Jiri Ofufe Chineke Kpọrọkwuo Ihe
“Nọgidenụ na-eje ije site na mmụọ nsọ.”—GAL. 5:16.
1, 2. Olee ihe otu nwanna ghọtara banyere onwe ya? Olee ihe o mere maka ya?
E MERE Robert baptizim mgbe ọ na-eto eto, ma o jichaghị ọgbakọ kpọrọ ihe. O kwuru, sị: “E nwetụghị ihe ọjọọ a ga-asị na m mere. Onye lee m anya, ya echee na m ji ọgbakọ kpọrọ ihe n’ihi na m na-agachi ọmụmụ ihe anya, na-asụ ụzọ inyeaka ọnwa ole na ole n’afọ. Ma, ọ na-adị m ka è nwere ihe na-efu ná ndụ m.”
2 Ma, Robert aghọtaghị ihe ọ bụ ruo mgbe ọ lụrụ nwaanyị. Mgbe ha na-ezuru ike, ya na nwunye ya na-ajụ ibe ha ajụjụ Baịbụl zara. Nwunye ya ma Baịbụl nke ọma, ma na-aza ajụjụ ọ bụla di ya jụrụ ya. Ma ọtụtụ mgbe, Robert azataghị ajụjụ ndị nwunye ya na-ajụ ya, ya emee ka ihere na-eme ya. Robert kwuru, sị: “Ọ dị m ka e nweghị ihe m ma. M gwara onwe m, sị, ‘Ọ bụrụ na m ga-akụziri nwunye m Okwu Chineke ka onyeisi ezinụlọ, m ga-eme ihe.’” Robert mekwaranụ ihe. Ọ sịrị: “M mụrụ Baịbụl, mụọ ya, mụọ ya, ma matawa ihe a na-akọ na Baịbụl. M mechara mara Baịbụl, nke ka nke bụ na mụ na Jehova bịara dịkwuo ná mma.”
3. (a) Olee ihe anyị ga-amụta n’ihe mere Robert? (b) Olee ihe ndị dị mkpa anyị ga-atụle ugbu a?
3 E nwere ihe ndị dị mkpa anyị nwere ike ịmụta n’ihe mere Robert. Anyị nwere ike mara Baịbụl nke ọma, na-agachi ọmụmụ ihe anya, ma ihe ndị a agaghị emecha ka anyị na Chineke dịrị n’ezigbo mma. Ma ọ bụkwanụ na anyị agbaala mbọ jiri ofufe Chineke kpọrọ ihe, ma mgbe anyị leruru onwe anyị anya, Fil. 3:16) Ka anyị nwee ike ịna-eji ofufe Chineke kpọrọ ihe, anyị ga-aza ajụjụ atọ dị mkpa n’isiokwu a: (1) Gịnị ga-enyere anyị aka ịchọpụta n’eziokwu ma ànyị ji ofufe Chineke kpọrọ ihe? (2) Olee otú anyị ga-esi mụta iji ofufe Chineke kpọrọ ihe, ma nọgide na-eme otú ahụ? (3) Olee otú anyị iji ofufe Chineke kpọrọkwuo ihe ga-esi enyere anyị aka n’ihe ndị anyị na-eme kwa ụbọchị?
anyị achọpụta na e nwere ebe ndị ọzọ anyị ga-emekwu ihe. (OTÚ ANYỊ GA-ESI AMATA MA ÀNYỊ JI OFUFE CHINEKE KPỌRỌ IHE
4. Ole ndị ihe e kwuru ná Ndị Efesọs 4:23, 24 gbasara?
4 Mgbe anyị malitere ife Chineke, anyị gbanwere ụzọ niile anyị si ebi ndụ. Ma, mgbanwe a akwụsịghị mgbe e mechara anyị baptizim. Baịbụl gwara anyị ka anyị ‘na-eme ka ike nke na-eduzi uche anyị dị ọhụrụ.’ (Efe. 4:23, 24) Ebe ọ bụ na anyị ezughị okè, anyị kwesịrị ịnọgide na-agbanwe otú anyị si ebi ndụ. Ọ bụrụgodị na anyị efeela Jehova ọtụtụ afọ, anyị kwesịkwara ime ka adịm ná mma anyị na ya na-esikwu ike.—Fil. 3:12, 13.
