Ọktoba 7-13
ABỤ ỌMA 92-95
Abụ nke 84 na Ekpere | Okwu Mmeghe (1 nkeji)
1. Ife Jehova Bụ Ihe Kacha Mma Mmadụ Nwere Ike Iji Ndụ Ya Eme
(Nkeji 10)
Jehova ruru eru ka anyị na-efe ya ofufe (Ọma 92:1, 4; w18.04 26 ¶5)
Ọ na-enyere ndị na-efe ya aka ime mkpebi ndị dị mma ma na-enwe obi ụtọ (Ọma 92:5; w18.11 20 ¶8)
O ji ha kpọrọ ihe, ma mgbe ha merela agadi (Ọma 92:12-15; w20.01 19 ¶18)
JỤỌ ONWE GỊ, SỊ: ‘Gịnị na-egbochi m inyefe Jehova onwe m na ime baptizim?’
2. Ihe Anyị Mụtara n’Okwu Chineke
(Nkeji 10)
-
Ọma 92:5—Olee otú okwu ndị a si gosi na Jehova ma ihe? (cl 176 ¶18)
-
Gịnị ka ị mụtara n’ọgụgụ Baịbụl nke izu a ị ga-achọ ịkọ?
3. Ọgụgụ Baịbụl
(Nkeji 4) Ọma 94:1-23 (th ihe ọmụmụ nke 5)
4. Ịmalite Mkparịta Ụka
(Nkeji 4) ỊGBA ÀMÀ N’OGE A NA-ANỌGHỊ N’OZI. Ka gị na onye ahụ na-ekwurịta okwu, chọta otú ị ga-esi kọọrọ ya banyere ọrụ ịkụzi Baịbụl ị na-arụ. (lmd isi nke 5 nọmba nke 3)
5. N’Oge Ọzọ
(Nkeji 3) ỊGBA ÀMÀ N’OGE A NA-ANỌGHỊ N’OZI. Gwa onye nwere mmasị na-ekwebughị ka a mụwara ya Baịbụl ka gị na ya mụwa Baịbụl. (lmd isi nke 8 nọmba nke 4)
6. Ime Ka Ha Bụrụ Ndị Na-eso Ụzọ Jizọs
(Nkeji 5) Gị na onye ị na-amụrụ Baịbụl nke na-anaghị eme nke ọma kparịta ụka. (lmd isi nke 12 nọmba nke 5)
Abụ nke 5
7. Ihe Ndị Na-eto Eto Ga-eme Ma Ọ Bụrụ na Ha Na-echegbu Onwe Ha Gafee Ókè
(Nkeji 15) Okwu ndị na-ege ntị ga-etinyetụ ọnụ.
Ndị na-efe Jehova na-echegbukwa onwe ha otú ndị ọzọ si echegbu onwe ha. Dị ka ihe atụ, e nwere oge dị iche iche Devid chegburu onwe ya. Otú ahụ ka ọ dịkwa ọtụtụ ụmụnna anyị n’oge a. (Ọma 13:2; 139:23) Ọ dị mwute na ndị na-eto eto na-echegbukwa onwe ha. Mgbe ụfọdụ, nchegbu nwere ike ime ka o siere ndị na-eto eto ike ime ihe ndị ha na-eme mgbe niile, dị ka ịga ụlọ akwụkwọ na ịga ọmụmụ ihe. O nwedịrị ike ime ka ezigbo ụjọ na-atụ ha ma ọ bụ ka ha chewe echiche igbu onwe ha.
Ndị na-eto eto, ọ bụrụ na e nwee mgbe unu chegbuwere onwe unu gafee ókè, gaanụ kọọrọ ya ndị mụrụ unu ma ọ bụ onye torola eto ma nke a na-akọ. Kpeekwanụ ekpere rịọ Jehova ka o nyere unu aka. (Fil. 4:6) Ọ ga-enyere unu aka. (Ọma 94:17-19; Aịza. 41:10) Ka anyị lebagodị anya n’ihe mere Steing.
Kpọnye VIDIO bụ́ Jehova Lekọtara M. Jụzie ụmụnna ajụjụ ndị a:
• Olee amaokwu Baịbụl nyeere Steing aka, oleekwa ihe mere amaokwu a ji nyere ya aka?
• Olee otú Jehova si lekọta ya?
Ndị nne na nna, unu nwere ike inyere ụmụ unu aka ka nchegbu ghara iri ha ka mmiri. Otú unu ga-esi eme ya bụ ịna-eji ndidi ege ha ntị, ịna-agwa ha na unu hụrụ ha n’anya, nakwa inyere ha aka ka obi sie ha ike na Jehova hụrụ ha n’anya. (Taị. 2:4; Jems 1:19) Tụkwasịnụ Jehova obi. Ka obi siekwa unu ike na ọ ga-eme ka unu nweta nkasi obi na ume unu ga-eji na-enyere ụmụ unu aka.
E nwere ike anyị agaghị amata mgbe onye nọ n’ọgbakọ na-echegbu onwe ya gafee ókè. E nwekwara ike anyị agaghị aghọta otú obi dị onye ahụ. Ma, anyị nwere ike inyere ya aka ma ọ bụrụ na anyị na-eme ka ahụ́ ruo mmadụ niile nọ n’ọgbakọ ala, na-emekwa ka ha mara na anyị hụrụ ha n’anya.—Ilu 12:25; Hib. 10:24.
8. Ọmụmụ Baịbụl Ọgbakọ
(Nkeji 30) rr isi nke 15 ¶15-17, igbe 15A