N’ọnwa Nọvemba, anyị ga-agba mbọ pụrụ iche zie ndị mmadụ ozi ọma bụ́ na ụwa ọhụrụ dị nso. (Ọma 37:​10, 11; Mkpu. 21:​3-5) Hazigharịa ihe ndị ị chọrọ ime n’ọnwa ahụ ka i nwee ike iji oge buru ibu soro mee mkpọsa a. Ọ bụrụ na ị chọrọ ịrụ ọrụ ọsụ ụzọ inyeaka n’ọnwa ahụ, i nwere ike ịhọrọ inye awa iri atọ ma ọ bụ iri ise.

Dịrị njikere ịgụrụ onye ọ bụla otu amaokwu Baịbụl kwuru banyere ụwa ọhụrụ ma o kwe mee. Ị họrọwa amaokwu Baịbụl ị ga-agụ, chee banyere ihe ga-amasị ndị bi n’ókèala unu. Ọ bụrụ na onye i ziri ozi ọma nwere mmasị, nye ya Ụlọ Nche ọhaneze nke 2 nke afọ 2021. Gaghachi na nke ya ngwa ngwa o kwere mee, gbalịakwa jiri broshọ Na-enwe Obi Ụtọ Ruo Mgbe Ebighị Ebi malitere ya ọmụmụ Baịbụl. Obi dị anyị ezigbo ụtọ na anyị ji oge anyị niile na-ekwusa ozi ọma nke “ihe ka mma.”​—Aịza. 52:7.

LEENỤ VIDIO EGWÚ BỤ́ ALAEZE CHINEKE NA-ABỊA, ZAAKWANỤ AJỤJỤ NDỊ A:

• Olee ọdịnihu magburu onwe ya nwata nwaanyị ahụ na-atụgharị n’uche?

• Olee ihe ụfọdụ ị na-atụ anya ha ga-eme n’ụwa ọhụrụ?

• Olee otú ịtụgharị uche n’olileanya i nwere ga-esi nyere gị aka iji oge buru ibu soro mee mkpọsa a a ga-eme n’ọnwa Nọvemba?​—Luk 6:45