5. Olee ajụjụ ndị ga-enyere anyị aka ịmata ma ànyị ji ofufe Chineke kpọrọ ihe?
5 Ka anyị nwee ike jiri ofufe Chineke kpọrọkwuo ihe, anyị kwesịrị inyocha onwe anyị nke ọma. Ma ànyị bụ onye na-eto eto ma ànyị bụ dimkpa, anyị kwesịrị ịjụ onwe anyị, sị: ‘M̀ chọpụtala na m jirikwuola ofufe Chineke kpọrọ ihe? Àgwà ndị m na-akpa, hà na-egosi na m na-eṅomi Kraịst? Otú m si akpa àgwà n’ọmụmụ ihe, ọ̀ na-egosi na m ji ofufe Chineke kpọrọ ihe? Olee ihe mkparịta ụka m na-egosi banyere ihe ndị m chọrọ ná ndụ? Gịnị ka otú m si amụ ihe, eji ejiji, na otú m si anabata ndụmọdụ e nyere m na-ekwu banyere m? Olee ihe m na-eme ma ọnwụnwa bịara m? M̀ bụ Onye Kraịst tozuru okè?’ (Efe. 4:13) Ichebara ajụjụ ndị a echiche ga-enyere anyị aka ịma ma ànyị ji ofufe Chineke kpọrọ ihe.
6. Olee ihe ọzọ anyị kwesịrị ime iji chọpụta ma ànyị ji ofufe Chineke kpọrọ ihe?
6 Mgbe ụfọdụ, anyị nwere ike jụọ ndị ọzọ ka anyị nwee ike ịchọpụta ma ànyị ji ofufe Chineke kpọrọ ihe. Pọl onyeozi kwuru na onye anụ ahụ́ na-achị enweghị ike ịghọta na ihe ndị ọ na-eme adịghị Chineke mma. Ma, onye mmụọ nsọ Chineke na-achị na-aghọta otú Chineke si ele ihe anya. Ọ makwa na ihe onye anụ ahụ́ na-achị na-eme adịghị Chineke mma. (1 Kọr. 2:14-16; 3:1-3) Ebe ọ bụ na ndị okenye nwere uche nke Kraịst, ha na-achọpụtakarị ihe ndị na-egosi na mmadụ echewele echiche ka onye anụ ahụ́ na-achị. Ọ bụrụ na ha agwa anyị ya, ànyị na-ekweta ma mee ihe ndị ha gwara anyị? Anyị mee otú ahụ, anyị na-egosi na anyị chọrọ iji ofufe Chineke kpọrọkwuo ihe.—Ekli. 7:5, 9.
IHE Ị GA-EME KA I JIRI OFUFE CHINEKE KPỌRỌKWUO IHE
7. Gịnị mere ịma Baịbụl nke ọma abụghị naanị ya ga-eme ka mmadụ jiri ofufe Chineke kpọrọ ihe?
7 Cheta na ịma Baịbụl nke ọma abụghị naani ihe ga-eme ka mmadụ jiri ofufe Chineke kpọrọ ihe. Eze Sọlọmọn oge ochie ma Jehova nke ọma. E mechara dee ihe ndị o kwuru na Baịbụl. Ma, o mechara o jighịzi obi ya niile na-efe Chineke. (1 Eze 4:29, 30; 11:4-6) Ma, e wezụga ịma Baịbụl nke ọma, olee ihe ọzọ anyị kwesịrị ime? Anyị kwesịrị ịna-eme ka okwukwe anyị sie ezigbo ike. (Kọl. 2:6, 7) Ma, olee otú anyị ga-esi eme ya?
