Ókè Hà Aṅaa Ka Nwa Gị Pụrụ Ịmụtaru Ihe?

Ndị meworo okenye adịghị amatakarị ikike nwatakịrị nwere ịmụta ihe. Otú ọ dị, ụmụntakịrị na-amụtakarị asụsụ ọhụrụ ngwa ngwa karịa ndị mụrụ ha. Ka ha na-erule afọ anọ, ụfọdụ ha na-asụ asụsụ abụọ ma ọ bụ karịa. N’afọ gara aga, Rhonda, bụ́ otu nwanyị si Auburn, Washington, U.S.A., bụ́ onye nwere obi abụọ banyere ikike nwatakịrị nwere ịmụta ihe, dere, sị: “Unu emeela maka ohere unu nyere m ikwupụta n’ezie na adara m ya.”

Rhonda kọwara na ya gụrụ otu ahụmahụ dị ná mbipụta nke August 1, 1988 nke Ụlọ Nche, bụ́ magazin a na-ebipụtakọ ya na magazin a, wee kwuo, sị: “Na peeji nke 13, e nwere ihe nne otu nwatakịrị nwoke dị afọ anọ na ọkara kwuru, bụ́ onye kwuru na mgbe ya na-agụrụ nwa ya Akwukwọm nke Akukọ Bible ma kwụsịtụ, na nwa ya nwoke kọọrọ akụkọ ahụ gaa n’ihu otú ahụ e si dee ya. O kwukwara na nwa ahụ ebuwo akụkọ 33 ndị mbụ dị n’akwụkwọ ahụ n’isi, gụnyere aha nke ebe na ndị dị iche iche bụ́ ndị siri ike mkpọpụta. Aghaghị m ikweta na ekwuru m n’ime obi m mgbe ahụ na nke ahụ apụghị ikwe omume. N’ezie, adara m ya. Ugbu a, abụ m nne nke nwatakịrị nwanyị dị afọ anọ, bụ́ onye buworo ọtụtụ akụkọ dị n’akwụkwọ Akukọ Bible ahụ n’isi.”

Gịnị ka i meworo iji gbaa nwa gị ume ịmụta ihe? Ọ bụrụ na ọ ga-amasị gị inweta otu akwụkwọ a dị peeji 256, bụ́ nke nwere akụkọ 116 ndị na-akọ banyere ndị mmadụ na ihe ndị mere na Bible, biko kpọtụrụ Ndịàmà Jehova nọ n’ógbè gị. Ọ bụrụ na ị ga-enwe mmasị ka mmadụ kpọtụrụ gị, biko dejupụta akụkụ a pụrụ ịdọkapụta adọkapụta dị na peeji a ma zite ya n’adres e dere na ya ma ọ bụ n’adres nke kwesịrị ekwesị e depụtara na peeji nke 5 na magazin a.

□ Biko kpọtụrụnụ m iji duziere m ọmụmụ Bible ebe obibi n’efu.