Joel 3:1-21
3 “N’ihi na lee, n’ụbọchị ndị ahụ nakwa n’oge ahụ,Mgbe m ga-akpọghachite ndị Juda na ndị Jeruselem a dọọrọ n’agha,+
2 M ga-achịkọtakwa mba niileMa kpọrọ ha bịa na Ndagwurugwu Jehoshafat.*
M ga-ekpe ha ikpe n’ebe ahụ+N’ihi ndị m na ndị m ketara bụ́ Izrel,N’ihi na ha chụsasịrị ha ná mba dị iche iche,Ha kekwaara onwe ha ala m.+
3 Ha na-efe nza ka ha keere onwe ha ndị m.+
Ha na-eji nwata nwoke agbanweta akwụnaMa na-ere nwata nwaanyị ka ha zụta mmanya ha ga-aṅụ.
4 Taya na Saịdọn na ógbè niile dị na Filistia,Gịnị ka m mere unu?
Ò nwere ihe m mere unu unu na-akwụghachi m ụgwọ ya?
Ọ bụrụ na unu na-akwụghachi m ụgwọ,M ga-eme ka ihe unu mere m lọghachi n’isi unu ngwa ngwa, n’egbughị oge.+
5 Ebe ọ bụ na unu eburula ọlaọcha m na ọlaedo m,+Unu ebubakwala akụ̀ m ndị kacha mma n’ụlọ chi unu dị iche iche,
6 Unu ereela ndị Juda na ndị Jeruselem resị ha ndị Grik+Ka unu wee kpọpụ ha n’ala ha kpọga ha n’ebe dị anya,
7 M ga-eme ka ha si n’ebe unu refuru ha lọghachi.+
M ga-emekwa ka ihe unu mere ha lọghachi n’isi unu.
8 M ga-eresị ndị Juda ụmụ unu ndị nwoke na ụmụ unu ndị nwaanyị,+Ha ga-eresịkwa ha ndị Shiba, bụ́ mba dị anya,N’ihi na Jehova ekwuola ya.
9 Maanụ ọkwa ná mba dị iche iche,+ sị:
‘Jikerenụ agha! Kpọọnụ ndị dike ka ha pụta!
Ka ndị agha niile bịa nso, ka ha lụọ agha!+
10 Kpụgharịanụ mma ogè unu ka ha bụrụ mma agha nakwa mma unu ji akwa osisi ka ha bụrụ ube.
Ka onye na-esighị ike sị: “Esiri m ike.”
11 Unu mba niile nọ gburugburu, bịanụ nyere ibe unu aka. Zukọtanụ.’”+
Jehova, biko, mee ka ndị dike* gị gbadata n’ebe ahụ.
12 “Ka mba dị iche iche zukọta ma bịa na Ndagwurugwu Jehoshafat,N’ihi na m ga-anọdụ ala n’ebe ahụ ikpe mba niile nọ gburugburu ikpe.+
13 Werenụ mma e ji ewe ihe ubi wee ihe ubi n’ihi na ihe ubi achaala.
Gbadatanụ zọchapụta mmanya n’ihi na mkpụrụ vaịn ejula n’ebe a na-azọchapụta mmanya.+
Olulu ebe mmanya a zọchapụtara na-asọba ejufeela ókè n’ihi na ihe ọjọọ ha dị ukwuu.
14 Ìgwè mmadụ, ìgwè mmadụ juru na ndagwurugwu ikpe,N’ihi na ụbọchị Jehova ga-ekpe ndị mmadụ ikpe na ndagwurugwu ahụ dị nso.+
15 Anyanwụ na ọnwa ga-agba ọchịchịrị,Kpakpando agaghịkwa enye ìhè ha.
16 Jehova ga-esi na Zayọn bigbọọ.
Ọ ga-esi na Jeruselem kwuo okwu.
Eluigwe na ụwa ga-amakwa jijiji.
Ma Jehova ga-abụrụ ndị ya ebe mgbaba,+Ọ ga-abụkwara ụmụ Izrel ebe a rụsiri ike.
17 Unu ga-amarakwa na abụ m Jehova bụ́ Chineke unu, onye bi na Zayọn, bụ́ ugwu nsọ m.+
Jeruselem ga-abụ ebe dị nsọ,+Ndị ala ọzọ agaghịkwa esi n’ime ya gafere ọzọ.+
18 N’ụbọchị ahụ, mmanya dị ụtọ ga-esi n’ugwu na-atapụsị.+
Mmiri ara ehi ga na-eru n’ugwu nta,Mmiri ga na-asọkwa n’iyi niile dị na Juda.
Iyi ga-esi n’ụlọ Jehova na-asọpụta,+Ọ ga na-edekwa Ndagwurugwu Osisi Akeshịa.
19 Ma, Ijipt ga-atọgbọrọ chakoo,+Ịdọm ga-aghọkwa ala ịkpa a na-enweghị ihe dị na ya,+N’ihi na ha mesiri ndị Juda ike,+Bụ́ ndị ha nọ n’ala ha gbuo* ndị aka ha dị ọcha.+
20 Ma ndị mmadụ ga-ebi na Juda mgbe niileNakwa na Jeruselem malite n’ọgbọ ruo n’ọgbọ.+
21 Ndị m weere ka ndị aka ha na-adịghị ọcha* ka m ga-ewere ka ndị aka ha dị ọcha,*+Jehova ga-ebikwa na Zayọn.”+
Ihe E Dere n'Ala Ala Peeji
^ Jehoshafat pụtara “Jehova Bụ Onyeikpe.”
^ Ma ọ bụ “ndị agha.”
^ Na Hibru, “wụfuo ọbara.”
^ Na Hibru, “Ọbara ha m weere ka nke mere ihe ọjọọ.”
^ Na Hibru, “ka nke na-emeghị ihe ọjọọ.”