Ihe ndị anyị kpebiri ime n’ozi Jehova bụ ihe ọ bụla anyị chọrọ ịgba mbọ mee ka anyị nwee ike ịna-efekwu ya nke ọma ma na-eme ya obi ụtọ. Ihe ndị ahụ na-enyere anyị aka ịna-emekwu nke ọma n’ọgbakọ. Mbọ ọ bụla anyị gbara iji mee ha na oge ọ bụla anyị wepụtara iji mee ha efughị ọhịa. (1 Tim. 4:15) Gịnị mere anyị kwesịrị iji na-eme, anyị gụrụ gụrụ, anyị elee ma ànyị na-emezukwa ihe ndị anyị kpebiri ime? Ọ bụ n’ihi na ihe na-agbanwe agbanwe. O nwere ike ịbụ na ị gaghịzi emeli ihe i kpebiri ime n’ihi otu ihe ma ọ bụ ọzọ. O nwekwara ike ịbụ na i mezuola ya, nwezie ohere ikpebi ihe ọzọ ị ga-eme.

Oge magburu onwe ya mmadụ ga-eji leba anya n’ihe ndị o kpebiri ime bụ tupu afọ ije ozi ọhụrụ amalite. Lee ma ùnu ga-ekwurịta ya n’oge ofufe ezinụlọ unu, kpebiekwanụ ihe ụfọdụ onye nke ọ bụla ga-eme na ihe ndị ezinụlọ unu ga-emekọ ọnụ.

Olee ihe ndị i kpebiri ime gbasara ihe ndị a e depụtara n’okpuru ebe a, oleekwa otú i bu n’obi isi mee ha?