Ihe Ị Ga-eme Ka Ihe Dịrị Gị ná Mma n’Ọdịnihu
Ihe dị ka puku afọ atọ na narị afọ ise gara aga, Jehova Chineke gwara ndị na-efe ya ihe ha ga-eme ka ihe dịrị ha ná mma. Ọ gwara ha, sị: “Agwala m unu ihe abụọ unu ga-ahọrọ otu n’ime ha. Ha bụ ndụ na ọnwụ, ka a gọzie unu ma ọ bụ ka a bụọ unu ọnụ. Unu ga-ahọrọ ndụ ka unu wee dịrị ndụ, unu na ụmụ unu.”—Diuterọnọmi 30:19.
Ha chọọ ka ihe dịrị ha ná mma, ha ga na-eme ihe Chineke chọrọ ka ha mee. Ọ bụkwa ihe anyịnwa kwesịrị ime. Baịbụl gwara anyị ihe anyị ga-eme ka ihe dịrị anyị ná mma n’ọdịnihu. Ọ sịrị: “Otú unu ga-esi eme ya bụ na unu ga-ahụ Jehova bụ́ Chineke unu n’anya, na-ege ntị n’olu ya.”—Diuterọnọmi 30:20.
OLEE OTÚ ANYỊ GA-ESI AHỤ JEHOVA N’ANYA MA NA-EGE NTỊ N’OLU YA?
NA-AMỤ BAỊBỤL: Ka i nwee ike ịhụ Jehova n’anya, ị ga-ebu ụzọ mụọ Baịbụl ka ị mata onye ọ bụ. Ka ị na-amụ Baịbụl, ị ga-achọpụta na ọ hụrụ gị n’anya nakwa na ọ chọrọ ka ihe dịrị gị ná mma. Ọ chọrọ ka ị na-ekpegara ya ekpere ‘n’ihi na ihe banyere gị na-emetụ ya n’obi.’ (1 Pita 5:7) Baịbụl kwuru na ọ bụrụ na ị gbaa mbọ bịaruo Chineke nso, ‘ọ ga-abịarukwa gị nso.’—Jems 4:8.
NA-EME IHE NDỊ Ị MỤTARA NA BAỊBỤL: Ige Chineke ntị pụtara ịna-eme ihe ndị ị mụtara na Baịbụl. Ị na-eme otú ahụ, ‘ihe ga na-agaziri gị, ị ga na-akpakwa àgwà ka onye ma ihe.’—Joshụa 1:8.
Isiokwu A Nwekwara Ike Ịmasị Gị
AJỤJỤ NDỊ BAỊBỤL ZARA
Ihe Baịbụl Kwuru Ò Gosiri na Mmadụ Nwere Ikike Ikpebiri Onwe Ya Ihe? Ọ̀ Bụ Chineke Na-ekpebi Ihe Ị Ga-abụ?
Ọtụtụ ndị chere na ihe ndị na-eme ná ndụ ha si n’akara aka. Ihe ndị anyị họọrọ ime hà nwere ike ime ka ihe gaziere anyị ná ndụ?
ỤLỌ NCHE
Ọdịnihu Gị Dị Gị n’Aka
Ụfọdụ ndị kwetara na mmadụ agaghị ekwuli otú ọdịnihu ya ga-adị, kama na ọ dabeere n’akara aka onye ahụ. Ma, ihe a ọ̀ bụ eziokwu?
AJỤJỤ NDỊ BAỊBỤL ZARA
Olee Ihe Ndị Ga-enyere Gị Aka Ịghọta Ihe Ị Na-agụ na Baịbụl?
I nwere ike ịmụta ihe ndị magburu onwe ha ọ na-akụziri anyị.
