Ndị Na-eto Eto, Meenụ Ka Ọganihu Unu Pụta Ìhè
Ndị Na-eto Eto, Meenụ Ka Ọganihu Unu Pụta Ìhè
“Na-echebara ihe ndị a echiche; na-etinye obi gị dum na ha, ka ọganihu gị wee pụta ìhè n’ebe mmadụ niile nọ.”—1 TIM. 4:15.
1. Gịnị ka Chineke chọrọ ka ndị na-eto eto nwee?
EZE Sọlọmọn maara ihe, onye chịrị Izrel oge ochie, dere, sị: “Ṅụrịa ọṅụ, nwa okorobịa, mgbe ị bụ okorobịa, ka obi na-atọkwa gị ụtọ n’oge ị bụ okorobịa.” (Ekli. 11:9) Ọ bụ Jehova Chineke, bụ́ onye chọrọ ka ndị na-eto eto na-enwe obi ụtọ, mere ka Sọlọmọn kwuo ihe a. Ọ bụghị naanị mgbe ị na-eto eto ka Jehova chọrọ ka ị na-enwe ọṅụ, ọ chọkwara ka ị na-enwe ọṅụ ruo n’agadi. Ma, ndị na-eto eto na-emehiekarị ihe, bụ́ ihe nwere ike ime ka ha ghara inwe obi ụtọ n’ọdịnihu. Nwoke ahụ kwesịrị ntụkwasị obi bụ́ Job nwere mgbe ọ kwara arịrị maka “ihe [o] metara n’oge okorobịa.” (Job 13:26) Onye Kraịst ọ bụla na-eto eto nwere mkpebi ndị dị ezigbo mkpa ọ na-aghaghị ime ná ndụ ya. Ọ bụrụ na o mee mkpebi na-adịghị mma, o nwere ike ịna-enye ya nsogbu n’obi, kpatakwara ya nsogbu ndị ọ na-agaghị esili na ha pụta ná ndụ ya niile.—Ekli. 11:10.
2. Olee ndụmọdụ Baịbụl nyere nke ndị na-eto eto ga-aṅa ntị na ya ka ha wee ghara ime ihe ndị nwere ike ịkpatara ha nsogbu?
2 Ndị na-eto eto kwesịrị ime mkpebi ndị ziri ezi. Lee ndụmọdụ Pọl onyeozi nyere ndị 1 Kọr. 14:20) Ọ bụrụ na ndị na-eto eto anara ndụmọdụ a Pọl nyere, ya bụ, ka anyị gbalịa na-eche echiche ka dimkpa, ọ ga-eme ka ha ghara ime ihe ndị ga-akpatara ha nsogbu.
Kọrịnt. O dere, sị: “Unu abụla ụmụaka n’ike ịghọta ihe . . . Bụrụnụ dimkpa n’ike ịghọta ihe.” (3. Olee ihe i nwere ike ime ka i wee tozuo okè?
3 Ọ bụrụ na ị bụ onye na-eto eto, mara na ị ghaghị ịna-agbasi mbọ ike ka i wee tozuo okè. Pọl gwara Timoti, sị: “Ekwela ka onye ọ bụla lelịa gị anya n’ihi na ị bụ okorobịa. Kama nke ahụ, bụụrụ ndị kwesịrị ntụkwasị obi ihe nlereanya, n’ikwu okwu, n’omume, n’ịhụnanya, n’okwukwe, n’ịdị ọcha. . . . Na-etinyesi mgbalị ike n’ịgụ ihe n’ihu ọha, n’inye ndụmọdụ, n’izi ihe. . . . Na-echebara ihe ndị a echiche; na-etinye obi gị dum na ha, ka ọganihu gị wee pụta ìhè n’ebe mmadụ niile nọ.” (1 Tim. 4:12-15) Ndị Kraịst na-eto eto kwesịrị ime ka ọganihu ha pụta ìhè n’ebe ndị ọzọ nọ.
Gịnị Bụ Ọganihu?
