È KERE YA EKE?
Ọnyà Ududo
UDUDO a e sere ebe a na-anọ n’ụlọ. Ọ na-akpa ọnyà n’ahụ́ ájá, si n’elu ruo n’ala. Ebe elu ya na-esi ezigbo ike. Ebe ala ya anaghị esi ike. Ihe ebe elu ahụ jidere anaghị enwe ike ịgbapụ. Ma, ebe ala ya jide ihe, ọnyà ahụ na-adọbi segoo ihe ahụ elu. Olee otú ududo si akpa ọnyà ya, ebe elu sie ike ebe ala agaghị esi ike?
Ọnyà ududo: ebe siri ezigbo ike
Ihe Ị Ga-echebara Echiche: Ududo chọọ ịkpado ọnyà ya n’ahụ́ ájá ma ọ bụ n’uko ụlọ, o nwere ihe na-anya anya ọ na-eji akpa ya. Ihe ahụ ga-eme ka o sie ezigbo ike ka ọ ga-abụ ihe ọ bụla na-efe efe gafee ebe ahụ, ya ejide ya. Ndị ọkachamara nọ n’otu mahadum dị n’Amerịka chọpụtara na ihe ududo ji akpa ebe ahụ na-adị n’ala dị iche na ihe o ji akpa ebe nke elu. Ọ na-akpa ebe nke ala otú ọ ga-adịrị ya mfe ịdọbi ka o nwee ike isere ihe ọnyà ahụ jidere gbagoo elu.
Ọnyà ududo: ebe na-esighị ike
E kwuru na ndị ọkachamara ahụ amalitela ilere ihe ahụ ududo ji akpa ọnyà ya anya na-arụ ihe na-anya anya nke ga-esi ezigbo ike ka ọnyà ududo. Ndị ọkà mmụta sayensị nwekwara nchekwube na ihe ahụ ga-enyere ha aka ịrụta bandeeji ga-esi ezigbo ike nakwa ihe ha ga-eji na-agba ọkpụkpụ.
Gịnị ka i chere? Ì chere na ududo nọkatara jiri aka ya na-akpa ọnyà ya otú ọ ga-esi ike n’elu ma ghara isi ike n’ala? Ka ì chere na e nwere onye kere ya?
Isiokwu A Nwekwara Ike Ịmasị Gị
TETA!
Mkpokoro Eju Mmiri na Ihe Ndị Ọzọ Yiri Eju Bi ná Mmiri
Otú mkpokoro eju ndị a dị na-enye aka egbochi ahụ́ ha nke ọma ka ihe ọ bụla ghara imetụta ihe dị n’ime ya.
TETA!
Ihe Mere Mkpụrụ Osisi Pollia Berry Ji Acha Anụnụ Anụnụ
Ihe mere mkpụrụ osisi a ji na-acha anụnụ anụnụ esighị n’ime ya, ma, anụnụ anụnụ nke ya pụrụ iche. Gịnịzi mere o ji maa mma dị egwu otú ahụ?
TETA!
Aji Dị Anụ Sea Otter n’Ahụ́
Ụfọdụ anụmanụ bi ná mmiri na-enwekarị abụba dị n’okpuru akpụkpọ ahụ́ ha na-eme ka ahụ́ ha na-ekpere ọkụ. Ma otu anụmanụ aha ya bụ sea otter nwere ihe ọzọ na-enyere ya aka ime ka ahụ́ ya na-ekpere ọkụ.
TETA!
Otú Aṅụ Si Efedata
Gịnị mere o ji dị mma ilere anya na otú aṅụ si efedata rụọ robọt ndị ga na-efegharị n’enweghị nsogbu ọ bụla?
TETA!
Ihe Nwa Ahụhụ A Na-akpọ Silver Ant Na-eji Egbochi Okpomọkụ
Nwa ahụhụ a so n’ihe ndị e kere eke kacha anagide okpomọkụ. Olee ihe na-enyere ya aka ịnagide oké okpomọkụ?
TETA!
Eriri Ndị Na-esi n’Ahụ́ Akịrịkọ Apụta
Akịrịkọ na-eji eriri ndị na-esi ya n’ahụ́ apụta anyapagide onwe ya n’ihe. Ịmata otú eriri ahụ si anyapagide n’ihe ga-enyere ndị mmadụ aka ịmata otú a ga-esi nyapagide ihe n’ụlọ, ma ọ bụ rụpụta ihe e ji anyapagide akwara n’ọkpụkpụ.