8, 9. (a) Gịnị ga-enyere anyị aka ime ka okwukwe anyị sikwuo ike? (b) Olee ihe kwesịrị ịbụ mkpa anyị mgbe anyị na-agụ Baịbụl ma na-echebara ihe ndị anyị gụrụ echiche? (Lee ihe e sere ná mmalite isiokwu a.)
8 Pọl gwara Ndị Kraịst oge ochie ka ha “jisie ike ruo ntozu okè.” (Hib. 6:1) Ka anyị nwee ike ime ihe a Pọl kwuru, olee ihe anyị ga-eme? Otu ihe dị mkpa anyị ga-eme bụ ịmụ akwụkwọ “Nọrọnụ n’Ịhụnanya Chineke.” Ịmụcha akwụkwọ a ga-enyere gị aka ịmata otú ị ga-esi na-eme ihe Baịbụl kwuru ná ndụ gị. Ọ bụrụ na ị mụchaala akwụkwọ a, ì nwere ike ịmụ akwụkwọ anyị ndị ọzọ ga-enyere gị aka ime ka okwukwe gị sikwuo ike? (Kọl. 1:23) Ị̀ na-echebara ihe ndị ị na-agụ echiche ma na-arịọ Jehova ka o nyere gị aka ịmata otú ị ga-esi eme ha eme?
9 Cheta na mgbe anyị na-agụ Baịbụl ma na-echebara ihe ndị anyị gụrụ echiche, mkpa anyị kwesịrị ịbụ ka anyị jiri obi anyị niile na-eme uche Chineke. (Ọma 40:8; 119:97) Anyị na-amụtakwa otú anyị ga-esi agbara ihe ọ bụla nwere ike ime ka okwukwe anyị ghara isi ike, ọsọ.—Taị. 2:11, 12.
10. Olee ihe ndị na-eto eto ga-eme ka okwukwe ha sikwuo ike?
10 Ọ bụrụ na ị bụ onye na-eto eto, ì nwere ihe ndị i bu n’obi ime n’ozi Chineke? Ihe otu nwanna na-eje ozi na Betel na-emekarị ma ọ gaa mgbakọ sekit bụ ịga ebe ndị a na-aga ime baptizim nọ jụọ ha ajụjụ, tupu ihe omume amalite. Ọtụtụ n’ime ha bụ ndị na-eto eto. Nwanna ahụ na-ajụ ha ihe ha bu n’obi ime n’ozi Jehova. Ihe ọtụtụ n’ime ha na-aza gosiri na e nwere ihe ha bu n’obi ime. O nwere ike bụrụ ịbanye n’ozi oge niile ma ọ bụ ije ozi n’ebe a chọkwuru ndị na-ekwusa ozi ọma Alaeze. Ma, ụfọdụ n’ime ha amaghị ihe ha ga-aza. Nke a ọ̀ pụtara na ha enweghị ihe ha bu n’obi ime n’ozi Jehova? Ọ bụrụ na ị bụ onye na-eto eto, jụọ onwe gị, sị: ‘M̀ so na-eme ihe ndị a na-eme n’ọgbakọ naanị na ndị mụrụ m chọrọ ka m na-eme otú ahụ? Mụ na Chineke, ànyị bụ ezigbo enyi, si otú ahụ na-abịaru ya nso?’ Nke bụ́ eziokwu bụ na anyị niile kwesịrị inwe ihe anyị bu n’obi ime n’ozi Jehova ma ànyị bụ ndị na-eto eto ma ànyị bụ ndị torola eto. Ime otú ahụ ga-enyere anyị niile aka ime ka okwukwe anyị sikwuo ike.—Ekli. 12:1, 13.
11. (a) Ka anyị nwee ike imekwu nke ọma n’ofufe Chineke, gịnị ka anyị kwesịrị ime? (b) Olee onye a kọrọ akụkọ ya na Baịbụl anyị nwere ike iṅomi?