4. Gịnị ka inwe ọganihu ime mmụọ gụnyere?
4 Inwe ọganihu pụtara ịnọgide na-eme nke ọma. Pọl gbara Timoti ume ka ọ na-etinye mgbalị ka o wee nwee ọganihu n’ikwu okwu, n’omume, n’ịhụnanya, n’okwukwe, n’ịdị ọcha, nakwa n’ikwusa ozi ọma. Ọ ga-agbalịsi ike bụrụ ezigbo ihe nlereanya. N’ezie, Timoti kwesịrị ịnọgide na-enwe ọganihu ime mmụọ.
5, 6. (a) Olee mgbe ọganihu Timoti malitere ịpụta ìhè? (b) Olee otú ndị na-eto eto n’oge a nwere ike isi ṅomie Timoti n’ime ka ọganihu ha pụta ìhè?
5 Mgbe Pọl dere ndụmọdụ ahụ n’ihe dị ka n’agbata afọ 61 na afọ 64 O.A., Timoti abụrụla okenye ọtụtụ afọ. Ọ bụghị n’oge ahụ ka ọ malitere inwe ọganihu ime mmụọ. N’afọ 49 ma ọ bụ n’afọ 50 O.A., bụ́ mgbe Timoti dị ihe dị ka afọ iri abụọ, “ụmụnna nọ na Listra na Aịkoniọm,” bụ́ ndị hụrụ otú o si na-enwe ọganihu, kọrọ “akụkọ ọma banyere ya.” (Ọrụ 16:1-5) N’oge ahụ, Pọl kpọọrọ Timoti na-eje ozi ala ọzọ. Mgbe ọnwa ole na ole gara, mgbe Pọl hụrụ na Timoti enwekwuola ọganihu, o zigara ya Tesalonaịka ka ọ gaa kasie Ndị Kraịst nọ n’obodo ahụ obi ma mee ka ha sie ike. (Gụọ 1 Ndị Tesalonaịka 3:1-3, 6.) O doro anya na ọ bụ mgbe Timoti bụ okorobịa ka ọ malitere ime ka ọganihu ya pụta ìhè n’ebe ndị ọzọ nọ.
6 Unu ndị na-eto eto nọ n’ọgbakọ, gbalịanụ ka unu nwee àgwà dị mma ugbu a, ka e wee hụ ọganihu unu n’otú unu si ebi ndụ Ndị Kraịst nakwa n’otú unu si akụzi eziokwu dị na Baịbụl. Jizọs malitere mgbe ọ dị afọ iri na abụọ “na-enwekwu amamihe.” (Luk 2:52) Ka anyị tụlee otú ị ga-esi mee ka ọganihu gị pụta ìhè n’ụzọ ebe atọ ná ndụ gị: (1) mgbe nsogbu bịaara gị, (2) mgbe ị na-achọ ịlụ di ma ọ bụ nwunye, na (3) ka ị na-agbalị ịbụ “ezi onye ozi.”—1 Tim. 4:6.
Nwee “Uche Zuru Okè” Mgbe Nsogbu Bịaara Gị
7. Olee ihe nsogbu na-abịara ndị na-eto eto nwere ike ime ha?
7 Otu nwanna nwaanyị nke dị afọ iri na asaa aha ya bụ Carol kwuru, sị: “Mgbe ụfọdụ, obi anaghị adị m mma, ike ụwa na-agwụkwa m nke na ọ na-adị m ka m ghara iteta ụra n’ụtụtụ.” * Gịnị mere ike ụwa ji na-agwụ ya? Mgbe Carol dị afọ iri, papa ya na mama ya gbara alụkwaghịm, nke a mekwara ka ya na mama ya, bụ́ onye na-anaghị eme ihe Baịbụl kwuru, biri. Dị ka Carol, o nwere ike ịbụ na i nwere nsogbu ụfọdụ ndị na-eyighị ka hà ga-akwụsị akwụsị.
