Jizọs Nyere Ndụ Ya Maka Ọtụtụ Mmadụ

Jizọs Kraịst gwara ndị na-eso ụzọ ya na ya bịara n’ụwa, “ọ bụghị ka e jeere ya ozi, kama ka o jee ozi, ka o nyekwa mkpụrụ obi ya ka ọ bụrụ ihe mgbapụta n’ọnọdụ ọtụtụ mmadụ.” (Matiu 20:28) O ji obi ya dum chụọ ndụ ya n’àjà ka ọ baara ndị ọzọ uru.

Olee otú ọnwụ Jizọs si bụrụ ihe e ji gbapụta ụmụ mmadụ? Gịnị mere o ji dị mkpa na ọ ga-anwụ? Olee ndị Jizọs nwụrụ maka ha? Oleekwa uru ọnwụ ya baara gị?

Ndịàmà Jehova ji obi ụtọ na-akpọ gị ka ị bịa soro ha chọpụta otú Baịbụl si zaa ajụjụ ndị a. N’afọ a, a ga-echeta ọnwụ Jizọs na Tuzdee, Mach 30, mgbe anyanwụ dachara. N’ụbọchị ahụ, a ga-eji Akwụkwọ Nsọ zaa ajụjụ ndị ahụ a jụrụ.

I nwere ike ịga nke a ga-eme n’Ụlọ Nzukọ Alaeze kacha dịrị gị nso. Biko jụta Ndịàmà Jehova bi n’ógbè gị oge ọ ga-abụ na ebe ọ ga-abụ.