N’akwụkwọ ozi Pọl degaara Taịtọs, o kwuru na ndị na-eto eto, ma Taịtọs n’onwe ya, kwesịrị ịgbalị “bụrụ ihe nlereanya n’ezi ọrụ” n’ihe niile ha na-eme. (Taị. 2:​6, 7) O mechara kwuo na e mere ka ndị Jehova dị ọcha ka ha nwee ike “na-anụ ọkụ n’obi ịrụ ezi ọrụ.” (Taị. 2:14) Otu n’ime ezi ọrụ ndị ahụ bụ ikwusa ozi ọma na ịkụziri ndị mmadụ banyere Alaeze Chineke. Ọ bụrụ na ị bụ onye na-eto eto, ì nwere ike iji ike okorobịa gị ma ọ bụ ike agbọghọbịa gị rụọ ọrụ ọsụ ụzọ inyeaka ma ọ bụ ọsụ ụzọ oge niile?​—Ilu 20:29.

Ọ bụrụ na ị ga-achọ ịbụ onye ọsụ ụzọ, hazigharịa ihe ndị ị na-eme ka i nwee ike imeli ya. (Luk 14:​28-30) Dị ka ihe atụ, olee otú ị ga-esi na-akpa afọ gị ma i bido ozi oge niile? Olee otú ị ga-esi na-arụzu awa gị? Rịọ Jehova n’ekpere ka o nyere gị aka. (Ọma 37:5) Kọọrọ nne gị na nna gị ma ọ bụ ndị ọzọ na-eme nke ọma n’ọrụ ọsụ ụzọ banyere atụmatụ ị na-eme. Gbalịzie mee ihe ndị ga-enyere gị aka ịbụ ọsụ ụzọ. Jehova agaghị ahapụ ịgọzi mbọ niile ị na-agba n’ozi ya.

LEENỤ VIDIO BỤ́ NDỊ NA-ETO ETO NA-ASỌPỤRỤ JEHOVA, ZAAKWANỤ AJỤJỤ NDỊ A:

• Olee nsogbu ụmụnna ụfọdụ meriri iji nwee ike ịbụ ndị ọsụ ụzọ, oleekwa otú ha si mee ya?

• Olee otú ndị nne na nna nwere ike isi nyere ụmụ ha aka ịbụ ndị ọsụ ụzọ oge niile?

• Gịnị mere mmadụ inwe oge ndị ọ haziri o ji aga ozi ọma ji dị mkpa?

• Olee otú ndị ọzọ nọ n’ọgbakọ ga-esi na-agba ndị ọsụ ụzọ ume ma na-enyere ha aka?

• Olee ngọzi ndị ọsụ ụzọ na-enweta?