8. Olee nsogbu ndị Timoti nwere?
8 Mgbe Timoti nọ na-enwe ọganihu ime mmụọ, o nwekwara nsogbu ụfọdụ. Dị ka ihe atụ, ọ “na-arịakarị” ọrịa n’ihi nsogbu afọ. (1 Tim. 5:23) Mgbe Pọl zigara ya Kọrịnt ka ọ gaa lebara nsogbu nke ụfọdụ ndị na-enupụrụ Pọl isi kpatara anya, Pọl gbara ụmụnna ndị nọ ebe ahụ ume ka ha kwanyere Timoti ùgwù ka ‘egwu ọ bụla ghara ịtụ ya’ n’etiti ha. (1 Kọr. 4:17; 16:10, 11) O nwere ike ịbụ na Timoti bụ onye ihere.
9. Gịnị bụ uche zuru okè, oleekwa otú o si dị iche na mmụọ nke ụjọ?
9 Iji nyere Timoti aka, Pọl nwere mgbe o chetaara ya, sị: “Chineke nyere anyị, ọ bụghị mmụọ nke ụjọ, kama nke ike na nke ịhụnanya na nke uche zuru okè.” (2 Tim. 1:7) Inwe “uche zuru okè” pụtara iche echiche nke ọma. Ọ pụtakwara anyị inwe ike idi ihe ndị bịaara anyị, a sịgodị na ha abụghị ihe ndị anyị tụrụ anya ha. Ụfọdụ ndị na-eto eto, bụ́ ndị na-esighị ike n’ọgbakọ, na-egosi na ha nwere mmụọ nke ụjọ site n’ime ihe ndị ga-eme ka ha chefuo nsogbu ndị bịaara ha. Ha na-ehi oké ụra ma ọ bụ na-ekiri televishọn mgbe niile, na-aṅụ ọgwụ ọjọọ, na-aṅụbiga mmanya okè, na-agakarị nnọkọ oriri na ọṅụṅụ, ma ọ bụ na-akwa iko. A dụrụ Ndị Kraịst ọdụ ka ha “jụ asọpụrụghị Chineke na ọchịchọ nke ụwa, ka [ha] na-ebikwa ndụ n’uche zuru okè na ezi omume na nsọpụrụ Chineke n’ime usoro ihe dị ugbu a.”—Taị. 2:12.
10, 11. Olee otú inwe uche zuru okè si enyere anyị aka ịbụ Ndị Kraịst kwụsiri ike?
10 Baịbụl dụsiri “ụmụ okorobịa ọdụ ike ka ha nwee uche zuru okè.” (Taị. 2:6) Ihe ga-egosi na ị na-eme nke a bụ ma ọ bụrụ na ị na-ekpeku Chineke ekpere mgbe nsogbu bịaara gị ma nwee obi ike na ọ ga-enye gị ume idi ya. (Gụọ 1 Pita 4:7.) Ọ bụrụ na ị na-eme otú a, obi ga-esi gị nnọọ ike na ị ga-enweta ‘ike nke Chineke na-enye.’—1 Pita 4:11.
11 Ọ bụ uche zuru okè na ekpere nyeere Carol aka. O kwuru, sị: “Otu n’ime ihe kacha siere m ike omume bụ igosi mama m na akwadoghị m omume rụrụ arụ ọ na-eme. Ma, ekpere nyeere m nnọọ aka. Ama m na Jehova nọnyeere m, n’ihi ya, anaghịzi m atụ onye ọ bụla egwu.” Cheta na nsogbu nwere ike ime ka ị bụrụ ezigbo mmadụ, meekwa ka obi sikwuo gị ike. (Ọma 105:17-19; Ákwá 3:27) N’agbanyeghị nsogbu ọ bụla bịaara gị, Chineke agaghị ahapụ gị. Ọ “ga-enyere gị aka.”—Aịza. 41:10.
