Zefanaya 2:1-15
2 Zukọtanụ, zukọtanụ,+Unu mba ihere na-anaghị eme.+
2 Tupu e mee ihe e kpebiri ime,Tupu ụbọchị agafee otú ifufe si ebupụ mkpo ọka,Tupu Jehova ewesa unu iwe dị ọkụ,+Tupu ụbọchị Jehova ga-ewesa unu iwe eruo,
3 Chọọnụ Jehova,+ unu niile ndị dị umeala n’obi bi n’ụwa,Ndị na-edebe iwu ya ziri ezi.
Chọọnụ ezi omume. Chọọnụ ịdị umeala n’obi.
Ikekwe,* a ga-echebe unu n’ụbọchị iwe Jehova.+
4 N’ihi na o nweghịzi onye ga-ebi na Gaza.
Ashkelọn ga-abụkwa ebe tọgbọ chakoo.+
A ga-achụpụ Ashdọd n’etiti ehihie.
A ga-efopụkwa Ekrọn.+
5 “Ndị Keretaịt, ndị bi n’akụkụ oké osimiri, ga-ata ahụhụ.+
Jehova amala unu ikpe.
Kenan, bụ́ ala ndị Filistia, m ga-ebibi gị,Ka a ghara inwe onye ga-ebi na gị.
6 Akụkụ oké osimiri ga-aghọ ala ụmụ anụmanụ na-ata ahịhịa.
Olulu mmiri maka ndị na-azụ atụrụ na ogige atụrụ ndị e ji nkume gbaa ga-adịkwa na ya.
7 Ọ ga-aghọkwa ógbè nke ndị fọdụrụ na Juda.+
Ha ga-erikwa nri na ya.
Ná mgbede, ha ga-edina n’ụlọ ndị dị n’Ashkelọn.
N’ihi na Jehova Chineke ha ga-echeta ha.*
Ọ ga-eme ka ndị a dọọrọ n’agha n’ime ha lọghachite.”+
8 “Anụla m nkọcha Moab na-akọcha ndị m,+ nụkwa mkparị ụmụ Amọn na-akparị ha.+
Ha kwara ndị m emo, tuokwa ọnụ na ha ga-eweghara ala ha.”+
9 Jehova nke ụsụụ ndị agha, bụ́ Chineke Izrel, kwukwara, sị: “N’ihi ya, ebe ọ bụ na m na-adị ndụ,Moab ga-adị ka Sọdọm,+Ụmụ Amọn ga-adịkwa ka Gọmọra,+
Ebe ahịhịa akụwa* juru, ala bụ́ nnu nnu, ebe tọgbọkwa nkịtị mgbe niile.+
Ndị fọdụrụ ná ndị m ga-akwakọrọ ihe dị na ha.
Ndị fọdụrụ ná mba m ga-ebichi ha.
10 Ihe a ga-eme ha maka na ha dị mpako,+N’ihi na ha kwara ndị Jehova nke ụsụụ ndị agha emo, tuokwa ọnụ ihe ha ga-eme ha.
11 Mụnwa bụ́ Jehova ga-emenye ha egwu,N’ihi na m ga-ebibi chi niile dị n’ụwa.*
Agwaetiti niile nke mba dị iche iche ga-akpọkwara m isiala.*+
Nke ọ bụla ga-esi n’ebe nke ya kpọọrọ m isiala.
12 Ununwa kwa, ndị Etiopia, mma agha m ga-egbu unu.”+
13 Chineke ga-esetị aka ya n’ebe ugwu ma bibie Asiria.
Ọ ga-emekwa ka Ninive tọgbọrọ chakoo,+ kpọọkwa nkụ ka ala ịkpa.
14 Ìgwè anụmanụ, ya bụ, ụdị anụ ọhịa niile,* ga-amakpu na ya.
Ma okwolo ma ebi ogwu ga na-alakpu n’isi ogidi ya ndị dara ada.
A ga na-anụ ubé nnụnụ na windo ya.*
Chineke ga-ala ụzọ e si abata ya n’iyi,N’ihi na ọ ga-ewepụsị osisi sida e ji kụchie ya.
15 Obodo a bụ obodo dị mpako, nke obi rukwara ala,Nke nọ na-asị n’obi ya, ‘Anọ m ya. O nweghị onye ọzọ nọnụ.’
Ma, ọ ghọọla ebe a jụrụ ajụ,Ebe anụ ọhịa na-amakpu.
Onye ọ bụla nke na-agafere ya ga-afụ mkpọrọhịhị, gbaakwa n’aka.”+
Ihe E Dere n'Ala Ala Peeji
^ Ma ọ bụ “O nwere ike bụrụ na.”
^ Ma ọ bụ “ga-elekọta ha.”
^ Ma ọ bụ “ahịhịa ogwu.”
^ Ma ọ bụ “m ga-eme ka chi niile dị n’ụwa taa ahụ́.”
^ Ma ọ bụ “ga-efekwa m.”
^ Na Hibru, “anụ ọhịa ọ bụla dị n’otu mba.”
^ O nwere ike ịbụ, “mkpọtụ ifufe ma ọ bụ ubé anụ ọhịa.”