11 Anyị chọpụtachaa ihe ndị anyị ga-emekwu nke ọma na ha n’ofufe Chineke, anyị kwesịrị ịmalite ime ha eme. Mmadụ iji ofufe Chineke kpọrọ ihe dị ezigbo mkpa, n’ihi na ọ bụ ihe gbasara ọnwụ na ndụ. (Rom 8:6-8) Ma, ịbụ Ndị Kraịst tozuru okè apụtaghị na anyị ga-ezu okè. Mmụọ nsọ ga-enyere anyị aka imekwu nke ọma. Ma, anyị ka kwesịkwara ịgbasi mbọ ike. Nwanna John Barr, bụ́ onye so n’Òtù Na-achị Isi, kwuru ọtụtụ afọ gara aga banyere Luk 13:24, sị: “Ụfọdụ ndị enweghị ike isi n’ọnụ ụzọ dị warara banye n’ihi na ha anaghị agbasi mbọ ike ịbụ Ndị Kraịst tozuru okè.” Anyị kwesịrị ịdị ka Jekọb, bụ́ onye na-ahapụghị mmụọ ozi ya na ya na-agba mgba ka ọ laa ruo mgbe ọ gọziri ya. (Jen. 32:26-28) Ọ bụ eziokwu na ịgụ Baịbụl na-atọ ụtọ, anyị ekwesịghị ịtụwa anya ka ọ tọọ anyị ụtọ otú ahụ akwụkwọ ọgụgụ nkịtị si atọ ma anyị gụwa ya. Anyị kwesịrị ịgbalị chọpụta eziokwu ndị magburu onwe ha ga-enyere anyị aka.
12, 13. (a) Olee ihe ga-enyere anyị aka ime ihe e kwuru ná Ndị Rom 15:5? (b) Olee otú ihe Pita onyeozi mere na ihe o kwuru ga-esi enyere anyị aka? (ch) Gịnị ka i nwere ike ime ka i jiri ofufe Chineke kpọrọkwuo ihe? (Gụọ igbe isiokwu ya bụ “ Ihe Ndị Ị Ga-eme Ka I Jiri Ofufe Chineke Kpọrọkwuo Ihe.”)
12 Ọ bụrụ na anyị agbalịa jiri ofufe Chineke kpọrọkwuo ihe, mmụọ nsọ ga-enyere anyị aka ịgbanwe otú anyị si eche echiche. Ọ ga-eme ka anyị jiri nwayọọ nwayọọ mụta iche echiche ka Kraịst. (Rom 15:5) Ọ ga-enyekwara anyị aka iwepụ ihe ọjọọ anyị na-eche, meekwa ka anyị na-akpa àgwà ndị dị Chineke mma. (Gal. 5:16, 22, 23) Ọ bụrụ na anyị achọpụta na obi anyị dịzi n’ịchụ akụnụba ma ọ bụ n’ihe ndị na-agụ anụ ahụ́ agụụ, anyị ekwesịghị ịda mbà. Na-arịọ Jehova ka o nye gị mmụọ nsọ ya nke ga-enyere gị aka ka uche gị dịrị n’ihe kwesịrị ekwesị. (Luk 11:13) Cheta Pita onyeozi. Ọ bụghị mgbe niile ka o chere echiche ka Kraịst. (Mat. 16:22, 23; Luk 22:34, 54-62; Gal. 2:11-14) Ma, ọ daghị mbà n’obi. Jehova nyeere ya aka, ya ejiri nwayọọ nwayọọ mụta iche echiche ka Kraịst. Anyị nwekwara ike ime ka ya.