Ịkwadebe Maka Alụmdi na Nwunye Ga-aga nke Ọma
12. Olee ihe mere Onye Kraịst chọrọ ịlụ di ma ọ bụ nwunye ga-eji mee ihe e dere n’Ilu 20:25?
12 Ụfọdụ ndị na-eto eto ejirila ọsọ gaa lụọ di ma ọ bụ nwunye n’ihi na ha chere na ọ ga-eme ka obi kwụsị ịna-ajọ ha njọ, ka owu kwụsị ịna-ama ha, ka ike ụwa ghara ịna-agwụ ha, meekwa ka ha kwụsị ịna-enwe nsogbu ndị ha na-enwe n’ụlọ ha. Ma, nkwa di na nwunye kwere onwe ha n’ụbọchị ha gbara akwụkwọ abụghị ihe e ji egwu egwu. N’oge ochie, e nwere ụfọdụ ndị ji ọsọ kwe Chineke nkwa n’ebughị ụzọ chee echiche. (Gụọ Ilu 20:25.) Mgbe ụfọdụ, ndị na-eto eto anaghị ebu ụzọ chebara ihe dị n’ịlụ di ma ọ bụ nwunye echiche. Ha na-emecha chọpụta na ọ bụghị ihe e ji egwu egwu.
13. Olee ụfọdụ ajụjụ ndị chọrọ ịlụ di ma ọ bụ nwunye kwesịrị ịjụ onwe ha, oleekwa ndụmọdụ ga-enyere ha aka?
* (Mat. 24:45-47) Were isiokwu ndị ahụ ka ndụmọdụ si n’aka Jehova. Chebara ihe ndị e kwuru na ha echiche nke ọma ma mee ihe ndị ha kwuru. Adịla ka “ịnyịnya ma ọ bụ ịnyịnya ibu na-enweghị uche.” (Ọma 32:8, 9) Bụrụ dimkpa n’ịghọta ihe dị n’ịlụ di ma ọ bụ nwunye. Ọ bụrụ na obi gị agwa gị na i toruola ịlụ di ma ọ bụ nwunye, cheta na i kwesịrị ịbụ ‘ihe nlereanya n’ịdị ọcha.’—1 Tim. 4:12.
13 N’ihi ya, tupu gị na nwoke ma ọ bụ nwaanyị ekwuwe okwu ọlụlụ, jụọ onwe gị, sị: ‘Gịnị mere m ji chọọ ịlụ di ma ọ bụ nwunye? Olee ihe ndị m na-atụ anya ha? Ihe ọ̀ ga-adabara mụ na onye a ma anyị lụọ? M̀ ga-arụli ọrụ di ma ọ bụ nwunye kwesịrị ịrụ?’ Iji nyere gị aka ka i nyochaa onwe gị nke ọma, “ohu ahụ kwesịrị ntụkwasị obi, onye nwekwara uche,” ebipụtala isiokwu dị iche iche banyere okwu a.14. Olee otú inwe ọganihu ime mmụọ nwere ike isi nyere gị aka ma ị lụọ di ma ọ bụ nwunye?
14 Onye tozuru okè n’ụzọ ime mmụọ ga-enwe ihe ịga nke ọma ma ọ lụchaa di ma ọ bụ nwunye. Onye Kraịst tozuru okè na-agbalịsi ike ‘itoru otú Kraịst toruru.’ (Efe. 4:11-14) Ọ na-arụsi ọrụ ike ka o wee nwee ike ịna-akpa àgwà ka Kraịst. Kraịst, bụ́ Onye Anyị Kwesịrị Iṅomi, “emeghị ihe masịrị onwe ya.” (Rom 15:3) Ọ bụrụ na di ma ọ bụ nwunye na-achọ, ọ bụghị uru nke ya, kama nke onye nke ọzọ, udo na obi ụtọ ga-adị n’ezinụlọ ha. (1 Kọr. 10:24) Di ga-ahụ nwunye ya n’anya nke ukwuu, nwaanyị kwesịkwara ịna-edo onwe ya n’okpuru di ya, dị ka Jizọs doro onwe ya n’okpuru onye bụ́ Isi ya.—1 Kọr. 11:3; Efe. 5:25.
“Jezuo Ozi Gị”
15, 16. Olee otú i nwere ike isi mee ka ọganihu gị pụta ìhè n’ozi ọma?
