-asị,‘Naanị n’akụkọ ka ntị anyị nụrụ gbasara ya.’
23 Ọ bụ Chineke ghọtara otú a ga-esi chọta ya.
Naanị ya ma ebe o bi,+
24 N’ihi na anya ya na-eru na nsọtụ ụwa,Ọ na-ahụkwa ihe niile dị n’ụwa.*+
25 Mgbe o nyere ifufe ikike ọ ga-eji na-efe*+Ma tụọ otú mmiri dị iche iche ga-aha,+
26 Mgbe o mere iwu ga na-achị mmiri ozuzo,+Waakwara oké mmiri ozuzo na égbè eluigwe ụzọ,+
27 Mgbe ahụ, ọ hụrụ amamihe ma kọwaa ya.
O mere ka amamihe dịrị, nwaleekwa ya.
28 O wee sị mmadụ:
‘Lee, ọ bụ ịtụ egwu Jehova bụ amamihe.+
Mmadụ iwepụ aka n’ihe ọjọọ bụkwa nghọta.’”+
Ihe E Dere n'Ala Ala Peeji
^ O nwere ike ịbụ na ihe a na-ekwu bụ otú e si egwupụta akụ̀ ndị dị n’ime ala.
^ Na Hibru, “n’ala ndị dị ndụ.”
^ Ma ọ bụ “ọlaedo Ofa.”
^ Ma ọ bụ “ọlaedo a nụchara anụcha.”
^ Ma ọ bụ “n’okpuru eluigwe.”
^ Na Hibru, “Mgbe ọ tụrụ otú ifufe ga-adịru n’arọ.”