E dere banyere ọtụtụ ndị Jehova zara ekpere ha na Baịbụl. Mgbe ndị na-efe Chineke chọpụtara otú Jehova si gee ntị n’arịrịọ ha rịọrọ ya ma nyere ha aka, okwukwe ha bịara sikwuo ike. N’ihi ya, anyị kwesịrị ịna-akpọ okwu aha n’ekpere anyị, na-agbalịkwa achọpụta mgbe Jehova zara ekpere anyị. Cheta na otú ọ ga-esi aza gị ekpere nwere ike ịdị iche n’ihe ị tụrụ anya ya, ma ọ bụkwanụ karịa ihe ị tụrụ anya ya. (2 Kọr. 12:7-9; Efe. 3:20) Olee ụzọ dị iche iche Jehova nwere ike isi za anyị ekpere?

• Ime ka anyị nwee ume, ime ka obi ruo anyị ala, na ime ka okwukwe anyị sie ike iji die nsogbu anyị nọ na ya.​—Fil. 4:13

• Inye anyị amamihe anyị ga-eji mee mkpebi dị mma.​—Jems 1:5

• Ime ka ọ gụwa anyị agụụ ime ihe nakwa inye anyị ike anyị ga-eji eme ya.​—Fil. 2:13

• Ime ka obi ruo anyị ala mgbe ihe na-echegbu anyị.​—Fil. 4:​6, 7

• Isi n’aka ndị ọzọ nyere anyị aka, gbaa anyị ume ma kasie anyị obi.​—1 Jọn 3:​17, 18

• Inyere ndị anyị na-etinye n’ekpere aka.​—Ọrụ 12:​5, 11

LEENỤ VIDIO BỤ́ JEHOVA BỤ “ONYE NA-ANỤ EKPERE,” ZAAKWANỤ AJỤJỤ NDỊ A:

• Olee otú akụkọ Nwanna Shimizu nwere ike isi gbaa anyị ume ma ọ bụrụ na ọrịa anaghịzi ekwecha anyị mee ihe ndị anyị chọrọ ime?

• Olee otú anyị ga-esi eṅomi Nwanna Shimizu?