15 Mgbe Pọl gwara Timoti ọrụ dị mkpa Timoti ga-arụ, o dere, sị: “Ana m enyesi gị iwu ike n’ihu Chineke na Kraịst Jizọs, . . . kwusaa okwu Chineke, jiri ịnụ ọkụ n’obi na-ekwusa ya.” O dekwara, sị: “Rụọ ọrụ onye na-ezisa ozi ọma, jezuo ozi gị.” (2 Tim. 4:1, 2, 5) Timoti ‘ga-eji okwu okwukwe zụọ’ onwe ya ka o wee nwee ike ịrụ ọrụ a e nyere ya.—Gụọ 1 Timoti 4:6.
16 Olee otú ị ga-esi ‘jiri okwu okwukwe zụọ’ onwe gị? Pọl dere, sị: “Na-etinyesi mgbalị ike n’ịgụ ihe n’ihu ọha, n’inye ndụmọdụ, n’izi ihe. Na-echebara ihe ndị a echiche; na-etinye 1 Tim. 4:13, 15) Ọ bụrụ na mmadụ chọrọ inwe ọganihu, ọ ga na-enwechi ọmụmụ ihe onwe onye anya. Okwu ahụ bụ́ “na-etinye obi gị dum na ha” pụtara mmadụ imikpu onwe ya n’ihe. Olee otú i si amụ ihe? Ị̀ na-etinye obi gị dum ‘n’ihe ndị miri emi nke Chineke’? (1 Kọr. 2:10) Ka ị̀ na-amụ ha elu elu? Ichebara ihe ị na-amụ echiche ga-eme ka ị na-eme ihe ị na-amụta.—Gụọ Ilu 2:1-5.
obi gị dum na ha.” (17, 18. (a) Olee àgwà ndị i kwesịrị ịgbalị ka i nwee? (b) Olee otú inwe ụdị obi Timoti nwere ga-esi nyere gị aka n’ozi ọma?
17 Otu nwa agbọghọ bụ́ ọsụ ụzọ aha ya bụ Michelle kwuru, sị: “M na-enwechi ọmụmụ ihe onwe onye anya, na-agachikwa ọmụmụ ihe anya ka m wee na-ezi ozi ọma nke ọma. Nke a emeela ka mụ na Jehova dịkwuo ná mma.” Ịsụ ụzọ ga-eme ka ị mara otú e si eji Baịbụl ezi ozi ọma nke ọma, ọ ga-emekwa ka i nwee ọganihu ime mmụọ. Gbalịa ka ị na-agụ ihe nke ọma, na-azakwa ajụjụ nke ọma n’ọmụmụ ihe. Iji gosi na ị bụ nwa okoro ma ọ bụ nwa agbọghọ na-enwe ọganihu, i kwesịrị ịna-akwadebe ihe omume e nyere gị n’Ụlọ Akwụkwọ Ije Ozi Ọchịchị Chineke, jirikwa ebe ihe omume gị si na-akwadebe ya.
18 Mmadụ ‘ịrụ ọrụ onye na-ezisa ozi ọma’ pụtara onye ahụ izisa ozi ọma nke ọma nakwa inyere ndị ọzọ aka ka ha nweta nzọpụta. Ị ga-enwe “nkà izi ihe” ka i wee mee nke a. (2 Tim. 4:2) Ọ bụrụ na ịna-eso ndị bụ́ aka ochie na-aga ozi ọma, ị ga-amụta otú ha si ekwusa ozi ọma, otú ahụ Timoti mụtara n’aka Pọl. (1 Kọr. 4:17) Mgbe Pọl na-ekwu okwu banyere ndị o nyeere aka, ọ sịrị na e wezụga ikwusara ha ozi ọma, na ya nyere ha ‘mkpụrụ obi ya,’ ma ọ bụ na ya ji ndụ ya nyere ha aka, n’ihi na ọ hụrụ ha n’anya. (1 Tesa. 2:8) Ọ bụrụ na ị chọrọ iṅomi otú Pọl si kwusaa ozi ọma, ị ghaghị inwe ụdị obi Timoti nwere, bụ́ onye hụrụ ndị ọzọ n’anya ma “bụrụ ohu n’ime ka ozi ọma na-aga n’ihu.” (Gụọ Ndị Filipaị 2:19-23.) Ị̀ na-eme ihe niile i nwere ike ime iji kwusaa ozi ọma ahụ dị ka Timoti mere?
