Otú Ndị Dị Afọ Iri na Ụma Nwere Ike Isi Merie Ịda Mbà n’Obi
Otú Ndị Dị Afọ Iri na Ụma Nwere Ike Isi Merie Ịda Mbà n’Obi
A GWARA ụmụ akwụkwọ na-amụ asụsụ Bekee na Mexico ka ha jiri isiokwu ọ bụla sọrọ ha kwadebe okwu ha ga-ekwu. Maritza kọwara, sị: “Ọ dị mgbe m dara mbà n’obi, ma usoro isiokwu bụ́ ‘Enyemaka Maka Ndị Nọ n’Afọ Iri na Ụma Dara Mbà n’Obi,’ bụ́ nke gbara na Teta! nke September 8, 2001, nyeere m aka. N’ihi ya, eji m ihe dị na magazin ahụ kwuo okwu, e nyekwara m akara kasị elu maka ya. Ka e mesịrị, enyere m ụmụ akwụkwọ na ndị nkụzi usoro isiokwu ahụ otu otu.”
Mgbe afọ abụọ gasịrị, ka Maritza nọ na-ekwusa ozi ọma, ọ gara n’ụlọ otu nwa akwụkwọ a sịkwara dee ihe ahụ a gwara ya dee. Ọ tụrụ Maritza n’anya mgbe nwa akwụkwọ ahụ gosiri ya usoro isiokwu Teta! ahụ kwuru banyere ịda mbà n’obi nke ndị dị afọ iri na ụma. O yiri ka ọ̀ masịrị onye nkụzi ahụ nke ukwuu nke na o nyere nwa akwụkwọ ya nke ọ bụla otu!
I nwere ike ịmụtakwu ihe banyere ịda mbà n’obi nke ndị dị afọ iri na ụma n’akwụkwọ bụ́ Ajụjụ Ndị Na-eto Eto Na-ajụ—Azịza Ndị Na-adị Irè. Ụfọdụ n’ime isiokwu ndị dị na ya bụ “N’ihi Gịnị Ka Onwe M Na-ejighị Amasị M?,” “N’ihi Gịnị Ka M Ji Enwe Oké Ịda Mbà n’Obi?” na “Olee Otú M Pụrụ Isi Mee Ka Owu Na-ama M Laa?” Ọ bụrụ na ọ ga-amasị gị inweta akwụkwọ a, biko kpọtụrụ Ndịàmà Jehova nọ n’ógbè gị. Ọ bụrụ na ị ga-enwe mmasị ka mmadụ kpọtụrụ gị, biko dejupụta akụkụ a pụrụ ịdọkapụta adọkapụta dị na peeji a ma zite ya n’adres e dere na ya ma ọ bụ n’adres nke kwesịrị ekwesị e depụtara na peeji nke 5 nke magazin a.
□ Biko kpọtụrụnụ m iji duziere m ọmụmụ Baịbụl ebe obibi n’efu.