‘Ọ Dị Nkenke Ma Nwee Ọtụtụ Ihe Mmụta’

Otú ahụ ka otu nwanyị si kọwaa broshuọ bụ́ Gịnị Ka Chineke Na-achọ n’Aka Anyị? Ọ gakwara n’ihu ịkọwa ihe mere o ji kwuo otú ahụ. “Site n’iji broshuọ a mee ihe,” ka o kwuru, “otu agadi nwanyị, bụ́ Gloria, enweghachiwo ọchịchọ ịgụ Bible. O siwo n’enweghị ike ịnọdụ ala gụọ akwụkwọ ma ghọta ihe ọ gụrụ gaa n’ịbụ onye nwere ike ịnọdụ ala gụọ akwụkwọ ruo awa abụọ. Ọ na-akwadebe ihe ọmụmụ ya nile nke ọma tupu oge eruo ma na-atụle akụkụ Akwụkwọ Nsọ nile dị na ya.”

Gịnị Ka Chineke Na-achọ n’Aka Anyị? bụ broshuọ dị peeji 32, nke hà ka magazin a. Ọ na-eme ka ihe bụ́ nzube Chineke maka ihe a kpọrọ mmadụ pụta ìhè ma na-ekwu ihe ọ dị mkpa ka anyị mee iji nweta ihu ọma ya. Ihe ọmụmụ ndị na-adọrọ mmasị bụ́ ndị dị n’ime ya na-agụnye “Ònye Bụ Chineke?,” “Ònye Bụ Jisọs Kraịst?,” “Gịnị Bụ Nzube Chineke Maka Ụwa?,” na “Gịnị Bụ Alaeze Chineke?”

Ọ bụrụ na ọ ga-amasị gị inweta otu broshuọ a, biko kpọtụrụ Ndịàmà Jehova nọ n’ógbè gị. Ọ bụrụ na ị ga-enwe mmasị ka mmadụ kpọtụrụ gị, biko dejupụta akụkụ a pụrụ ịdọkapụta adọkapụta dị na peeji a ma zite ya n’adres e dere na ya ma ọ bụ n’adres nke kwesịrị ekwesị e depụtara na peeji nke 5 na magazin a.

□ Biko kpọtụrụnụ m iji duziere m ọmụmụ Bible ebe obibi n’efu.