Inwe Ọganihu Na-enye Obi Ụtọ
19, 20. Gịnị mere inwe ọganihu n’ọgbakọ ji eweta ọṅụ?
19 Ọ bụrụ na mmadụ chọrọ inwe ọganihu ime mmụọ, ọ ghaghị ịrụsi ọrụ ike. Ma, ọ bụrụ na i jiri ndidi na-eme ka nkà i ji ezi ihe na-aka mma, ka oge na-aga, ị ga-enwe ihe ùgwù nke ime ka “ọtụtụ ndị baa ọgaranya” n’ụzọ ime mmụọ, ha ga-aghọkwa “ọṅụ [gị] ma ọ bụ okpueze aṅụrị” gị. (2 Kọr. 6:10; 1 Tesa. 2:19) Fred, bụ́ onye ọsụ ụzọ oge niile, kwuru, sị: “M na-eji oge dị ukwuu ugbu a enyere ndị ọzọ aka karịa mgbe ọ bụla ọzọ. O doola m anya na a na-enweta obi ụtọ ka ukwuu n’inye ihe karịa ka a na-enweta n’ịnara ihe.”
20 Otu nwa agbọghọ bụ́ onye ọsụ ụzọ oge niile aha ya bụ Daphne kwuru banyere ọṅụ na obi ụtọ ọ na-enwe n’ihi ọganihu ọ na-enwe n’ọgbakọ. Ọ sịrị: “Mụ na Jehova adịkwuola ná mma ka m na-amatakwu ụdị onye ọ bụ. Ọ bụrụ na i jiri obi gị dum na-eme ihe na-atọ Jehova ụtọ, ị ga-enwe nnọọ obi ụtọ!” Ọ bụ ezie na ụmụ mmadụ agaghị achọpụtacha mgbe anyị na-enwe ọganihu ime mmụọ, Jehova na-ahụ ya, ọ na-amasịkwa ya. (Hib. 4:13) Obi abụọ ọ bụla adịghị ya na unu, bụ́ Ndị Kraịst na-eto eto, nwere ike ito Nna anyị nke eluigwe. Na-emenụ ka obi ya na-aṅụrị ka unu ji obi unu dum na-eme ka ọganihu unu na-apụta ìhè.—Ilu 27:11.
[Ihe ndị e dere n’ala ala peeji]
^ par. 7 Aha a kpọrọ ụfọdụ ndị n’isiokwu a abụghị ezigbo aha ha.
^ par. 13 Gụọ isiokwu bụ́ “Ihe Ọ̀ Ga-adabara Mụ na Onye a ma Anyị Lụọ?” nke dị n’akwụkwọ bụ́ Ajụjụ Ndị Na-eto Eto Na-ajụ—Azịza Ndị Na-adị Irè, nke Abụọ; na “Nduzi Chineke Maka Ịhọrọ Onye Òtù Ọlụlụ,” nke dị n’Ụlọ Nche nke May 15, 2001; nakwa “Àdị M Njikere Maka Alụmdi na Nwunye?” nke dị n’akwụkwọ bụ́ Ajụjụ Ndị Na-eto Eto Na-ajụ—Azịza Ndị Na-adị Irè, nke Mbụ.
Gịnị Ka Ị Mụtara?
• Gịnị ka inwe ọganihu n’ọgbakọ pụtara?
• Olee otú i nwere ike isi mee ka ọganihu gị pụta ìhè . . .
mgbe nsogbu bịaara gị?
mgbe ị na-achọ ịlụ di ma ọ bụ nwunye?
n’ozi ọma?
[Ajụjụ Ndị E Ji Amụ Ihe]
[Foto dị na peeji nke 15]
Ekpere nwere ike inyere gị aka idi ihe isi ike
[Foto dị na peeji nke 16]
Olee otú ndị nkwusa na-eto eto nwere ike isi mụta otú e si akụzi ihe nke ọma?