Job 7:1-21
7 “Ọ̀ bụ na ndụ mmadụ efu bi n’ụwa adịghị ka ebe a manyere mmadụ ịrụ ọrụ ike?
Ọ̀ bụ na ọ naghị ebi ndụ kwa ụbọchị ka onye ọrụ e goro ego?+
2 Ọ na-agụ ya agụụ ka ọ nọrọ na ndò otú ọ na-agụ ohu,Ọ na-atụkwa anya ka a kwụọ ya ụgwọ ọrụ ya otú onye ọrụ e goro ego na-atụ anya ụgwọ ọrụ ya.+
3 Otú ahụ ka ndụ m si bụrụ ihe na-abaghị uru kemgbe ọtụtụ ọnwa,M nọkwa na-ahụsi anya kemgbe ọtụtụ abalị.+
4 M dinara ala, m na-ajụ, sị, ‘Olee mgbe m ga-ebili?’+
Ma ebe chi na-ekweghị abọ ngwa ngwa, m na-atụgharịgide ruo n’isi ụtụtụ.
5 Ikpuru na ọkpụrụkpụ ájá kpuchiri m ahụ́.+
Ọnyá na abụ juru m n’ahụ́.+
6 Ndụ m na-agbada n’ike n’ike.*+
Ọ na-agwụ ngwa ngwa, enweghịkwa m olileanya.+
7 Cheta na ndụ m dị ka ifufe,+Na agaghị m enwe obi ụtọ* ọzọ.
8 Onye na-ahụ m ugbu a agaghị ahụ m ọzọ.
Ị ga-eji anya na-achọ m, ma agakwaghị m anọ ya.+
9 Otú ahụ ígwé ojii si ekusa pụọ n’anyaKa onye na-agbada n’ili* na-anaghị esi na ya apụta.+
10 Ọ gaghị alaghachi ọzọ n’ụlọ ya,A gakwaghị ahụ ya ọzọ n’ebe o bibu.+
11 N’ihi ya, agaghị m emechi ọnụ m.
M ga-ekwu okwu n’ihi otú obi si afụ m ụfụ.
M ga-ekwu okwu n’ihi otú ahụhụ m na-ata si ewute m.+
12 Àbụ m oké osimiri, ka m̀ bụ nnukwu anụ mmiri,Nke mere ị ga-eji mee ka a na-eche m nche?
13 Mgbe m sịrị, ‘Àkwà m* ga-akasi m obi.
Ọ ga-eme ka ahụhụ m na-ata belata,’
14 I meziri ka m rọwa nrọ na-atụ ụjọ,Meekwa ka m hụwa ọhụụ na-atụ egwu.
15 N’ihi ya, ọ kaara m* mma ka m kubie ume.
N’eziokwu, ọ kaara m mma na m nwụrụ anwụ karịa ahụ́ m* ịdị otú a ọ dị.+
16 Ndụ m agwụla m ike.+ Achọghịzi m ịdị ndụ.
Hapụ m, n’ihi na ndụ m dị ka ume e kupụrụ ekupụ.+
17 Gịnị ka mmadụ efu bụ nke mere ị ga-eji na-eche banyere ya,Anya gị adịrịkwa* n’ebe ọ nọ?+
18 Gịnị mere i ji enyocha ya kwa ụtụtụ,Na-anwalekwa ya mgbe niile?+
19 Ọ̀ bụ na ị gaghị ewepụ anya gị n’ebe m nọMa hapụtụ m ka m loo asọ mmiri?+
20 Ọ bụrụ na m mehiere, gịnị ka m ga-emeli gị, gị Onye na-ahụ ihe niile mmadụ na-eme?+
Gịnị mere o ji bụrụ m ka i lekwasịrị anya?
M̀ bụziiri gị ibu arọ?
21 Gịnị mere na ị naghị agbaghara m mmehie mMa leghara ihe ọjọọ m mere anya?
N’ihi na m ga-edinara n’ájá n’oge na-adịghị anya,+Ị ga-achọkwa m, ma agaghị m anọ ya.”
Ihe E Dere n'Ala Ala Peeji
^ Na Hibru, “Ụbọchị m na-agafe ọsọ ọsọ karịa osisi a gbanyere eri nke onye na-ekwe ákwà ji ekwe ákwà.”
^ Na Hibru, “Na anya m agaghị ahụ ihe ọma.”
^ Ma ọ bụ “na Shiol.” Gụọ Nkọwa Okwu.
^ Ma ọ bụ “Ihe ndina m.”
^ Ma ọ bụ “mkpụrụ obi m.”
^ Na Hibru, “ọkpụkpụ m.”
^ Na Hibru, “Gị etinyekwa obi gị.”
