Ọ Bụ Ikuku Butere Ya

Otu nwa amadị nọ na-aga n’okporo ámá Mumbai, India, mgbe ikuku busara otu mpempe akwụkwọ n’ụkwụ ya. Ọ bụ Akụkọ Alaeze nke 36, nke isiokwu ya bụ “Narị Afọ Iri Ọhụrụ—Gịnị Na-echere Gị n’Ọdịnihu?” Isiokwu ahụ dọọrọ mmasị ya. N’egbughị oge ọ bụla, ọ tụtụlitere mpempe akwụkwọ ahụ a pịara apịa ma gụchapụ ya. A kpaliri mmasị ya, n’ịbụkwa onye chọrọ inwetakwu ihe ọmụma, ọ rịọrọ ka e zitere ya Bible na mbipụta ndị ọzọ.

Mpempe akwụkwọ ahụ a pịara apịa, bụ́ nke Ndịàmà Jehova bipụtara, bu ihe ọmụma ndị na-ewusi okwukwe ike. Ọ na-akọwa n’ụzọ doro anya na ọ bụ “anyaukwu, enweghị ntụkwasị obi, na ịchọ ọdịmma onwe onye nanị—àgwà ndị a na-apụghị ikpochapụ nanị site ná nnyocha sayensị, nkà na ụzụ, ma ọ bụ ndọrọ ndọrọ ọchịchị,” na-akpata nsogbu ndị anyị na-enwe taa, bụ́ ndị gụnyere ọrịa, ịda ogbenye, na agha. Traktị ahụ na-egosikwa na n’ọdịnihu dị nso, Chineke ga-ekpochapụ mmebi iwu nile n’ụwa a.

Ọ̀ ga-amasị gị ịmụtakwu banyere nkwa ndị Bible na-ekwe maka ọdịnihu? Ndịàmà Jehova na-akụzi Bible n’ebe obibi ọtụtụ nde ndị mmadụ, na-eji akwụkwọ ndị dabeere na Bible eme ihe, gụnyere broshuọ bụ́ Gịnị Ka Chineke Na-achọ n’Aka Anyị? Broshuọ a na-aza ajụjụ ndị dị ka: Ònye bụ Chineke? Gịnị bụ nzube Chineke maka ụwa? Gịnị bụ Alaeze Chineke? Olee otú Bible pụrụ isi mee ka ndụ ezinụlọ gị ka mma?

Ọ bụrụ na ọ ga-amasị gị ka Ndịàmà Jehova kpọtụrụ gị n’ebe obibi gị iji nyere gị aka ịghọta ihe Chineke ga-eme n’ọdịnihu dị nso, obi ga-adị ha ụtọ ime otú ahụ, ha ga-enyekwa gị ihe ọmụma ndị ọzọ banyere Alaeze Chineke. Biko dejupụta akụkụ a pụrụ ịdọkapụta adọkapụta dị na peeji a ma zite ya n’adres e dere na ya ma ọ bụ n’adres nke kwesịrị ekwesị e depụtara na peeji nke 5 na magazin a.

□ Biko kpọtụrụnụ m iji duziere m ọmụmụ Bible ebe obibi n’efu.