Jenụwarị 15-21
JOB 36-37
Abụ nke 147 na Ekpere | Okwu Mmeghe (1 nkeji)
1. Ihe Mere Ị Ga-eji Tụkwasị Nkwa Chineke Kwere na Anyị Ga-adị Ndụ Ebighị Ebi Obi
(Nkeji 10)
Jehova n’onwe ya na-adị ndụ ruo mgbe ebighị ebi (Job 36:26; w15 10/1 13 ¶1-2)
Jehova nwere amamihe, nweekwa ike ọ ga-eji eme ka anyị dịrị ndụ na-aga (Job 36:27, 28; w20.05 22 ¶6)
Jehova na-akụziri anyị ihe anyị ga-eme ka anyị nweta ndụ ebighị ebi (Job 36:4, 22; Jọn 17:3)
Inwe okwukwe siri ike na Chineke ga-emezu nkwa o kwere inye anyị ndụ ebighị ebi na-enyere anyị aka ma nsogbu bịara anyị.—Hib. 6:19; w22.10 28 ¶16.
2. Ihe Anyị Mụtara n’Okwu Chineke
(Nkeji 10)
-
Job 36:26—Ànyị kwesịrị inyewe onwe anyị nsogbu ma ọ bụrụ na o siiri anyị ike ịghọta na Jehova enweghị mmalite? Kọwaa. (w22.12 2 ¶4)
-
Gịnị ka ị mụtara n’ọgụgụ Baịbụl nke izu a ị ga-achọ ịkọ?
3. Ọgụgụ Baịbụl
(Nkeji 4) Job 36:1-21 (th ihe ọmụmụ nke 2)
4. Ịmalite Mkparịta Ụka
(Nkeji 3) IKWUSA OZI ỌMA N’EBE NDỊ MMADỤ NA-ANỌKARỊ. (lmd isi nke 3 nọmba nke 3)
5. N’Oge Ọzọ
(Nkeji 4) OZI ỤLỌ N’ỤLỌ. (lmd isi nke 2 nọmba nke 5)
6. Ịkọwa Ihe Ndị I Kweere
(Nkeji 5) Okwu. ijwfq 57 ¶5-15—Isiokwu: Gịnị Mere E Ji Kpagbuo Ndịàmà Jehova n’Oge Ndị Nazi Gbukpọrọ Ndị Mmadụ? (th ihe ọmụmụ nke 18)
Abụ nke 49
7. Jikere Maka Ihe Ndị Nwere Ike Ime Ka E Buga Gị Ụlọ Ọgwụ Ma Ọ Bụ Waa Gị Ahụ́
(Nkeji 15) Okwu ndị na-ege ntị ga-etinyetụ ọnụ. Ọ bụ okenye ga-eme ihe omume a.
Nzukọ Jehova ewepụtarala anyị ngwá ọrụ ndị na-enyere anyị aka irubere iwu Chineke nyere gbasara ọbara isi. (Ọrụ 15:28, 29) Ị̀ na-ekwe ka ha baara gị uru?
Kaadị DPA na Nke A Na-akpọ Identity Card (ic): Kaadị ndị a na-akọwa ihe mmadụ chọrọ ma a bịa n’okwu gbasara ọbara. Ndị nkwusa e mere baptizim nwere ike isi n’aka nwanna na-ahụ maka akwụkwọ n’ọgbakọ ha nweta kaadị DPA. Ha nwekwara ike isi n’aka ya nwetara ụmụ ha na-erubeghị afọ iri na asatọ kaadị nke a na-akpọ Identity Card (ic). Anyị kwesịrị ịna-eji kaadị ndị a mgbe niile. Ọ bụrụ na ọ dị mkpa ka i dejupụta nke ọhụrụ, mee ya ozugbo.
Akwụkwọ A Na-akpọ Ihe Ụmụ Nwaanyị Dị Ime Kwesịrị Ịma (S-401) na Nke A Na-akpọ Ihe Ndị A Chọrọ Ịwa Ahụ́ na Ndị Na-arịa Ọrịa Kansa Kwesịrị Ịma (S-407): Akwụkwọ ndị a na-enyere anyị aka ịkwadebe nke ọma maka ịgwọ anyị ọrịa nakwa maka ihe ọ bụla gbasara ọbara. Gwa ndị okenye unu ka ha nye gị nke ọ bụla ị chọrọ n’akwụkwọ ndị a ma ọ bụrụ na ị dị ime, na a ga-awa gị ahụ́, ma ọ bụ na a ga-agwọ gị ọrịa kansa.
Kọmitii Na-ahụ Maka Mmekọrịta Anyị na Ndị Ụlọ Ọgwụ: Ndị so na kọmitii a bụ ndị okenye a zụrụ ka ha nwee ike ịna-agwa ndị dọkịta na ndị nkwusa ihe ha kwesịrị ịma gbasara ọbara. Ha na onye na-agwọ gị nwere ike ikwurịta ụzọ ndị ọzọ e nwere ike isi gwọọ gị n’amịnyeghị gị ọbara. Ọ bụrụ na ọ dị mkpa, ha nwekwara ike inyere gị aka inweta dọkịta ga-ekweta ịgwọ gị n’amịnyeghị gị ọbara. Ụmụnna ndị a dị njikere inyere gị aka n’ụbọchị ọ bụla, ma n’ehihie ma n’abalị. Kpọtụrụ ha ozugbo ma ọ bụrụ na a ga-enye gị bed n’ụlọ ọgwụ, na a ga-awa gị ahụ́, ma ọ bụ na a ga-agwọ gị ọrịa kansa, ma ọ bụ ọrịa ndị yiri ya. Mee otú ahụ ọ bụrụgodị na i chere na ndị dọkịta agaghị ekwutewa okwu ọbara. I kwesịkwara ime otú ahụ ma ọ bụrụ na ị dị ime. Ị chọọ ka e nyere gị aka, gwa otu n’ime ndị okenye unu ka o nye gị nọmba ekwentị onye so na kọmitii a.
Kpọnye VIDIO bụ́ Olee Otú Kọmitii Ndị Na-ahụ Maka Mmekọrịta Anyị na Ndị Ụlọ Ọgwụ Si Enyere Anyị Aka? Jụzie ụmụnna ajụjụ a:
Olee otú Kọmitii Na-ahụ Maka Mmekọrịta Anyị na Ndị Ụlọ Ọgwụ nwere ike isi nyere gị aka ma ọ bụrụ na a ga-agwọ gị ọrịa ma ọ bụ waa gị ahụ́?
8. Ọmụmụ Baịbụl Ọgbakọ
(Nkeji 30) rr isi nke 4 ¶10-17
