Nweta nke a nweta nke a nwere ike ime ka anyị ghara ịna-enwe ohere. Ịzụ ihe, ilekọta ihe anyị zụrụ, iji ihe ahụ na-eme ihe anyị ji maka ya zụta ya, na-ewe ma oge ma ike. Ndụ okomoko Jizọs na-ebighị mere ka ihe onwunwe ghara imegharị ya anya mgbe ọ bịara n’ụwa.—Mat. 8:20.

Gịnị ka i nwere ike ime ka i nwee ike ijekwuru Jehova ozi? Ùnu nwere ike ịhazi ihe ụfọdụ n’ezinụlọ unu ka otu onye nwee ike ịbanye n’ọrụ ịsụ ụzọ? Ọ bụrụ na ị banyela n’ozi oge niile, ì jirila nwayọọ nwayọọ na-achọ ka i nwetachaa ihe niile e ji ebi ndụ, ya emee ka ị ghara ịna-enwe ohere? Ọ bụrụ na anyị anaghị ebi ndụ okomoko, ihe ọ bụla anyị nwere ga-eju anyị afọ, ozi anyị na-ejere Jehova ga na-atọkwa anyị ezigbo ụtọ.—1 Tim. 6:7-9.

Dee ihe ndị ị ga-eme ka ị ghara ịna-ebi ndụ okomoko.