AKỤ̀ NDỊ SI N’OKWU CHINEKE | ILU 1-6
“Jiri Obi Gị Dum Tụkwasị Jehova Obi”
Jehova ruru eru ka anyị tụkwasị ya obi anyị niile. Ihe aha ya pụtara mere ka obi sie anyị ike na ọ ga-emezuli nkwa niile o kwere anyị. Ekpere ga-enyere anyị aka ịtụkwasị ya obi. Ilu isi 3 na-eme ka obi sie anyị ike na Jehova ga-eme ‘ka ụzọ anyị kwụrụ ọtọ’ ma ọ bụrụ na anyị atụkwasị ya obi.
Onye maara ihe n’anya onwe ya . . .
-
na-ekpebi ihe ọ ga-eme n’ebughi ụzọ mata ihe Jehova chọrọ
-
na-atụkwasị echiche nke ya ma ọ bụ echiche ụwa a obi
Onye tụkwasịrị Jehova obi . . .
-
na-amụ Baịbụl, na-atụgharị uche na ya, na-ekpekwa ekpere iji mee ka ya na Jehova dịrịkwuo ná mma
-
na-eleba anya na Baịbụl ka o nyere ya aka ime ezigbo mkpebi
|
NKE MBỤ: M na-ekpebi ime ihe obi m gwara m na ọ bụ ya kacha mma |
NKE ABỤỌ: M na-arịọzi Jehova ka ọ gọzie ihe ahụ m kpebiri |
|
NKE MBỤ: M na-ekpe ekpere, mụọkwa ihe ka m mata ihe Jehova chọrọ ka m mee |
NKE ABỤỌ: M na-ekpebizi ime ihe kwekọrọ n’ihe Baịbụl kwuru |
