Jenụwarị 27–Febụwarị 2
ABỤ ỌMA 140-143
Abụ nke 44 na Ekpere | Okwu Mmeghe (1 nkeji)
1. Na-eme Ihe Niile I Nwere Ike Ime Mgbe Ị Rịọchara Arịrịọ Ka E Nyere Gị Aka
(Nkeji 10)
Dịrị njikere ịnabata ndụmọdụ na ịdọ aka ná ntị (Ọma 141:5; w22.02 12 ¶13-14)
Na-atụgharị uche n’ihe ndị Jehova mere n’oge gara aga iji nyere ndị ya aka (Ọma 143:5; w10 3/15 32 ¶4)
Gbalịa na-ele ihe anya otú Jehova si ele ha (Ọma 143:10; w15 3/15 32 ¶2)
Ọ bụghị naanị arịrịọ ndị Devid rịọrọ ka e nyere ya aka ka e dere n’Abụ Ọma 140-143, kama e dekwara ihe ndị gosiri na o mere ihe kwekọrọ n’arịrịọ ndị ọ rịọrọ.
2. Ihe Anyị Mụtara n’Okwu Chineke
(Nkeji 10)
-
Ọma 140:3—Gịnị mere Devid ji kwuo na ire ndị ajọ omume dị ka ire agwọ? (it-2 1151)
-
Gịnị ka ị mụtara n’ọgụgụ Baịbụl nke izu a ị ga-achọ ịkọ?
3. Ọgụgụ Baịbụl
(Nkeji 4) Ọma 141:1-10 (th ihe ọmụmụ nke 12)
4. Ịmalite Mkparịta Ụka
(Nkeji 4) ỊGBA ÀMÀ N’OGE A NA-ANỌGHỊ N’OZI. Kwuo ihe ga-eme ka gị na mmadụ kparịtawa ụka mgbe i nyechaara ya aka. (lmd isi nke 3 nọmba nke 5)
5. N’Oge Ọzọ
(Nkeji 3) IKWUSA OZI ỌMA N’EBE NDỊ MMADỤ NA-ANỌKARỊ. Onye ahụ gwara gị na ya ji ọrụ n’aka. (lmd isi nke 7 nọmba nke 3)
6. Ịkọwa Ihe Ndị I Kweere
(Nkeji 5) Ihe Ngosi. ijwfq isiokwu nke 21—Isiokwu: Gịnị Mere Ndịàmà Jehova Anaghị Ekwe Ka A Mịnye Ha Ọbara? (th ihe ọmụmụ nke 7)
Abụ nke 141
7. Jikere Maka Ihe Ndị Nwere Ike Ime Ka E Buga Gị Ụlọ Ọgwụ Ma Ọ Bụ Waa Gị Ahụ́
(Nkeji 15) Okwu ndị na-ege ntị ga-etinyetụ ọnụ.
Jehova kwere nkwa na ya “dị njikere inyere anyị aka n’oge nsogbu.” (Ọma 46:1) Ihe ndị nwere ike ime ka e buga mmadụ ụlọ ọgwụ ma ọ bụ waa ya ahụ́ na-emekarị ka obi koro mmadụ n’elu. Ma, Jehova enyela anyị ihe niile ga-enyere anyị aka ịkwadebe maka ụdị nsogbu a. Dị ka ihe atụ, nzukọ Jehova ewepụtarala anyị kaadị DPA na nke a na-akpọ Identity Card, a nakwa akwụkwọ ndị ọzọ gbasara ahụ́ ike, b họpụtakwa Kọmitii Ndị Na-ahụ Maka Mmekọrịta Anyị na Ndị Ụlọ Ọgwụ. Ihe a niile na-enyere anyị aka ka anyị na-erubere iwu Chineke nyere gbasara ọbara isi.—Ọrụ 15:28, 29.
Kpọnye VIDIO Bụ́ Ì Jikerela Maka Ihe Nwere Ike Ime Ka E Buga Gị Ụlọ Ọgwụ? Jụzie ụmụnna ajụjụ ndị a:
-
Olee otú idejupụta kaadị DPA si baara ụfọdụ ndị uru?
-
Olee otú akwụkwọ bụ́ Ihe Ụmụ Nwaanyị Dị Ime Kwesịrị Ịma (S-401) sirila baara ụfọdụ ndị uru?
-
Gịnị mere o ji kachaa mma ịkpọtụrụ Kọmitii Na-ahụ Maka Mmekọrịta Anyị na Ndị Ụlọ Ọgwụ n’oge ma e nwee ihe mere a ga-eji buga anyị ụlọ ọgwụ, waa anyị ahụ́, ma ọ bụkwanụ gwọọ anyị ọrịa kansa, ọ bụrụgodị na anyị chere na a gaghị ekwute okwu ịmịnye anyị ọbara?
8. Ọmụmụ Baịbụl Ọgbakọ
(Nkeji 30) rr isi nke 21 ¶1-6, vidio kọwara isiokwu a na-amụ, igbe 21A
Okwu Mmechi (Nkeji 3) | na Ekpere
a Ndị nkwusa e mere baptizim nwere ike isi n’aka nwanna na-ahụ maka akwụkwọ n’ọgbakọ ha nweta kaadị DPA. Ha nwekwara ike isi n’aka ya nwetara ụmụ ha na-erubeghị afọ iri na asatọ kaadị nke a na-akpọ Identity Card.
b Ọ bụrụ na ị chọrọ akwụkwọ a na-akpọ Ihe Ụmụ Nwaanyị Dị Ime Kwesịrị Ịma (S-401), Ihe Ndị A Chọrọ Ịwa Ahụ́ na Ndị Na-arịa Ọrịa Kansa Kwesịrị Ịma (S-407), ma ọ bụ nke a na-akpọ Ihe Ndị Nne na Nna Nwere Ike Ime Iji Hụ na A Mịnyeghị Ụmụ Ha Ọbara (S-55), gwa ndị okenye ka ha nye gị ya.
