Akwụkwọ Ozi Sitere n’Aka Onye Mmadụ Hụrụ n’Anya

Otu onye si New York nke na-agụ akwụkwọ anyị ji akwụkwọ bụ́ Bịaruo Jehova Nso tụnyere akwụkwọ ozi nke sitere n’aka onye mmadụ hụrụ n’anya, na-akọwa, sị: “Isiakwụkwọ nke ọ bụla na-akpali akpali nke ukwuu ma na-eme ka mmadụ nwee ịhụnanya dị ukwuu n’ebe Jehova nọ.” Ọ gbakwụnyere, sị: “Ugbu a m gụchaworo akwụkwọ ahụ, agaghị m egbu oge ọ bụla ịmaliteghachi ịgụ ya ọzọ, dị nnọọ ka ị ga-esi gụghachi akwụkwọ ozi sitere n’aka onye ị hụrụ n’anya nke ukwuu.” Tụlee ihe ndị ọzọ kwuru.

Otu onye si Kansas nke na-agụ akwụkwọ anyị kwuru, sị: “Apụrụ m ịhụ onwe m ka m na-abịarukwu Nna m nke eluigwe nso karị. Obi m jupụtara nnọọ n’ịhụnanya . . . Ọ na-agụsi m agụụ ike ịgụkwu ya n’ụtụtụ ọ bụla, m na-agụghachikwa ya ọtụtụ ugboro.”

Otu nwanyị si Maine dere, sị: “O mewo ka m ghọtakwuo nke ukwuu na Jehova bụ onye dị adị n’ezie! Lee ihe nkasi obi okwu ahụ dị na peeji nke 74 bụ: ‘Nye ndị nwụrụ anwụ, ọ dịghị ebe dị nchebe ịnọ karịa ịnọ n’ikike ncheta nke Chineke.’” Otu onye edemede n’Alaska kwetakwara, na-asị: “O metụrụ m n’obi nke ukwuu nke na m malitere ibe ákwá.” O kwukwasịrị: “N’ezie, aga m na-agụ ma na-ezo aka na ya ugboro ugboro.”

Anyị kwenyere na ị ga-enwekwa ụdị mmetụta ahụ ma ị gụọ akwụkwọ a. Mgbe isiakwụkwọ atọ ndị mbụ dị na ya gasịrị, e kewara akwụkwọ a ná nkebi anọ ndị a kpọrọ “O Nwere Ume n’Ike,” “Onye ‘Na-ahụ Ikpe Ziri Ezi n’Anya,’” “O Nwere Obi nke Maara Ihe,” na “Chineke Bụ Ịhụnanya.” O ji isiokwu bụ́ “Bịaruonụ Chineke Nso, Ọ Ga-abịarukwa Unu Nso” mechie.

Ọ bụrụ na ọ ga-amasị gị inweta otu akwụkwọ a dị peeji 320 nke nwere mkpo na-esighị ike, biko kpọtụrụ Ndịàmà Jehova nọ n’ógbè gị. Ọ bụrụ na ị ga-enwe mmasị ka mmadụ kpọtụrụ gị, biko dejupụta akụkụ a pụrụ ịdọkapụta adọkapụta dị na peeji a ma zite ya n’adres e dere na ya ma ọ bụ n’adres nke kwesịrị ekwesị e depụtara na peeji nke 5 na magazin a.

□ Biko kpọtụrụnụ m iji duziere m ọmụmụ Bible ebe obibi n’efu.