13 Pita mechara kwuo àgwà ndị ga-enyere anyị aka. (Gụọ 2 Pita 1:5-8.) Ọ bụrụ na anyị ‘etinye oké mgbalị’ inwe àgwà ndị dị ka njide onwe onye, ntachi obi, na ịhụnanya ụmụnna, ọ ga-enyere anyị aka ịnọgide na-eji ofufe Chineke kpọrọ ihe. Kwa ụbọchị, jụọ onwe gị, sị, ‘Olee àgwà m ga-agbalị inwe taa nke ga-enyere m aka iji ofufe Chineke kpọrọkwuo ihe?’
IME IHE BAỊBỤL KWURU NÁ NDỤ ANYỊ KWA ỤBỌCHỊ
14. Olee otú iji ofufe Chineke kpọrọ ihe ga-esi enyere anyị aka?
14 Ọ bụrụ na anyị ana-eche echiche ka Kraịst, ọ ga-enyere anyị aka n’otú anyị si ekwu okwu, n’otú anyị si akpa àgwà n’ebe anyị na-arụ ọrụ ma ọ bụ n’ụlọ akwụkwọ, nakwa n’otú anyị si ekpebi ihe ndị anyị na-eme kwa ụbọchị. Ihe ndị ahụ anyị kpebiri ime ga-egosi na anyị na-agbalị ime ka Kraịst. Ebe anyị ji ofufe Chineke kpọrọ ihe, anyị achọghị ka ihe ọ bụla mebie adịm ná mma anyị na Jehova. Ọ bụrụ na ọnwụnwa abịara anyị, ịkpa àgwà ka Kraịst ga-enyere anyị aka ịgbara ọnwụnwa ahụ ọsọ. Tupu anyị ekpebie ihe anyị ga-eme, anyị kwesịrị ichebara ajụjụ ndị a echiche: ‘Olee ihe Baịbụl kwuru nke ga-enyere m aka? Olee ihe Kraịst ga-eme n’ụdị ihe a? Olee ihe ga-atọ Jehova ụtọ?’ Iji na-eche echiche otú a, ka anyị tụlee ụfọdụ ihe atụ. N’ihe atụ nke ọ bụla, anyị ga-eleba anya n’ihe Baịbụl kwuru nke ga-enyere anyị aka ime mkpebi dị mma.
15, 16. Nye ihe atụ otú iche echiche ka Kraịst ga-esi enyere anyị aka mgbe anyị na-ahọrọ (a) onye anyị ga-alụ. (b) ndị enyi.
15 Mmadụ ịhọrọ onye ọ ga-alụ. Baịbụl kwuru gbasara ya ná 2 Ndị Kọrịnt 6:14, 15. (Gụọ ya.) Pọl mere ka o doo anya na onye ji ofufe Chineke kpọrọ ihe dị iche n’onye anụ ahụ́ na-achị. Ha na-ele ihe anya iche iche. Olee otú ihe a Baịbụl kwuru ga-esi enyere gị aka ma ị chọwa onye ị ga-alụ?
16 Ịhọrọ ndị enyi. Baịbụl kwuru ihe ga-enyere gị aka ná 1 Ndị Kọrịnt 15:33. (Gụọ ya.) Onye ji ofufe Chineke kpọrọ ihe agaghị achọ ka ya na ndị ga-eme ka okwukwe ya nyụọ ka ọkụ na-akpa. Olee ajụjụ ndị nwere ike inyere gị aka ime ihe a Baịbụl kwuru? Dị ka ihe atụ, olee otú ihe a si gbasa ịkparịta ụka n’Ịntanet? Ma ọ bụ, gịnị ka i kwesịrị ime ma onye ị na-amaghị chọọ ka gị na ya gwuo egwuregwu n’Ịntanet?
Mkpebi ndị m na-eme, hà na-enyere m aka ime ka m jiri ofufe Chineke kpọrọ ihe? (A ga-akọwa ya na paragraf nke 17)
17-19. Olee otú iji ofufe Chineke kpọrọ ihe ga-esi enyere gị aka (a) ịgbara ọrụ ndị na-abaghị uru ọsọ? (b) ikpebi ihe ndị ị ga-eme n’ofufe Chineke? (ch) idozi esemokwu?
17 Ọrụ ndị nwere ike ime ka anyị ghara iji ofufe Chineke kpọrọ ihe. Pọl Ndị Hibru 6:1. (Gụọ ya.) Gịnị na gịnị bụ ‘ọrụ nwụrụ anwụ’ anyị kwesịrị ịgbara ọsọ? Ha bụ ọrụ ndị na-abaghị uru, bụ́ ndị ga-eme ka okwukwe anyị ghara isi ike. Ihe a Pọl kwuru ga-enyere anyị aka ịza ajụjụ ndị dị ka: ‘Ọrụ a, ò so n’ọrụ nke anụ ahụ́? M̀ kwesịrị itinye aka n’achụmnta ego a m chọrọ ịbanye na ya? Gịnị mere na ekwesịghị m iso ná ndị na-achọ ịgbanwe ihe ndị na-eme n’ụwa?’
dọrọ Ndị Kraịst ibe ya aka ná ntị náMkpebi ndị m na-eme, hà na-enyere m aka ime ka m na-ekpebi ihe ndị m ga-eme n’ofufe Chineke? (A ga-akọwa ya na paragraf nke 18)
18 Ihe ndị i kpebiri ime n’ofufe Chineke. Ihe Jizọs kwuru n’Ozizi Elu Ugwu mere ka anyị mata otú anyị nwere ike isi kpebie ihe ndị anyị chọrọ ime n’ofufe Chineke. (Mat. 6:33) Onye ji ofufe Chineke kpọrọ ihe na-ebu ụzọ achọ Alaeze Chineke. Iburu ihe ndị a n’uche ga-enyere anyị aka ịza ajụjụ ndị dị ka: ‘M̀ kwesịrị ịga mahadum ma m gachaa ụlọ akwụkwọ sekọndrị? M̀ kwesịrị ịrụ ọrụ ụfọdụ e nyere m?’
Mkpebi ndị m na-eme, hà na-enyere m aka ime ka mụ na mmadụ niile “dịrị n’udo”? (A ga-akọwa ya na paragraf nke 19)
19 Esemokwu. Olee otú ihe Pọl gwara ọgbakọ dị na Rom ga-esi enyere anyị aka ma anyị na ndị ọzọ see okwu? (Rom 12:18) Ebe anyị bụ Ndị Kraịst, anyị na-agbalị ka anyị na “mmadụ niile dịrị n’udo.” Anyị na ndị ọzọ see okwu, olee ihe anyị na-eme? Ọ̀ na-esiri anyị ike ikweta ihe onye ọzọ kwuru? Ndị mmadụ hà ma anyị ka “ndị na-eme udo”?—Jems 3:18.
20. Gịnị mere i ji chọọ ịna-eji ofufe Chineke kpọrọ ihe?
20 Ihe atụ ndị a na-egosi na ime ihe Baịbụl kwuru nwere ike nyere anyị aka ime mkpebi ndị na-egosi na mmụọ nsọ na-eduzi anyị. Ọ bụrụ na anyị ejiri ofufe Chineke kpọrọ ihe, anyị ga na-enwe obi ụtọ, ndụ anyị ga-enwekwa isi. Nwanna Robert anyị kwuburu okwu ya ná mmalite isiokwu a kwuru, sị: “Mgbe mụ na Jehova malitere ịdị ná mma, m bịara ghọọ ezigbo di na ezigbo nna. Obi bịara tọwa m ezigbo ụtọ.” Ọ bụrụ na anyị ejiri ofufe Chineke na-akpọrọ ihe, anyị ga-erite ọtụtụ uru. Ebe anyị bụ ndị ji ofufe Chineke kpọrọ ihe, anyị ga na-enwe obi ụtọ ugbu a, nwetakwa “ndụ ahụ nke bụ́ ndụ n’ezie,” n’ọdịnihu.—1 Tim. 6:19.